Hnuz 6/10, ntơưv Tsênhv qơư Hội nghị tỉnh, Hôiv nôngx mênhx tỉnh Sơn La tsưr tsix njiz njêx muôs 90 shông hnuz yênhx lix Hôiv nôngx mênhx Việt Nam (14/10/1930-14/10/2020) thiêz hênhr kruôk chor nênhs uô tâu âux lưv jông jiês tiv 3, ntu 2015-2020.

Sir jos uô chor nôngx mênhx têx tsưr ziv uô kinh têr hênhr, paz trâu huôv tsar kinh têr-xar hôiv tiv phaz, hâur ntu 2015-2020, tas nro tỉnh Sơn La muôx 28 cxênhz ntâu ziv chuôz zis tax tâu côngz bê uô xênhz yar kinh doanh hênhr cxuô cấp, hâur co muôx 5.700 ziv chuôz zis muôx phênhv sâu xav luz đraz yênhx shông txix 100 triệu đêiv tror sâur.

Ndaz ndơưv jiês no, Hôiv Nôngx mênhx tỉnh Sơn La tưz khơưk muôz ntơưr kruôk trâu 120 lênhx nênhs, tập thể nôngx mênhx uô tâu hâux lưv jông hâur phongz yaox sik tưr nhiêv têz qơưk, ntu 2015-2020./.

(Trấn Long-Lik hox cxêik nhênhv)

Moz Covid-19 nhoz Việt Nam tsênhv taz tov tâu seiz car jông, hâux lưv no paz ntâu trâu huôx tôngv kinh têr, xã hội tror huôv tsar, hâur co muôx nganhx ju lix. Zơưv Nông Việt Yên, Bí thư Huyện ủy Mù Cang Chải puz pâuz: huôx tôngv ju lix cheix blêx siêr shông no zuôr tsưr tsix trâu ntu muôx moz Covid-19 tsênhv huôv xênhz, viv li chiê tax tâu 2 tsưr ziv zos cê seiz car tir thêir moz, cê huôv tsar KTXH tiv phaz, huyện tưz tsưr tsix têx huôx tôngv nhoz tas nro têx xã, thị trấn, hlôngr trâu 2,3 qơư li têx shông tov ntêx:

“Đros huyện Mù Cang Chải, shông no pêz tsi tsưr tsix têx huôx tôngv ndis shuôk lox, mak tsưr tsix têx huôx tôngv ntêr hnuz thiêz krêz đar thax tsav, reik đros Mù Cang Chải li cheix blêx siêr. Chiê uô tâu hâux lưv no, huyện tưz chuôz tsar têx chuôz zênhx, lênhx nênhs chiê taz por uô jông côngz xưv phax moz Covid-19. Tiv zix zos qênhz yuôx lênhx nênhs tuôs ndis shuôk thiêz uô jông hâux lưv tsôngv kruô tsuv heik kriê tsênhz mênhx xor mông thâuv tuôx huyện cux xưk li têx qơư nhoz, têx qơư muk ndis shuôk sâuv thax tsav”./.

(TTTB-Txâur Vax cxeik nhênhv)

Txos 7 six zuôr tsâuk ntux hnuz 6/10, ntux lok nas lox ntơưv tỉnh Lào Cai tưz uô 2 lênhx nênhs tuôs; yênhx châuv luz tsêr trâus hiêv; ntâu héc ta jâuz tâuv, pak njêl trâus đêx cuôr yôngz, Njuôk xav trâus hiêv lok kinh têr ndê txos muôx 3,2 tiv đêiv. Lơưr Ban sêiz car phax tar ntux têz uô hiêv thiêz zok nriêr chơưv paz tỉnh Lào Cai, ntux nas đêx ngaz cuôr tưz uô hiêv txos muôx 40 ntâu luz tsêr, phênhv ntâu zos ntơưv têx huyện: Bát Xát, Bảo Thắng thiêz thành phố Lào Cai. Ntux nas lox tưz uô ar poz jêz poz lok trâu chor tsêr cơưv ntơưr cxênhx iz thiêz nhuôs zâu xar Bản Qua, huyện Bát Xát. Côngz xưv khưx phưx tưz tâu chor lưx lươngv kriz uô sêi, taz por tsêr cơưv ntơưr li hâux lưv kriê thiêz cơưv ntơưr.

Cux tiv ntux nas lox lok ntơưv têx tiv phaz thax tsav ntus đêx, đros chor đêx txix pêv hâur ntưk lok sêi, Tsêr mêir đêx tênhv Bắc Hà tưz tso đêx ntưk đhâu njưs thêir. Têx tiv phaz nhoz trơưk ntus đêx Chảy zar đrav kaz đêx hêik trâu pêx xênhv pâuz chiê phax tar đêx ngaz cuôr; tsik ntâuk njêl lok sik muôz tơưl sâuv đêx chiê tsik njiz trâus têx phiv liv./.

(An Kiên-Lik Thox cxêik nhênhv)

Xor mông cxôngx UB qênhz yuôx Huyện ủy têx huyện Tam Đường, Tân Uyên, Than Uyên, tỉnh Lai Châu xav jênhv: têx huyện no nhiv kruôr tsưr tsix kỷ luật Đảng đros 5 lênhx đảng viên nhoz lưx lươngv Công an tiv phaz viv muôx lênhx coaz txos hâux lưv sir zôngv bằng chuôr thiêz zôngv zax zênhz. Tsênhz mênhx 5 lênhx cán bộ, chiến sĩ trâus kỷ luật Đảng zos: Lê Văn Hồng, Phan Văn Luân, Phạm Đức Hùng, đảng viên Chi bộ cảnh sát zaoz thôngz, Đảng bộ công an Huyện Tân Uyên; Phùng Quang Tuyến, đảng viên Chi bộ cxiv tsa phongz yaox por vêv txiv ngaz têz qơưk, Đảng bộ Công an huyện Tam Đường thiêz Hoàng Mạnh Hà đảng viên Chi bộ Cảnh sát hình sự, Đảng bộ Công an huyện Than Uyên. Thâuv UB qênhz yuôx Huyện ủy têx huyện Tân uyên, Tam Đường, Than Uyên tsưr tsix kỷ luật Đảng đros 5 lênhx cán bộ heik sâuv, Công an tỉnh Lai Châu tưz cuiz tênhv tsi puz 5 lênhx cán bộ hêik co nhoz hâur lưx lươngv Công an./.

(Khắc Kiên-Txâur Vax cxeik nhênhv)