Chiv blêx châux yiêz shông 2018-2019, tỉnh Điện tưz tsêz chos muôx nhos 9.460 ha. Taz sik têx caz hmoz tho nox uô ruôr hiêv tsênhv huôv xênhz phiv liv, zôngx ziv uô hiêv ntâu txos thâuv têx blêx tsênhv gôngr car, zuôr uô plaz az, uô trâu têx blêx sâu tsi tâu. Zơưv Nguyễn Trọng Kính, Chi cục tsar Chi cục por hưv đrox tsuôs tỉnh Điện Biên heik pâuz:

“Hâur ntu ntux txơưr txar ntâu li nhiv no cux tsênhv zos six hơưv jông trâu têx caz hmoz huôv xênhz thiêz uô ruôr hiêv têx kôngz. Chênhr viv li, hâur ngênhx por hưv đrox tsuôs tsưr ziv chox kriê, mak tas nro têx liêx têz tưz trâus caz hmoz tho nox, câur blôngx tsuv tsuôs yuôx tuô, lov ciês uô ntêx thâuv têx blêx tsi tâu uô plaz naz thiêz đhâu uô plaz naz, cxơưr tas. Jiês tiv iz zos uô ntêx 5 hnuz thâuv têx blêx tsi tâu uô plaz hnaz thiêz jiês tiv 2 zos đhâu thâuv blêx tưz uô plaz naz, cxơưr tas muôx 5 hnuz ntơư”./.

(Vũ Lợi-Riê Lâux cxeik, nhênhv)

Jiês xuz thơưx, iz shux xênhz nhoz Lào Cai thik tâi xeir zuôr cxaz chuôz Hội thik khoa học kỹ thuật ntiêx têz 2019 tsưr tsix hâur hli 5 zuôr txos. Dự án tâu xeir muôx njiêz luv “Rô bốt paz txưv puz mor trâu nênhs moz nox parkinson zôngv công nghệ yưr lir đuôz” zos shux xênhz Vũ Hoàng Long, cơưv lớp 12A2 tsêr cơưv THPT số 1 đrôngs Lào Cai xar tơưv uô. Uô ntêx co, Vũ Hoàng Long li dự án no zos 1 hâur 4 dự án tax tâu giải 1 jiês cxaz chuôz dưv thik khoa học kỹ thuật cấp têz qơưk tsês trâu shux xênhz cxênhx 3 shông cơưv 2018-2019. Thâuv thik chiê xeir zuôr mul thik sâuv ntiêx têz mak tsuôk muôx Long li dự án tâu xeir chox mul thik ntơưv Mỹ./.

( An Kiên- Txâur Vax cxeik nhênhv)

Ban mênhx cxưx lok zos Dân tộc tỉnh Sơn La nhiv kruôr tsưr tsix cơưv kriê cxaz txux chi tsưr ziv yuôr trâus lok hâux lưv mênhx cxưx trâu zuôr xar 100 lênhx Bí thư, tsar jok nhoz têx xã thax tsav tox siêz, txov nhêv. Têx lênhx Bí thư, tsar jok tuôx cơưv tâu piêr pâuz, heik kriê iz cxiê tsênhv njiêz zov chênhr lok mênhx cxưx; Đảng, têz qơưk tsưr ziv, tsênhv chei lok mênhx cxưx; côngz xưv mênhx cxưx thiêz têx tsaz yênhx tsênhv chei tsês trâu tsôngv box heir nênhs tsơưs tsênhv tâu fuô uô hâur thax tsav tỉnh Sơn La; sơưr tơưv txênhz phax tir thêir têx nênhs fêv liv zôngv tsôngv box heir nênhs tsơưs, tôn giáo chiê uô têx nuv tsi trơưk chei; qênhx shênhx txiv ngaz ngaz tuk thax tsav tsôngv box heir nênhs tsơưs./.

(KT-Riê Lâux cxeik, nhênhv)

Huyện Phong Thổ, tỉnh Lai Châu muôx 13 xã ntus đriv nhoz buôk têz qơưk Trung Quốc, qênhx shênhx txiv ngaz lok six phưx txuôx, têx lênhx nênhs muôx zênhs zax zênhz chuôz ndê. Taz sik, cxôngx thâuv tâu têz qơưk paz txưv thiêz chox nênhs muôx zênhs zênhz mul chiv zênhs zax zênhz cxôngx zôngv yuôx Mêthadone, ntâu nênhs muôx zênhs tưz ntus đriv no tưz chiv zênhs zax zênhz yênhx côngz, tâu tror lok đros côngv thôngx nhoz uô nênhx. Nhiv no sâuv thax tsav huyện muôx 8 qơư cungz yuôx Mêthadone chiê chiv zênhs zax zênhz, phênhv ntâu zos chêx chôngk ntơưv thax tsav xã ntus đriv đros muôx nhos 500 lênhx nênhs tsênhv chiv zênhs zax zênhz./.

(VOV4- Txâur Vax cxeik nhênhv)