Sik côngv đros tas nro têz qơưk phax tar moz Covid-19, chor canr bôv, chiến sỹ Pênhz phax Sơn La cux tsênhv niêx hnuz hmo sir jos uô luôs hâux lưv tsưx phưv đriv têz, cê uô hâux lưv por hưv ntus đriv cê uô hâux lưv phax tar moz. Ntâu lênhx canr bôv, chiến sỹ tưz nduô tsês zuk têx hâux lưv chiê tror đros têx tuz lênhv uô jông luôs hâux lưv tâu choz. Iz zav li hnuz 31/7, Đại úy Vũ Công Lựu, uô hâux lưv hâur Trạm Trôngx đriv phưv nậm Lạnh, Zênhx Pênhz phax Nậm Lạnh, Bôv đôiv Pênhz phax tỉnh Sơn La txeik tâu mông zuk lênhx txir nhoz Vụ Bản, Nam Định tâu tas siv nênhx. Taz sik đôngx chir Lựu tsênhv uô hâux lưv seiz jor ndâux cêr phax tir thêir moz Covid-19 nhoz đriv têz Sốp Cộp tỉnh Sơn La, buôk têz tỉnh Hủa Phăn, Lào cux tưz muk tsi tâu tsêr, tsuv tror nhoz đros têx fôngx zưs, tuz lênhv uô hâux lưv phax tar moz Covid-19 thiêz tsưx phưv đriv têz têz qơưk.

Đhâu hlo thâuv txeik tâu mông, Zênhx pênhz phax Nậm Lạnh tưz uô qơư hlơưr shaz hơưv ntơưv Trạm trôngx đriv phưv Nậm Lạnh chiê sik pheiz cêr pôngz siêz đros đôngx chir Lựu thiêz chuôz zis; iz chas ntơư xa qênhz pax muk hơưv, sik pheiz kênh têx cêr pôngz siêz đros chuôz zis. Bộ Chỉ huy Bôv đôiv pênhz phax tỉnh, huyện Sốp Cộp đoanx côngz xưv cux muk shuôs, nus, tôngv zênhx thiêz sik pheiz kênh têx cêr pôngz siêz đros Vũ Công Lựu.

Đros trâu đại úy Vũ Công Lựu, txix thâuv muôx moz Covid-19, yênhx châuv lênhx canr bôv, chiến sỹ hâur Bộ chỉ huy Pênhz phax tỉnh Sơn La tưz tso tsês têx hâux lưv hâur vax tsêr, nênhs cxênhz jê chiê sơưr cêr muk uô têx luôs hâux lưv zok muôz./.

 (Vì Hiện-Riê Lâux cxeik, nhênhv)

Tas cik hnuz xiêz 04/8, tỉnh Yên Bái tưz tso đoanx côngz xưv muk paz max têx tỉnh, TP faz Nam phax tar moz Covid-19. No zos jiês tiv 7, xav txix thâuv moz Covid-19 huôv xênhz, tỉnh tưz tso têx đoanx côngz xưv muk paz max chor thax tsav qơư muôx moz. Hâur jiês no, 30 lênhx canr bôv ngênhx y tế Yên Bái muk paz tỉnh Bình Dương thiêz Bà Rịa-Vũng Tàu. No puôr lênhx zos têx lênhx bác sĩ, cưk yuôx muôx txux chi tsưr ziv uô hâux lưv, chơưv kho têx lênhx nênhs trâul moz hnhar, uô tâu jông hâux lưv paz cxuô thax tsav qơư phax tir thêir moz./.

(Thừa Xuân-Riê lâux cxeik, nhênhv)

UB tỉnh Lào Cai nhiv kruôr muôx ntâuz ntơưr heik têx tiv phaz trực thuộc yênhx lix cxix luôk Tuêv qênhz yuôx moz Covid-19 ntơưv têx jêx jos, tuêv jênh phố. Lơưr co, iz jêx jos, tuêv jênh phố tsuv muôx tsơưs tiv zix iz tuêv. Uô ntêx co, shông 2020, 1 cxênhz 600 ntâu Tuêv Covid-19 côngv thôngx nhoz Lào Cai huôx tôngv nhoz yênhx jêx jos tưz phuôx huiz pưs txux yax mông, seiz car phax tar moz ntơưv qơư. Tuêv qênhz yuôx yiêz yênhx lix zuôr gôngr phênhv paz Lào Cai nriêr zok sei lênhx nênhs trâus moz chiê cêv kuôk, yưr lir, tir tar caz moz siz cik; thôngx cxix chuv tôngv njuôs siv chiê pov nzor lênhx nênhs trâus moz hâur côngv thôngx./.

(An Kiên-Txâur Vax cxeik nhênhv)

Thâuv 7 six 30 phênhz tas cik hnuz xiêz 4/8, ntơưv cei cêr 285+600 niêv cêr 279, thax tsav xã Quài Nưa, huyện Tuần Giáo (tỉnh Điện Biên) muôx yưv jiês poz jêz ntos uô cêr muk lok tsi tâu. Têx luz poz jêz lox cxôngx sâuv tox trôngz ntos lok hâur cêr tar lơưv 50 yiv cêr muk lok . Môngr jông thâuv co tsi muôx lênhx nênhs thiêz yêz muk lok đhâu. Taz sik hâux lưv no tưz uô zaoz thôngz muk lok tsi tâu 1 six hơưv ntâu. Zơưv Trần Quang Huy, Phưv giám đốc Công ty cổ phần cêr ar 226, taz viv coar lik puz pâuz: ciês thâuv muôx yưv hâux lưv no, công ty tưz cxok fiêx canhv pov 2 tos cêr, zôngv cxuô zav meir chiê yưr lir. Txos 9 six txơưv krêz thôngz tâu cêr chiê yêz muk lok taz por. Nhiv no lưx lươngv muôx txơưx jênhv tsênhv yưr lir txos qơư hâux lưv no sâuv qơư muôx poz jêz ntos no./.

(Vũ Lợi-Txâur Vax cxeik nhênhv)