Yên Bái zuôr sir jos xưv lik chor nênhs sơưr thơưx cơ quan sêiz car têz qơưk cik txos, nênhs sơưr thơưx chính quyền tiv phaz cxuô cấp thâuv tsik uô jông sêiz shuôk chiê muôx yưv têx huôx tôngv kriz uô suôz jêz tsik zos chêi truz ntêr mak tsik xưv lik; chiê muôx yưv têx phiv liv zov chênhr. UBND tỉnh cux hêik têx sở, nganhx thiêz UBND cấp huyện tror uô truôx jông lơưr Thủ tướng chính phủ li Chỉ thị 03 lok sir jos kriz uô têx tsênhv chêi, cêr chêi lok khoáng yax thiêz Thủ tướng Chính phủ li têx ntâuz ntơưr chox kriê đros sêiz car suôz jêz hâur têx đêx./.

(Đinh Tuấn-Lik Thox cxêik nhênhv)

Ban chox kriê 515 tỉnh Sơn La nhiv kruôr tsưr tsix Phêv ziv ntâus grê uô đề án nriêr têx liệt sĩ tâu tas siv nênhx hâur ntu tsav txênhz li qơư nza thiêz đề án xav tênhv bê têx liệt sĩ tsi muôx txâuk ntâuz ntơưr xor mông ntu 2016-2018.

Hâur têx cxiv tsav txênhz tir ntâus tros châuz Pháp thiêz Mỹ, por vêv têz quưk thiêz uô jênhv vư ntiêx têz, tỉnh Sơn La muôx 3 cxênhz 40 lênhx liệt sĩ tâu tas siv nênhx chiê têz qơưk tâu tiêx tul....Côngz xưv tsưr tsix nriêr têx liệt sĩ co, tos jênhv thiêz tsưr tsix uô đaz uô kruô trâu têx liệt sĩ co tsênhv tâu uô jông, trơưk cui tênhv. Ntu zuôr txos, Ban chox kriê 515 tỉnh zuôr tror uô jông đề án li têx qơư tsov txos, jênhv vưv chiê krêz uô muôx chêx cuk..../.

( KT- Txâur Vax cxeik nhênhv)

Đônx pênhz phax Bản Lầu nhoz ntơưv thax tsav xar Bản Lầu, huyện Mường Khương, tỉnh Lào Cai nhiv kruôr tso tơưv cuêz tênhv khởi tố txuz án hình sự cik txos 2 lênhx nênhs muôl muôs zax zênhz tsik zos chêi.

2 lênhx nênhs co zos Lý Cùi Sài (zus shông 1987) thiêz Ly Cồ Diu (zus shông 1991). Oz lênhx nênhs co zos hêir nênhs Hmôngz, đros nhoz uô cê ntơưv jok Đồi Gianh, xar Bản Lầu, huyện Mường Khương. Lưx lươngv txơưx jênhv sâu tâu sâuv oz lênhx nênhs co chêr oz hnaz tax njuôz liêz muôx zuôr xar 400 njiêr yuôx. Đhâu nus, oz lênhx nênhs co jênhv tiêk têx co zos zax zênhz tổng hợp, chox muk trâu ntus đriv chiê muôs trâu nênhs saz Trung Quốc đros gri zos 12 triệu đêiv. Thâuv tsênhv gra muk muôs chêk trâus lưx lươngv txơưx jênhv cxov tsês. Nhiv no txuz hâux lưv tsênhv tror tâu lưx lươngv txơưx jênhv qênhz yuôx uô tsênhz mênhx./.                                     

  (An Kiên-Lik Thox cxêik nhênhv)