Zar hnuz keix hnuz xiêz 5/10, Ban tuyên giáo tỉnh ủy Điện Biên tsưr tsix khiêz phêv pov tsir thôngz xor mông lok hâux lưv tsưr tsix Đại hội teiv plor Đảng bộ tỉnh jiês tiv 14 six cxiv 2020-2025. Lơur co, Đại hội teiv plor Đảng bộ tỉnh Điện Biên jiês tiv 14, six cxiv 2020-2025 zuôr tsưr tsix hâur 3 hnuz cxôngx hnuz 13-15/10 ntơưv tsênhv qơư Phêv ziv- vênhx huôv tỉnh. Đại hội muôx 500 lênhx teiv plor cxaz chuôz, hâur co teiv plor tsênhv zos 350 lênhx. Zơưv Phạm Khắc Quân- Tsar ban tsưr tsix tỉnh ủy Điện Biên puz pâuz:

“Pir đros têx six cxiv uô ntêx mak pêz xar tiêk côngz xưv nhân sự jiês no uô lok six jông, jênh chuv thiêz lơưr trơưk cui tênhv chinhz yênhx cxuô. Đhâu chêx cuk co pêz khav tênhv côngz xưv nhân sự zos kror zov chênhr tiv zix hâur côngz xưv bo xeir lênhx nênhs trâu Đại hội têx cấp six cxiv 2020-2025 ”./.

(Vũ Lợi-Txâur Vax cxeik nhênhv)

Sở Lox tôngv-Xaz pênhz thiêz Xar hôiv nhiv kruôr sik côngv đros UBND xar Púng Luông, huyện Mù Cang Chải, tỉnh Yên Bái tsưr tsix xor xưv yax mông phax tar uô hiêv txos chor nhuôs zâu ntơưv tsêr cơưv cxênhx oz thiêz cxênhx pêz Púng Luông trâu 700 ntâu lênhx shux xênhz. Đhâu no, chor shux xênhz tưz tâu hêik kriê têx txux chi tsuv muôx chiê phax, tar têx uô hiêv txos chor nhuôs zâu, paz cxiv tsa tênhv qơư uô nênhx nhoz ngaz tuk trâu chor nhuôs zâu ntơưv chuôz zis, tsêr cơưv ntơưr thiêz côngv thôngx, txo grêk tsơưs chor nhuôs zâu trâus uô hiêv. Xor xưv yax mông no cux tưz paz trâu chor nhuôs zâu nhoz tox siêz, đêz đrôngs, thax tsav mênhx cxưx tsơưs nênhs pâuz tsênhz đuô lok zuk têx qênhx liv thiêz têx phiv liv uô hiêv txos nhuôs zâu…/.

(Báo YB-Lik Thox cxêik nhênhv)

Công an TP Lào Cai (tỉnh Lào Cai) puz pâuz, Chiz coaz cảnh sát qênhz yuôx tưz nus tiêr lênhx txir nênhx ntâus tul mê nhuôs 2 shôngk ntơưv tsêr cơưv mê nhuôs zâu Trump Kids thâuv zar hnuz keix hnuz 30/9. Iz lênhx nênhs tov Công an TP Lào Cai puz pâuz, cxôngx Bùi Mạnh Hùng li luk heik, chiz coaz cảnh sát qênhz yuôx zuôr uô ntâuz ntơưr thiêz seiz njuôs đas jos trâu tul mê nhuôs 2 shông chiê yênhx trus yưr lir lơưr cui tênhv. Thâuv nus tas, tiv tsi tâu tsuv cêv kuôk tir tar viv li Hùng tâu tso tror muk tsêr./.

(An Kiên- Txâur Vax cxeik nhênhv)

Công an tỉnh Yên Bái nhiv kruôr cxov tâu pos Nguyễn Thị Nghĩa (luz bê txơưr zos: Nguyễn Thị Bích Ngọc, Nguyễn Bích Ngọc), zus shông 1979, nhoz ntơưv tôv 7, phường Pú Trạng, thị xar Nghĩa Lộ, tỉnh Yên Bái, zos nênhs tsênhv trâus zok cxov tiv kror cxâuv Nziêk đas zuôr nhiêx txiêx.

Nguyễn Thị Nghĩa tưz txêik chôngz lênhx nênhs chor nhiêx muôx 2  tiv 800 triệu đêiv txix ntâu tsưr ziv. Taz sik, txos six hơưv thêv, txơưv nriêr ntâu tsưr ziv, chor nênhs muôz txêik cux hu tsik tâu trâu Nguyễn Thị Nghĩa; pâuz zuk trâus đas, viv li tưz uô ntơưr hêi trâu công an pâuz.

Ntơưv Cơ quan Công an, Nguyễn Thị Nghĩa hêik, đhâu thâuvchor nênhs muôz nhiêx txêik trâus đas, pâuz zuk zuôr thêv tsik tâu chor nux grik, viv li thâuv hli 7/2019, Nghĩa  tưz khiêr lok gâuv ntơưv thành phố Hà Nội thiêz đas tiêk zuk zos iz lênhx txir nênhz, ce chiê gâuv tsik trâus công an zok cxov, cê chiê nriêr tsưr ziv chiê nziêk đas sơưr đơưk têx nhiêx txiêx. Thâuv tsênhv uô têx hâux lưv nziêk đas no chêk trâus lưx lươngv Công an cxov tsês./.

(Thừa Xuân-Lik Thox cxêik nhênhv)