Đros huôv tsar têx zav ntông nox txir, hâux lưv huôv tsar têx zav li pax, jâuz hur tsênhv tâu huyện Mộc Châu, tỉnh Sơn La sir jos kriz uô chiê muôs trâu têx siêu thị hâur thiêz đrâuv tỉnh, tiv zix zos thủ đô Hà Nội. Chiê pêx xênhv, têx doanh nghiệp sir jos cxaz chuôz uô chor hax huv no, đrâuv tỉnh li têx tsênhv chêi, huyện Mộc Châu cux tưz tsês nhiêx txiêx chiê paz trâu têx tsưr ziv uô lox, paz muôx tâu chêx cur kinh têr. Shông 2018, tsiv gri uô xênhz yar kôngz nuv tâu muôx 50 triệu đêiv iz ha, huyện tsênhv sir jos txos shông 2020 zuôr tâu muôx 55 triệu đêiv iz ha sâuv chor ar uô xênhz yar kôngz nuv hâur tas nro huyện nhiv no zos zuôr xar 30 cxênhz ha. Zơưv Trương Hoa Bắc, phưv chủ tịch UBND huyện Mộc Châu, tỉnh Sơn La puz pâuz:“Nhiv no pêz muôx lok six ntâu tsưr ziv chos jâuz, txir, tsưr ziv uô kôngz nuv đros du lịch. Pêz sir jos trâu cxiv uô têx côngz bê, qơư nriêr pâuz lok hax huv kôngz nuv. Hâur têx shông jê lok no, pêz tưz đăngk cir trâu Cục sở hữu trí tuệ cxiv tsa côngz bê jâuz hur ngaz tuk, thiêz sir jos piêr pâuz chiê muôx nzir qơư sâu zuôr muôs têx hax huv no”./.

                                                 (Tuyết Lan-Lik Thox cxêik nhênhv)

Trơưk li ngênhx kôngz nuv heik pâuz, hâur hli 5, ntơưv Lào Cai ntux cuz sor ntêr hnuz. Xav txos hnuz 30/5, têx liêx têz poz cưk, blêx tưz trâus uô hiêv tas 408 ha tiv ntux kruôr, cuz sor. Têx thax tsav muôx liêx têz kôngz trâus uô ruôr hiêv ntâu zos huyện Mường Khương, Si Ma Cai. Têx kôngz trâus hiêv zos poz cưk thiêz blêx têz. Ngênhx kôngz nuv thiêz têx thax tsav heik sâuv tưz chox kriê tsôngv box cov muôz têx têz blêx trâus njưk tuôs tas co hlôngr chos poz cưk, tâuv pâur, tâuv đuz.... Huyện Si Ma Cai tưz paz 1.789 cir nôngz cưk chiê tsôngv box chos nzir trâu têx têz kôngz trâus kruôr njưk tuôs tas ntơư./.

                                     (VOV4-Riê Lâux cxeik, nhênhv)

Xav txix thâuv muôx yưv oz kror qơư trâus moz ntơưv huyện Văn Chấn hâur hlik hli 5 đros muôx 208 tul buô trâus moz, txos hnuz 4/6, moz ơưk buô Châu Phi tưz muôx yưv ntơưv 71 jêx jok, tổ dân phố nhoz 35 xar, phường, thị trấn hâur tỉnh Yên Bái. Tas nro chor buô trâus moz, tuôs thiêz muôz phâuk por tsês txos nhiv no zos 2.400 tuk. Đros caz moz ơưk buô Châu Phi li txơưr txar phiv liv, tỉnh tưz muôz muôx 7.000 lir yuôx chiê tsuôs tuô lov caz moz….zơưv Nguyễn Ngọc Xuân, Phưv giám đốc Sở Kôngz nuv thiêz huôv tsar jêx jok tox siêz tỉnh Yên Bái puz pâuz:“Tỉnh Yên Bái tưz tso tơưv tsưr ziv thiêz kriz uô tir tar moz ơưk buô Châu Phi. Yênhx lix chor đoanx côngz xưv liên nganhx chiê qênhz yuôx thâux xa buô; tso chor đoanx muk qênhz yuôx, hêik sir jos tir tar sêi moz ơưk buô Châu phi ntơưv têx tiv phaz sâuv thâuv tsav tỉnh”./.

                              (Thừa Xuân-Lik Thox cxêik nhênhv)

Tas cik sơưr nzor hnuz xiêz 4/6, ntơưv jok Co Phay, xã Tân Lập, huyện Mộc Châu, tỉnh Sơn La, Công an huyện Mộc Châu đros Công an huyện Vân Hồ, Phongx Cảnh sát qênhz yuôx têx nênhs nhiês zuôr muôs uô luôv zax zênhz, Công an tỉnh Sơn La tưz ntêk tâu Páo Xênhv Muôk, xênhz zus shông 1989, nhoz ntơưv jok Giảo, xã Mường Lựm, huyện Yên Châu, tỉnh Sơn La tsênhv thâux gra zax zênhz tsi trơưk chei. Têx chuôz zênhx sâu tâu zos 20 poz zênhz đơưz, 12 cxênhz njiêr yuôx shơư zênhz, iz luz xor tông mê gra ntơưv têk thiêz iz luz yêz meir.

Tror krêz đar qênhz yuôx, Cơ quan Cảnh sát qênhz yuôx Công an huyện Mộc Châu tưz ntêk tâu nzir 2 lênhx nênhs zos: Shôngx Xênhv Lù, xênhz zus shông 1984, nhoz ntơưv jok Suối Ngang, xã Chiềng Sại, huyện Bắc Yên thiêz Nux Xênhv Muôk, xênhz zus shông 1988, nhoz ntơưv jok Giảo, xã Mường Lựm, huyện Yên Châu lok sâuv zuôr muôs zax zênhz tsi trơưk chei. Txuz nuv no tsênhv tâu Cơ quan muôx vax huôv tror qênhz yuôx, uô tsênhz mênhx./.

             (Trấn Long-Riê Lâux cxeik, nhênhv)