Ndax jiês têx mênhx cxưx Lào nox tsiêz trâur lâuk Bunpimay thiêz chiv nhênhv 60 shông hnuz yênhx lix lưx lươngv Công an Lào (xiêz 5/4/1961-5/4/2021), nhiv kruôr đhâu, ntơưv trôngx đriv ntiêx têz Tây Trang, Công an tỉnh Điện Biên tưz tsưr tsix jiês khơưk muôz 30 luz meir tính thiêz 30 luz meir in trâu Công an 6 tỉnh Bắc Lào.

Ntơưv jiês khơưk muôz, hlôngr njêx muôk Công an tỉnh Điện Biên muôx luk phôngv jông txos Công an 6 tỉnh Bắc Lào thiêz tsôngv box tiv phaz ndax six hơưv nox tsiêz trâur lâuk Bunpymay.

Hlôngr njêx muôk công an 6 tỉnh Bắc Lào cux tưz muôx luk uô tsâus ntâu txos cấp ủy, chính quyênx tỉnh Điện Biên, tiv zix zos Bộ công an thiêz Công an tỉnh Điện Biên viv hâur ntu đhâu tưz sik côngv jông, paz Công an 6 tỉnh Bắc Lào uô tiêr jông jênhv vưv tâu choz zos por vêv txiv ngaz thax tsav. Đhâu co, gôngr phênhv chuôz cxaz cêr coaz siv truôx tul hâur 2 têz qơưk, 2 mênhx cxưx, 2 lưx lươngv heik cxuô thiêz hâur công an tỉnh Điện Biên thiêz Công an 6 tỉnh Bắc Lào heik taz./.

(Vũ Lợi-Txâur Vax cxeik nhênhv)

Nhiv kruôr đhâu, ntơưv thành phố Lai Châu, tỉnh Lai Châu muôx jiês piêr pâuz lok chor pax lan jiês tiv 4 shông 2021, đros muôx chor câu lạc bộ pax lan, chor nênhs chos pax tuôx txix 36 tỉnh, thành hâur têz qơưk cxaz  chuôz. Jiês piêr pâuz muôx 1.000 ntâu tsoz pax lan zos chor hov pax lan jông muôx sâuv thax tsav tỉnh Lai Châu thiêz têx tỉnh, thành, zos chor nênhs chos pax lan txix 30 ntâu tỉnh, thành hâur tas nro têz qơưk gra tuôx.

Pir li chor jiês piêr pâuz đrav ntex, chor pax lan muôx hâur jiês no tsơưs đuô tiv phiv liv txix moz Covid-19 thiêz qiv hơưv txơưr txar. Taz sik, nhiv no tsênhv zos chêix tơưs pax, chor pax chox tuôx ntơưv no puôr lênhx tơưs pax lok six jông gâux, muôx ntau zav pax. Viv li, tưz zaz zâuv yênhx cxênhx lênhx nênhs nhiêv pax lan hâur thiêz đrâuv tỉnh tuôx ndis shuôk./.

(TTTB-Lik Thox cxêik nhênhv)

Txơưv trâus zênhr shar ntâu tiv moz Covid-19, taz sik tsôngv kruô tuôx ndis shuôk uô si ntơưv Sơn La hâur 3 luz hlik hâur shôngk shông no cux chuôz ndê zuôr xar 20% pir đros tsêz no.

Uô tsưr ziv zos tos 2,9 tsov ntâu jiês tsôngv kruô tuôx ndis shuôk uô si hâur shông no, yênhx trus chox ju lix Sơn la yênhx qơư taz por, zaz zâuv chôngz tsôngv kruô tuôx thax tsav Tây Bắc, tiv phaz tsênhv sir jos krêz uô têx tsưr ziv, yax kriê, cxơưz tiês sik côngv huôv tsar ju lix; paz trâu doanh nghiệp thiêz côngv thôngx huôv tsar ju lix; huiz tôngv têx pênhr jos cxiv tsa têx cơ sở cxuô zav, jix vuv taz por....

Đrâuv co, xav tênhv phuôx huiz ju lix côngv thôngx, têx tiv phaz nhoz Sơn La cux tsov cưv thox cxov lênhx nênhs ntơưv qơư phưx vưv huôv tsar ju lix, sir jos cov iz lênhx tsôngv box zos iz lênhx nênhs paz heik kriê lok ju lix nhoz tiv phaz./.

(Thu Thùy- Txâur Vax cxeik nhênhv)

Thâuv tsênhv uô hâux lưv ntơưv qơư sêiz jor têx yêz zoz thôngz, nhoz tôv 4, phường Nam Thanh, thành phố Điện Biên Phủ, Tôv côngz xưv Đôiv cảnh sát zoz thôngz-ngaz tuk-Cơ động, Công an thành phố Điện Biên Phủ tưz pov thiêz cxov tsês oz lênhx nênhs zos Lò Văn Kiên (zus shông 1979, nhoz Đôiv 15, xar Noong Hẹt, huyện Điện Biên) thiêz Lò Thị Thơm (zus shông 1991, nhoz jok Che Phai, phường Thanh Trường, thành phố Điện Biên Phủ), tsênhv thâux gra tsik zos chêi 1,14g zênhz đơưz thiêz 20 luz yuôx shơư zax zênhz. Đôiv Cảnh sát zoz thôngz-Ngaz tuk-Cơ động tưz uô ntâuz ntơưr cxov tsês lênhx nênhs thiêz cxuô zav choz zok trâu taz viv muôx vax huôv, Công an thành phố Điện Biên Phủ tror qênhz yuôx cov tsênhz mênhx.

Thôngz sâu txix hâur shôngk shông 2021 txos nhiv no, đhâu kriz uô hâux lưv, lưx lươngv cảnh sát zoz thôngz, Công an thành phố Điện Biên Phủ tưz pov thiêz cxov tsês 5 txuz nênhs tsar yêz zoz thôngz tsês chiê, thâux gra tsik zos chêi zax zênhz. Đhâu co, tưz khởi tố 3 txuz thiêz 3 lênhx nênhs lok kror cxâuv li hêik co./.

(Vũ Lợi-Lik Thox cxêik nhênhv)