Têik cik 3/9, ntơưv huyện Phù Yên, tỉnh Sơn La tưz tsưr tsix ntênhk uô tiêr qơư nta suôz FM Đaix TNVN ntơưv huyện Phù Yên.

Qơư nta suôz FM huyện Phù Yên tau cxiv uô sâuv trôngz ntông chiêz Noong Cốp siêz muôx 750 yiv pir li đêx hiêr. Côngz trinhx muôx mêir nta suôz FM, côngz suất zos 5 KW, ăng ten đros têx chuôz zênhx tsuv muôx, chuôz zênhx gruk thiêz nta suôz, ndê ăng ten siêz 70 thiêr. Tas nro pênhr yưv uô muôx 10 tiv đêiv ntâu zos Đaix TNVN thiêz tỉnh Sơn la chor pênhr uô.

Qơư nta suôz FM ntơưv huyện Phù Yên huôx tôngv zuôr paz nta suôz trâu thax tsav 11 huyện nhoz 4 tỉnh zos Sơn La, Yên Bái, Phú Thọ thiêz Hòa Bình. Kror no paz trâu nta suôz txos trâu tsôngv box cxuô mênhx cxưx Tây Bắc ntâu đuô, chiê cungz trâu pêx xênhv cxuô zav dịch vụ, thôngx cxix tax tâu zoz qơưx lok Đảng, têz qơưk li yax mông đối ngoại.

Ntơưv ntênhk, lênhx tov tỉnh Sơn La, Đaix TNVN thiêz huyện Phù Yên tưz choz zok qơư nta suôz FM trâu Đaix nta đuôz-nta suôz huyện Phù Yên sêiz shuôk, sir zôngv./.

(CTV VOVTB-Lik thox cxêik nhênhv)

Ndaz ndơưv hnuz quốc khánh xiêz 2/9, ntâu tiv phaz nhoz tỉnh Lai Châu tưz tsưr tsix Hnuz ntênhs vênhx huôv têx mênhx cxưx. No zos six hơưv chiê tsôngv box têx mênhx cxưx thiêz tsôngv kruô tâu pâuz txos vênhx huôv nghệ thuật jông, chuôz tsar cêr sik côngv siêz têx mênhx cxưx. Hâur têx huôx tôngv no, tsôngv kruô thiêz tsôngv box têx mênhx cxưx tiv phaz tsênhv tâu mul ndis seiz têx jos ju lix côngv thôngx, têx kror tsuô jông....Đrâuv co, ntơưv têx huyện Tam Đường, Tân Uyên, TP Lai Châu têx tiv phaz hâur thax tsav tsiv uô yuôx zêx tưz tsưr tsix huôx tôngv thik đê yuôx zêx, hâuk yuôx zêx chiê heik kriê txos sđ hâux lưv tsiv uô yuôx zêx. No zos huôx tôngv paz heik kriê, tuôr truôx thiêz phuôx huiz tsiv grê vênhx huôv yuôx zêx, tsưr ziv hâuk yuôx zêx nhoz tỉnh Lai Châu./.

(K.Kiên- Txâur Vax cxeik nhênhv)

Viv ntux lok nas lox hâur hmo xiêz 4/9, đêx nas tưz uô ntu cêr lox 279 sâuv thax tsav tỉnh Điện Biên trâus poz, yêz muk lok tsik đhâu. Thâuv 8 six tsâuk ntux, hnuz xiêz 4/9, ntơưv ntu cêr 11+300, txox cêr lox 279 nhoz thax tsav jos Bánh, xã Chiềng Sinh, huyện Tuần Giáo, tỉnh Điện Biên, đêx nas tưz uô poz jêz poz lok cxuz tas iz ntu cêr ntêr 80 thiêr, uô trâu yêz muk lok tsik đhâu.

Zơưv Trần Quang Huy, phưv Giám đốc công ty sêiz car cêr 226, zos đơn vị sêiz car txox cêr lox 279 ntơưv tỉnh Điện Biên hêik pâuz: Đhâu ntơư, công ty tưz tso 2 luz yêz muk lêix huk chor poz jêz cxur cêr ntơư, cov yêz muk lok đhâu.

“Nhiv no, công ty tsênhv taz tov tsưr tsix yuôk fiêx tsik chiê yêz muk lok trâu ntu cêr trâus poz, txix Tuần Giáo muk trâu thành phố Điện biên phủ. Thiêz pêz cux tsênhv tso yêz lêix đuô iz txox cêr ntơưv ntu cêr poz cxuz ntơư chiê yêz máy lul muk lok đhâu”./.

                                                                              (Chu dịch-TTT)

Tiv trâus zênhr shar viv coz nas chuô mul đhâu thax tsav tox siêz faz Bắc txuôk đros coz nas chuô số 8 viv li hnuz xiêz 3/9, têx thax tsav hâur tỉnh Yên Bái muôx ntux lol nas lox, chuô lox. Ntơưv têx huyện Yên Bình thiêz Trạm Tấu tưz muôx 3 lênhx nênhs tuôs, 7 lênhx trâus saz tiv xoz tuô thiêz tox poz. Ciês thâuv jênhv tâu xor mông, Ban chỉ huiz phax tar ntux nas thiêz nriêr chơưv nanv têx huyện Yên Bình, Trạm Tấu đros têx nganhx, đoanx thêv tưz tuôx ntơưv qơư chiê seiz nus, tôngv vênhx chuôz zis trâus ruôr hiêv thiêz huiz tôngv lưx lươngv ntơưv qơư khưx phưx têx trâus ruôr hiêv chiê taz por ngaz tul luz nênhx trâu tsôngv box. Tỉnh Yên Bái heik têx tiv phaz tror seiz jông qênhx shênhx ntux nas chiê chuv tôngv phax tar./.

(Đinh Tuấn - Txâur Vax cxeik nhênhv)