Hnuz xiêz 5/7, đồng chí Bùi Đức Hải, Phưv Chủ tịch Ủy ban tỉnh Sơn La tưz seiz car jiês cơưv ntâuk grê têx hâux lưv côngz ntơưr sir zôngv ar jiês xuz thơưx hâur thax tsav tỉnh. Txos nhiv no, tas nro tỉnh tưz côngz ntơưr sir zôngv ar hâur jiês xuz thơưx trâu 45.781 chuôz zis, bâuv xar muôx 90% pir li hur si têx chuôz zis tsuv côngz ntơưr sir zôngv ar hâur jâuv xuz thơưx; côngz ntơưr côngk nhav ar liêx têz jiês xuz thơưx trâu 44.973 chuôz zis, xar bâuv 76% pir li hur si têx chuôz zis tsuv côngz ntơưr côngk nhav ar uô kôngz jâuv xuz thơưx. Heik ntơưv jiês cơưv, đôngx chir Bùi Đức Hải heik têx sở, ngênhx cik txos thiêz cxuô huyện, TP tror qênhz shuôs têx chuôz zis muôx zoz qơưx côngz ntơưr sir zôngv ar thiêz uô tiêr têx ntâuz ntơưr côngz ntơưr sir zôngv ar trâu têx  chuôz zis tsênhv yuôr cov taz por tsưr ziv, six hơưv côngz ntơưr sir zôngv ar jiês xuz thơưx...../.

(KT-Riê Lâux cxeik, nhênhv)

Tỉnh Yên Bái tsênhv sir jos uô têx tsưr ziv cxênhx txuôs tênhv, tiv zix zos yax kriê pêx xênhv sir zôngv tênhv muôx chêx cur hâur têx hnuz yar ntux cuz sor truz ntêr. Tênhv tênhz Yên Bái cux tưz sik côngv đros chor cơ quan thôngz môngz chiê tsưr tsix yax kriê tsaz yênhx cxênhx txuôs tênhv, hâur co kriz uô đêz đar tiv zix tsaz yênhx sik tưr “Chuôz zis cxênhx txuôs tênhv”. Lơưr tênhv têhz Yên Bái, têx hnuz yar ntux cuz sor nhiv kruôr đhâu, chor tênhv sir zôngv sâuv thax tsav chuôz ndê lok six ntâu. Zos xưk cxiê hnuz, chor tênhv sir zôngv tsuôk muôx 2,3 txos 2,4 triệu kWh, mak têx hnuz yar ntux cuz sor phiv liv nhiv kruôr đhâu ndê txos 2,9 txos 3 triệu Kwh./.

(Đinh Tuấn-Lik Thox cxêik nhênhv)

Coz nas lox uô đêx cuôr yôngz, tox poz ar lơưk nhiv kruôr đhâu, tỉnh Lai Châu trâus uô ruôr hiêv tas zuôr xar 1.400 luz tsêr, hâur co muôx 130 luz tsêr trâus đêx nas cuôr yôngz tas hur si, zuôr xar 600 luz tsêr trâus puôk tsuôx, tsi jông thiêz đêx nas ngaz, 650 ntâu luz tsêr nhoz hâur thax tsav muôx tox poz ar lơưk lox tsuv tâu yêik txar zênhx max. Chiê taz por truôx tuk trâu tsôngv box thiêz têx chuôz zênhx chuôz tas, ciês hâur jiês đêx nas lox nhiv kruôr đhâu, ntơưv qơư tưz tsuv tsưr tsix yêik txar zênhx max 300 ntâu chuôz zis thiêz têx chuôz zis nhiv no cux tsênhv lav uô nênhx nhoz tax hâur tsêr cơưv ntơưr lok sik đros tsôngv cưr tix nênhx tsa cxênhz jê nhoz. 600 ntâu chuôz zis tsuv tâu phênhz qơư yiêz tsuôk zos lav thôngz sâu tax, viv iz cxiê thax tsav, suôv qơư hâur huyện Mường Tè nhiv  no cux tsênhv buôk ti tsi tâu txos tiv têx cêr mul lok trâu thax tsav qơư co trâus xưz poz, tsi jông tas, tsênhv kho tsi tâu tâu. Zơưv Lê Trọng Quảng, heik:

“Hâur thax tsav tỉnh Lai Châu muôx lok six ntâu qơư muôx tox xưz poz, ar lơưk thiêz đêx nas cuôr yôngz. Thiêz lok six ntâu thax tsav qơư tsôngv box nhoz trâus xưz poz, ar poz jêz ntưk lol cxuz tsôngv box têx vax tsêr. Nhiv no Ban chox kriê tỉnh, huyện đros hâu nov ntơưv qơư tsênhv sir jos khưx phưx têx tsi jông heik co, hâur ntơư krêz uô cêr muk trâu thax tsav trâus kuôk cêv thiêz paz max, bax têx hâux lưv li: Phênhz qơư nhoz trâu tsôngv box chiê truôx tuk luz nênhx zar tov kaz”./.

(Khắc Kiên-Riê Lâux cxeik, nhênhv)

Hnuz 5/7, chi nhánh Tập đoàn Mai Linh li 30 luz yêz taxi xuz thơưx ciês ntơưv Lào Cai tưz piz thâux xa kruô sâuv thax tsav tỉnh ntus đriv no. Xav txos six hơưv nhiv no, Lào Cai zos tỉnh tiv 62 Tập đoàn Mai Linh muôx njêx muôs. Đhâu Lào Cai, Yên Bái zuôr zos tiv phaz uô kaz ciês Mai Linh muôx njêx muôs chiê uô tiêr tsưr ziv zos yênhx taz viv thâux xa kruô xuz thơưx ciês Việt Nam muôx dịch vụ taxi huôx tôngv sâuv thôngz 63 tỉnh, thành hâur thôngz têz qơưk. Ntơưv ntênhk kriz uô chi nhánh ntơưv Lào Cai, zơưv Hồ Huy, chủ tịch uô Tổng giám đốc tập đoàn Mai Linh puz pâuz. Đros sir jos, Mai Linh jênhv tiêk zuôr cxiv tsa vênhx huôv tsar yêz ngaz tuk. Phưx vưv jông trâu chor kruô, iz lênhx nênhs tsar yêz zos iz lênhx nênhs chox sêiz ndis shuôk du lịch, iz lênhx lính phax tar nênhs phamv cxâuv thiêz zos yênhx iz lênhx y tá zuôr chơưv paz tâu thâuv muôx yưv têx phiv liv sêiz đrơưv, paz cxiv tsa tỉnh ntus đriv Lào Cai truôx jông đuô./.

(An Kiên-Lik Thox cxêik nhênhv)