Lơưr cơ quan njuôk ntux yar ntux nas thax tsav Tây Bắc hêik pâuiz, hâur hnuz 7/4, sâuv thax tsav tỉnh Sơn La tror muôx ntux nas, têx qơư lok nas lox txos lok six lox thiêz muôx chuô. Têx jâuv zuôr zôngx ziv muôx yưv đêx ngaz cuôr, ar poz ntơưv tỉnh Sơn La, hâur co, zôngx ziv muôx yưv đuô zos ntơưv 5 huyện: Sông Mã, Mường La, Sốp Cộp, Mai Sơn thiêz Thuận Châu. Sơưr đơưk tsuv uô jông phax tar ntux nas chuô, đêx ngaz cuôr, ar poz uô hiêv txos lênhx nênhs, vax tsêr thiêz cxuô zav; tsik tso siêz nhoz pư ntơưv têx tsêr têz, tsik hla đhâu têx cưx ha, têx đêx thâuv muôx ntux nas lox…/.

(Thanh Thủy-Lik Thox cxêik nhênhv)

Đhâu seiz car, tỉnh Điện Biên xav tênhv muôx 107 lênhx nênhs tưz tâu seiz njuôs, kho moz thiêz tsoz phưz nênhs moz ntơưv tsêr kho moz Bạch Mai cxôngx hnuz 12-16/3. Tsov lơưr têx njuôs siv muôx lênhx coaz, Ban chox kriê tir tar moz têx huyện, thị, thành phố hâur tỉnh tưz heik 84 lênhx nênhs tsuv cêv kuôk y tế. Hâur 84 lênhx cxôngx tsêr kho moz Bạch Mai tror lok tâu heik tsuv cêv kuôk muôx 3 lênhx tsênhv kho moz ntơưv tsêr kho moz đa khoa tỉnh; 10 lênhx cêv kuôk ntơưv qơư y tế tiv phaz; têx lênhx nênhs tsênhv yuôr zos cêv kuôk chêx chôngk ntơưv bệnh xá Quân y D40, thax tsav cêv kuôk chêx chôngk têx huyện Tuần Giáo, Điện Biên Đông, xí nghiệp 79 Mường Nhé thiêz cêv kuôk seiz njuôs đas jos ntơưv tsêr nhoz./.

(TTTB- Txâur Vax cxeik nhênhv)

Hnuz kêix hnuz xiêz 6/4, sâuv mạng xar hôiv muôx xor mông hêik pâuz ntơưv qơư qênhz shuôk moz Covid-19 ntơưv jok Bãi Đu, huyện Phù Yên, tỉnh Sơn La, lưx lươngv txơưx jênhv tưz txưr cxuô zav yêz muk lok đhâu, yưx chor yêz thâux xa hax huv zav nox, chuôz zênhx y têr. Xor mông no tâu chôngz lênhx nênhs tsov cưv txos. Đros xor mông li co, zơưv Đào Văn Nguyên, Chủ tịch UBND huyện Phù Yên, tỉnh Sơn La hêik tiêk no zos xor mông tsik zos li kror tsênhz mênhx.

“Huyện Phù Yên cux tưz kriz uô lơưr têx tsưr ziv tỉnh chox kriê thiêz txos nhiv no mak oz kror qơư no tưz kriz uô jênhv vưv, uô tâu troưk li Thủ tướng chính phủ cux xưk li Ủy ban tỉnh Sơn La chox kriê. Lơưr hêik pâuz lok huyện Phù Yên txưr tas nro têx yez muk lok trâu hâur thax tsav zos kror tsik zos li tsênhv tsênhz hâux lưv tâu uô ntơưv oz kror qơư qênhz yuôx caz moz no sâuv thax tsav huyện Phù Yên”./.

(TTTB-Lik Thox cxêik nhênhv)

Ntơưv tas nro têx cêr mul lok têx huyện, thành phố tỉnh Sơn La tưz yênhx lix 10 qơư jor, seiz car phax tar moz covid-19. Thôngz đhâu co, seiz car jông têx lênhx nênhs thiêz yêz mul lok đhâu; yax mông trâu tsôngv box uô jông Thủ tướng chinhr phuv li chỉ thị 16 lok cêv kuôk tas nro xã hội chiê côngz xưv phax tar moz tax chêx cuk siêz. Têx hnuz qir uô hâux lưv no, tiv iz cxiê lênhx nênhs li jênhv pâuz kis, viv li tsênhv muôx qênhx shênhx tsi uô trơưk lưx lươngv uô jênhv vưv li heik kriê. Niêv lâuk Quàng Thị Ón, qơư y tế xã Mường Bú heik:

“Ntâu lênhx nênhs cux tsi xar trâu têx lênhx nênhs uô jênhv vưv mak muôx têx lul heik tsi jông mnôngs. Ntâu lênhx nênhs mak tsi uô trơưk y tế li lul heik kriê”./.

(Thanh Thủy- Txâur Vax cxeik nhênhv)