Hâur jiês tuôx sêiz shuôk thiêz uô hâux lưv trâu tỉnh Sơn La, têis cik hnuz xiêz 5/9, phó chủ tịch têz qơứs Đặng Thị Ngọc Thịnh, tưz muôx jiês uô hâux lưv đros hâu nov huyện Mường La; muk sêiz shuôk thiêz muôz huv puz trâu tsôngv px nhoz thax tsav trâus đêx nas cuôr yôngz. Phó chủ tịch têz qơứs Đặng thị Ngọc Thịnh cux muôx luk kruôk txos hâu nov huyện Mường la cxuô luôs hâux lưv chơưv paz px sâuv thax tsav Mường La trâus đêx nas cuôr yôngz hâur hli 8 đhâu.

Uô ntêx ntơư, phó chủ tịch têz qơứs Đặng thị Ngọc thịnh, cxuô Bộ, Ban, Ngênhx Trung ương; cxuô lênhx nênhs siêz jông tưz muôz nhiêx thiêz hax huv, grê nhiêx zos 2,4 tỷ trâu tỉnh Sơn la chiê muôz paz trâu tsôngv px trâus đêx nas cuôr yôngz ntơưv huyện Mường la, chiê bax jông cxuô zav trâu shông cơưv yiêz./.

                                                      (Tsu cxêik nhênhv-Hoàng Long)

Tas cik hnuz xiêz 5/9, Chi đoanx ntơưr pov tsir Lai Châu tưz muôz đeiv ntơưr txuôs nhiêx tsiv grê nhos 2 tsov đeiv ntâu trâu Chẻo Long Phàn, shux xênhz lớp 8A, tsêr cơưv cxênhx 2 xã Phăng Xô Lin, huyện Sìn Hồ, tỉnh Lai Châu. No zos lênhx shux xênhz tâu chi đoanx ntơưr pov tsir Lai Châu lênhk nhav paz txix hâur shông 2016 trơưk tsaz yênhx "Đoanx li lênhx cưr" zos Tỉnh đoanx phuôx tôngv chiê paz têx shux xênhz muôx luz nênhx txov nhêv pâuz sir jos hâur cêr cơưv txux. Chor nhiêx heik sâuv zos chênhr têx hluôk nênhs hâur chi đoanx ntơưr pov tsir siz chos gôngr paz.

Luôs hâux lưv lênhk nhav paz têx lênhx nhuôs muôx luz nênhx txov nhêv zos hâux lưv uô muôx liv, cxơưz gra đas jos, cêr shir phaz paz trâu têx nhuôs zâu muôx luz nênhx txov nhêv sir jos hla đhâu têx phiv liv, cơưv ntơưr hênhr, yênhx lênhx tiz nênhs muôx liv trâu xã hội. Iz chas ntơư, cux heik lok têx hluôk nênhs hâur chi đoanx ntơưr pov tsir Lai Châu li têx cêr sik thôngx siêz, siz hluz siz paz sik đros hla đhâu têx phiv liv, cêr txov./.

(KT-Riê Lâux cxeik, nhênhv)

Ngênhx y tế tỉnh Điện Biên tưz muôz 40 zav caz moz chox muk siv, nziv zos uô muôx yưv 20 lênhx trâus cik caz moz suôz liêz. Ntơư zos thành phố Điện Biên Phủ; huyện Nậm Pồ thiêz Điện Biên Đông.

Pov muôx yưv caz moz suôz liêz li hêik ntơư, sở y tế tỉnh Điện Biên tưz tso tơưv luôs hâux lưv yax kriê px sđ uô jông trơưk luôs hâux lưv tir thêir caz moz suôz liêz chiê tsưx phưv jông đas jos trâu tsôngv px sđ sâuv thax tsav tỉnh. Lar hêik zos uô jông luôs hâux lưv tir thêir tsik chiê caz moz suôz liêz cik đêz đar trâu cxuô qơư./.

                                                    (Tsu cxêik nhênhv-TTT)

Tsi ndo seiz jông thâuv uô jâuz uô mor nox, iz ziv chuôz zis tsôngv box nhoz thax tsav tox siêz Yên Bái tưz uô hluôr tơưk txeik cuz tas qơư muôs têx xiv huv. Thâuv 11 six tar sur hnuz xiêz 5/9, tsôngv box nhoz jok Khấu Ly, xã Bản Mù, huyện Trạm Tấu qênhz pov hluôr tơưk chis cuz lox txix pos Phạm Thị Khánh chuôz zis tuôx. Txeik tâu mông, huyện Trạm Tấu thiêz xã Bản Mù tưz tso lưv lươngv đros yênhx puô lênhx tsôngv box ntơưv jok muk đros paz tuô hluôr tơưk, đhâu 20 phênhz, tưz tuô tâu hluôr tơưk tuôs. Hmôngr jông tsi muôx lênhx nênhs tưs trâus uô li chas taz sik pos Khánh qơư muôs têx xiv huv tưz trâus cuz hnhiêz tas hur si thiêz iz lênhx cưk kriê ntơưr iz luz yêz muôz tso trâu ntơưv qơư co cux cuz hnhiêz tas; tix lâus Nzuôv Xênhv Muôk luz tsêr nhoz jê iz saz co cux trâus uô hiêv mê njik.... Trơưk li tsôngv box ntơưv qơư, qir tiv uô hluôr tơưk txeik cuz li heik sâuv muôx têx zos pos Phạm Thị Khánh trâur tơưk uô jâuz uô mor nox, tsi ndo seiz jông thiêx uô hluôr tơưk txeik chis cuz lox li ntơư cuz tsêr. Nhiv no cơ quan muôx vax huôv tsênhv thôngz sâu têx trâus uô ruôr hiêv, paz max pos Khánh chuôz zis./. 

(Đinh Tuấn-Riê Lâux cxeik, nhênhv)