Hâur jiês uô hâux lưv ntơưv tỉnh Yên Bái, Phưv Chủ tịch Côx hội Phùng Quốc Hiển tưz uô hâux lưv ntơưv thị xã Nghĩa Lộ thiêz huyện Trạm Tấu, tỉnh Yên Bái. Đoanx côngz xưv cux muk shuôs Dưv anr yưv pênhr cxiv tsa côngz trênhx cêr muk txix txox cêr lox 32 trâu cêr muk chênhr  Nội Bài-Lào Cai (ntu Nghĩa Lộ-Mậu a); muk shuôs thiêz muôz 10 poz huv puz trâu têx chuôz zis pluôs trâus uô ruôr hiêv tiv ntux uô shông 2017. Txuôk lơưr co, Phưv Chủ tịch Côx hội Phùng Quốc Hiển tưz muk txos trâu huyện tox siêz Trạm Tấu, qênhz shuôs txox cêr muk txix Trạm Tấu trâu huyện Bắc Yên, tỉnh Sơn La, shuôs thiêz muôz huv puz trâu tsêr cơưv Tà Chử, xã Bản Công, huyện Trạm Tấu./.

(Tuấn Xuân-Chia địch đọc)

Nhiv kruôr đhâu, ntơưv xar Tân An, huyện Văn Bàn tưz kriz uô hôiv tsêr mnov Cô Tân An shông 2018. No zos jiês xuz thơưx ntênhk hôiv tsêr mnov Cô Tân An tâu tsưr tsix nhoz cấp tỉnh. Tsêr mnov Cô Tân An đros tsêr mnov Bảo Hà, trấn Bảo Hà zos 3 di tích tâu uô thiêz đros đrêiv pêz mênhx cxưx li chax chês tsav txênhz por vêv ntus đriv, zos kror hêik tơưv cêr sik côngv siêz, zênhz shôngx por vêv têz qơưk, zos tỉnh Lào Cai, huyện Văn Bàn thiêz huyện Bảo Yên li cêr tso siêz. Thôngz đhâu ntênhk hôiv, hêik pâuz tsar tov du lịch thiêz chor hax huv vênhx huôv du lịch jông nhoz huyện Văn Bàn, Bảo Yên thiêz chor tiv phaz sâuv thax tsav tỉnh, zaz zâuv tsôngv kruô tuôx ndis shuôk./.

(KT-Lik Thox cxêik nhênhv)

Tas cik hnuz xiêz 5/3, Chi hội pox niêv jok Lun 2, xã Tà Mung, huyện Than Uyên, tỉnh Lai Châu tsưr tsix chos têx kriêr đax.

Iz chas ntơư, 72 lênhx pox niêv vir ndâuk zuôr chos 3 puôk ntâu têx kriêr đax thiêz kriêr liêz. Nhiêx txiêx zuôr têx kriêr lok chos zos Hội pox niêv xã Tà Mung hu zâuv têx pox niê vir ndâuk hâur tas nro xã siz chos gôngr thiêz hâu nov Hội pox niêv huyện buôk ti car seiz jok Lun 2. Đhâu ntơư, jux juk hlôngr yiêz tsoz chos, hlôngr uô têx zav muôx grik kinh tế siêz, fiv đros trâu têx liêx têz ntơưv qơư./.

(KT-Riê Lâux cxeik, nhênhv)

10/ Đại hôiv công đoàn viên chức tỉnh Điện Biên jiês tiv 5, six cxiv 2018-2023, kriz uô zar hnuz kêix 5/3. Cxaz chuôz Đại hôiv muôx 134 lênhx têiv plor hlôngr njêx muôs trâu 4.500 ntâu lênhx đoanx viên công đoàn.

Đại hôiv Công đoàn viên chức tỉnh jiês tiv 5, six cxiv 2018-2023 muôx tsênhv njiêz: “Côngv siêz, hlôngr yiêz, txơưx xar tơưv, cxiv tsa tsưr tsix Công đoàn hênhr, viv qênhx liv trâu đoàn viên, viv huôv tsar thiêz hôiv nhập nhoz tỉnh, têz qơưk”. Ntơưv jiês tiv iz, Đại hôiv tưz thôngz đhâu tsaz yênhx, têx cêr chêi đại hôiv, chêi bâux xêir hâur đại hôiv, qênhz yuôx têiv plor thiêz uô tiêr baux xêir 20 lênhx nênhs trâu Ban chấp hành công đoàn viên chức tỉnh jiês tiv 5, six cxiv 2018-2023./.

(KT-Lik Thox cxêik nhênhv)