Đhâu ntâu hnuz sir jos khơưz huk, cxiv kho cêr, txos nhiv no hâur thax tsav huyện Mường Tè, tỉnh Lai Châu cux tsênhv yuôr 3 xã, đros thiêz yênhx châuv luz jok trâus kuôk cêv muk tsi tâu đhâu trâu luôs 2 chas thax tsav đrâuv tiv đêx nas lox uô tox poz ar lơưk, tsôngv box luz nênhx qir njiz ntâu phiv liv, tiv têx xkôngz krâur, zav nox bax tsês iz hnuz tưz tas jux juk. Li ntơư, tưz 10 hnuz đhâu xav txix hnuz 24/6, ntux nas lox tưz uô ruôr hiêv hnhar lok lênhx nênhs thiêz têx chuôz zênhx chuôz tas hâur thax tsav huyện Mường Tè. Nhiv no cux tsênhv yuôr yênhx châuv luz jok, yênhx cxênhz chuôz zis tsôngv box nhoz têx xã ntus đriv, lar heik zos 3 xã Tá Bạ, Thu Lũm thiêz Pa Ủ trâus kuôk cêv tiv tox poz ar lơưk cxuz têx cêr tas. Zơưv Hoàng Tiến Quý, Phưv Giám đốc Công ty cxiv tsa thiêz seiz car cêr ar I Lai Châu heik pâuz:

“Iz chas pêz taz viv têx yêz, meir uz no cux tưz hu nzir têx yêz thoz huk ar, câuk ar hâur 2 taz viv thiêz. Nhiv no pêz cux tsênhv lok six sir jos uô hâux lưv no, iz hnuz 2 paz siz hlôngr njo uô, khơưz thiêz thoz huk txix thâuv 5 six tas cik txos 7 six tsâuk ntux thiêx so. Njuôk xav hâur nhos 5 hnuz thiêz, pêz thiêx zuôr khơưz huk thiêz kho tâu cêr trâu yêz mul lok đhâu”./.

(Khắc Kiên-Riê Lâux cxeik, nhênhv)

Ntơưv thax tsav đội 21, xã Noong Luống, huyện Điện Biên, tỉnh Điện Biên, Phongx phax tar zax zênhz thiêz têx nênhs fêv Bộ chỉ huy bôv đôiv pênhz phax tỉnh Điện Biên, zênhx pênhz phax Pa Thơm tổ côngz xưv nhiv kruôr ntêk tâu iz lênhx nênhs tâu njuôk xav zos thâux gra zax zênhz tsi trơưk chei. Qir uô hâux lưv qênhz shuôs, yơưz vơưz, lưv lươngv muôx vax huôv sâu tâu ntơưv qơư muôx 10 poz zênhz đơưz muôx 3,5 cir, 30 cxênhz njiêr yuôx shơư zênhz; 5 poz zax zênhz poz jêz hnhar muôx  5 cir thiêz iz cxiê zav chuôz zênhx txơưr đuô cik txos. Đhâu sơưr tơưv txênhz, qênhz yuôx, xav tinhv lênhx nênhs no zos Lò Thị Bun, xênhz shông 1982, nhoz ntơưv jok Pa Xa Lào, xã Pa Thơm, huyện Điện Biên, tỉnh Điện Biên. Xuz thơưx Bun krêz lênhk tiêk, Bun thâux gra chor zax zênhz co trâu iz lênhx nênhs Lok tsuôk chiê choz trâu iz lênhx txơưr đuô nhoz tỉnh Lai Châu. Nhiv no txuz plâuz co tâu Bộ chỉ huy Bôv đôiv Pênhz phax tỉnh Điện Biên krêz đar qênhz yuôx, uô tiêr têx ntâuz ntơưr thiêz tik cêr cxâuv trơưk chei têz qơưk./.

(Vũ Lợi-Riê Lâux cxeik, nhênhv)