Xav txos zuôr tsâuk ntux hnuz 4/7, ntux nas đax ngaz cuôr tưz uô 37 luz tsêr, 2 luz tsêr vênhx huôv thiêz qơư uô ntông nhoz huyện Trấn Yên thiêz Văn Chấn, tỉnh Yên Bái trâus za trur, puôk tsuôx. Ntux nas chuô tsênhv uô poz vâu tas nro iz luz tsêr tsênhv tâu cxiv uô đar muôx 7 cxênhz yiv ndis nhoz xar Hưng Khánh thiêz vâu iz tuk ndêx tênhv nhoz xar Nga Quán, huyện Trấn Yên. Njuôk xav têx trâus hiêv tas muôx 5,6 tiv đêiv./.

(Tuấn Xuân-Lik Thox cxêik nhênhv)

Ntơưv huyện ntus đriv Sốc Cộp, tỉnh Sơn La muôx ntux lok nas lox thiêz lok six lox, uô ntâu xã trâus đêx ngaz lok chuôz zênhx chuôz tas, kôngz lôngk, thiêz têx côngz tsinhx cxuô zav. Jiês lok nas lox nhiv kruôr đhâu tưz uô chuôz zis zơưv Lò Văn Thoi nhoz jos Nà Dìa, xã Sốp Cộp tsêr trâus đêx ngaz, cuôr lơưv têx chuôz zênhx, kôngz lôngk thiêz tsiêx cxu, keiz, ok. Đêx ziv hnuz ziv pur siêz, uô zơưv Thoi ziv cxơưx đuô viv nyei đêx zuôr cuôr ciês luz tsêr nhoz thiêz:

“Ntux lok nas lox uô tsi tâu tuk tsi. Cur tul tuz đhiê mul chaz tâu tuk nhux, 3 tul buô mak chơưv tsi zênhx. Xar muk chơưv taz sik đêx ntưs lox tsi car muk. Yuôr têx chuôz zênhx hâur tsêr mak trâus đêx cuôr lơưv tas. Yuôr 2,3 keiz mak za tâu muk sâuv chês txir lưv tsiz viv li tsi trâus đêx cuôr”./.

(Thanh Thủy- Txâur Vax cxeik nhênhv)

Trơưk li Ban chox kriê, sêiz car phax tar ntux têz uô ruôr hiêv thiêz zok nriêr chơưv paz lênhx nênhs tỉnh Lai Châu, nhiv no tiv phaz cux tsênhv yuôr muôx 300 ntâu ziv chuôz zis uô nênhx nhoz jê ntơưv têx ntus cưx đêx, cưx ha thiêz hâur thax tsav qơư zuôr njiz trâus ar poz siêz. Mường Tè zos tiv phaz muôx chor ziv chuôz zis tsuv tâu txar qơư nhoz ntâu tiv zix, muôx 150 ntâu ziv chuôz zis. Đros njuôk xav coz nas chuô số 2 zuôr uô phiv liv muôx ntux nas lox sâuv thax tsav, têx tiv phaz tưz hêik pâuz chiê pêx xênhv bax phax tar muôx ar poz, chuô lox, thôngx cxix sir jos txar chor ziv chuôz zis njiz phiv liv muk trâu têx qơư ngaz tuk./.

(Khắc Kiên-Lik Thox cxêik nhênhv)

Ntơưv tỉnh Lào Cai, côngz tsinhx txar tsôngv box nhoz ntus đriv lok nhoz chêx chôngk ntơưv jos Ngám Xá, xã Nậm Chạc (huyện Bát Xát) tâu cxiv uô kuôk nor 5 shông ntâu, taz sik txos nhiv no tsênhv tsi tâu tâu uô tiêr, têx hâux lưv uô tiêr mak tsênhv jux jus trâus puôk tsuôx. Lơưr xor mông cxôngx iz cán bộ xã Nậm Chạc, lok qơư nhoz thiêz liêx kêz nteir chiê tsôngv box uô kôngz lôngk mak tưz tâu uô tiêr, taz sik nhiv no tsi tâu muôx cxix luôk tso đêx, tênhv tênhz xênhz huôx, cêr zaoz thôngz....viv li tsôngv box tsi tâu txar tuôx qơư nhoz yiêz./.

(VOV4- Txâur Vax cxeik nhênhv)

Têis cik 4/7, Ủy ban thành phố Điện Biên Phủ, tỉnh Điện Biên tưz đros têx cơ quan txơưx jênhv cik txos kriz uô zuôv ruôr iz luz tsêr nhoz tổ 5, phường Thanh Trường tiv uô cxâuv têx cui tênhv lok cxiv tsa. Luz tsêr trâus cơ quan txơưx jênhv ruôr zos zơưv Vũ Mạnh Hùng, zus shông 1982, nhoz ntơưv đội 2B, xar thanh Luông, huyện Điện Biên, tỉnh Điện Biên luz. No zos luz tsêr tsik muôx ntơưr tso chêi cxiv tsa, txos nhiv no đhâu six hơưv 60 hnuz lơưr chính phủ li cui tênhv ntơưv điểm b, khoản 2, grê 15 Nghị định số 139. Zơưv Nguyễn Tuấn Anh, Phưv chủ tịch Ủy ban thành phố Điện Biên Phủ puz pâuz:

“Uô ntêx thâuv kriz uô côngz xưv mak pêz tưz muk yax kriê lok six ntâu jiês, taz sik chuôz zis no tsik uô trơưk. Chiê taz por uô truôx jông lơưr pháp luật têx cui tênhv hâur côngz xưv sêiz car đô thị cxiv tsa mak hnuz no thành phố Điện Biên Phủ uô lơưr kruôz zuôv. Nhiv no sâuv thax tsav thành phố hêik cxuô thiêz ntơưv tổ 5, phường Thanh Trường, tiv zix zos thax tsav tổ 5 mak muôx yênhx châuv ziv chuôz zis cxiv tsa uô cxâuv thiêz pêz zuôr kriz uô jux juk chiê taz pir côngz xưv sêiz car cov zos li pháp luật têx cui tênhv”./.

(Vũ Lợi-Lok Thox cxêik nhênhv)