Têis cik hnuz xiêz 6/12, sâuv thax tsav trôngz Fan si pan tưz pov lok tê. Ntơư zos jiês tiv 2 ntơưv Sa Pa (Lào Cai) pov muôx tê lok hâur chêix ntu no shông 2021.

Trơưk li cơ quan njuôk ntux yar ntux nas tỉnh Laox Cai hêik pâuz, qir tiv lok tê zos hâur thax tsav muôx chuô txiêk thiêx uô trâu trôngz Fan si pan lok tê. Hâur jiês lok tê no muôx trâu hmo xiêz 5/12 thiêz xiêz 7/12.

Trơưk li têx lênhx nênhs nhênhz chơưv njuôk xav, chêix ntux no shông 2021, muôx têx jiês tsênhv zuôr lok tê trâu têx hnuz kaz shông zuôr txos no thiêz./.

Tsu cxêik nhênhv -An Kiên- Thu BT

Qiv hơưv hlôngr trâu ntux no txiêk, jêx tưv ntơưv tỉnh Sơn La grêk kik trâu thâuv têis cik sơưr nzor thiêz zar tsâuk ntux, ntâu thax tsav qơư tox siêz jêx tưv grêk kik đuô 10 tưv. Đros sir jos por vêv trâu cxuô zav, txo grêk tsơưs tiv zix têx trâus hiêv tiv ntux no chênhr, no njiv, thax tsav tox siêz Sơn La tsênhv sir jos kriz uô ntâu tsưr ziv. Ntâu shông tror lok no, tu zus nhux, tưv zos pos Mo Xênhv Vax cux xưk li ntâu ziv chuôz zis nhoz xar Háng Đồng, huyện Bắc Yên li tsưr ziv uô nox. Đros zus muôx 10 txos 15 tuk nhux, tưv iz shông tưz paz muôx tâu phênhv sâu truôx hâur luz nênhx thiêz txoz cxơưx trâu têx tuz nhuôs cơưv ntơưr, pos Mo tưz nzor muôx tsưr ziv chiê tu zus chor tsiêx cxu. Thâuv txos chêix ntux no mak pos Mo chuôz zis tsik so kho đuô têx tsêr guôx, tsês chiê zav nox, jâuz tâux trâu chor tsiêx cxu hâur têx hnuz ntux no: “Thâuv tưs ntux no chênhr no njiv mak cur tsik tso yar, muôz cơư hâur tsêr guôx chiê puz jâuz xưz. Cur chuôz zis cux bax cxuô zav ntâuz, tax thiêz trâur tơưl uô cov sor trâu chor nhux tưv”./.

(Lê Hạnh-Lik Thox cxêik nhênhv)

Chiê fuô uô cxuô luôs hâux lưv tir thêir caz moz Covid-19 huv đros tsôngv px sđ huôv tsar khưr uô nox, Ban sêiz car, phax tir thêir caz moz Covid-19 tỉnh Yên Bái tưz cxiv tsa nzir iz cxiê luôs hâux lưv uô tir thêir cov tâu caz moz Covid-19 hâur thax tsav cov tâu zos đrêiv li Chính phủ Nghị quyết số 128.

Chênhr zos li hêik ntơư, hâur têx hnuz đhâu, hâu nov tỉnh Yên Bái tưz tso chêi kriz qơư zuôr muôs hax huv, qơư ndis uô si, sêiz shuôk têz qơưs, qơư nox hâuk; zos pov lênhx nênhs tưs uô tsik trơưk chêi tso tơưv tsuv.

Ban sêiz car tir thêir caz moz Covid-19 cxuô huyện, thành phố tsuv uô truôx luôs hâux lưv sêiz car, qênhz yuôx lênhx nênhs muk lok đhâu, tsik chiê caz moz Covid-19 cik lok hâur thax tsav qơư nhoz. /.

Tsu cxêik nhênhv-Thừa Xuân- Thu BT