Têis cik 6/7, Ban chox kriê thik tưr cơưv tiêr ntơưr cxênhx pêz tỉnh Sơn La shông 2020 tưz tsưr tsix cơưv hêik lok luôs hâux lưv sêiz car tưr thi cov tâu zos đrêiv tsưr ziv tso tơưv.

Ủy ban tỉnh Sơn La tưz chox kriê chiê hiệu trưởng chor tsêr cơưv sir jos uô têx tsưr ziv gra siêz tsơưr lươngv kriê ntơưr, kruôz kriê nzir trâu shux xênhz, sir jos cov chor shux xênhz thik tưr tâu ntơưr cxênhx pêz chuôz ndê tsơưs tiv zix muôx 10% pir li tsêiz no. Jiês thik cơưv tiêr ntơưr cxênhx pêz têz qơưk shông no tỉnh Sơn La muôx zuôr xar 11.700 lênhx shux xênhz uô ntơưr cir dự thik trâu ntơưv 33 thax tsav qơư thik nhoz 12 huyện, thành phố. Tas nro chor cán bộ, cưk kriê ntơưr đros uô cxuô luôs hâux lưv hâur jiês tsưr tsix jiês thik, muôx zuôr xar 1.900 lênhx./.

(TTTB-Lik Thox cxêik nhênhv)

Txix qênhx shênhx muôx ntux lok nas lox trâu iz cxiê thax tsav qơư nhoz, Ban seiz car phax tar ntux uô ruôr hiêv thiêz zok nriêr chơưv paz lênhx nênhs tỉnh Lai Châu tưz heik têx ngênhx cik txos, hâu nov hâur thax tsav qơư bax têx tsưr ziv phax tar tox xưz poz, đêx nas cuôr yôngz. Iz chas ntơư, tso nzir canr bôv muk trâu têx thax tsav, lar heik zos chor suôv qơư zôngx ziv muôx tox xưz poz, đêx nas cuôr yôngz chiê yax kriê px muôx têx tsưr ziv phax txar jav. Zơưv Vương Thế Mẫn, Phưv Chủ tịch Ủy ban huyện Phong Thổ, tỉnh Lai Châu heik pâuz:

“Txix ntux têx txơưr txar phiv liv li nhiv no, pêz tsi so chox kriê têx xã, thị trấn chiê yax kriê trâu px pâuz tsênhz têx tsưr ziv. Iz zos pâuz tâu têx mông lok ntux li txơưr txar hâur thax tsav tsênhv muôx ntux nas lox li no. Tiv 2 zos px tsuv muôx tsưr ziv phax txar jav tsi mul lok trâu uz trâu no, muk uô liêx têz hâur têx hnuz ntux nas hloz. Tiv 3 zos tsi so seiz jor, qênhz shuôs njôngr thơưv hnuz thơưv hmo chiê zênhx max đơưk kho tâu têx tsi jông muôx yưv hâur thax tsav”./. 

(Khắc Kiên-Riê Lâux cxeik, nhênhv)

Ntux nas lox tsik so muôx yưv hâur oz pêz hnuz đhâu ntơưv tỉnh Lào Cai uô ruôr hiêv tas muôx 10 tiv đêiv ntâu. 28 luz tsêr trâus đêx ngaz, ar poz jêz cuôr lok hâur tsêr. 30 ha blêx, poz cưk trâus ruôr hiêv; 1,5 ha pak đêx trâus fưx, tơưs njưs; ntâu ntu cêr trâus hiêv uô phiv liv txos zoz thôngz. Đros co, iz cxiê côngz trinhx đêx liv muôx pak đêx liv ntơưv jok Nhuần 4, xar Phú nhuận, huyện Bảo Thắng trâus đêx nas uô ruôr hiêv txos. Hâu nov ntơưv qơư thiêz pêx xênhv cux đros paz px tror cxiv kho têx trâus puôk tsuôx, chiê px nzor muôx luz nênhx truôx tuk./.

(An Kiên-Lik Thox cxêik nhênhv)

Công an huyện Mộc Châu, tỉnh Sơn La nhiv kruôr ntêk tâu iz lênhx nênhs thâux gra 30 cxênhz njiêr yuôx shơư zênhz.

Thâuv 10 six tsâuk ntux hnuz xiêz 5/7/2020, Công an huyện mộc Châu (Sơn La) đros Công an huyện Vân Hồ, Phongx PC 04 Công an tỉnh Sơn La, uô hâux lưv ntơưv jok Hin Phá, xã Chiềng Hắc, huyện Mộc Châu tưz ntêk cxov tâu Phàng Lao Bạ, xênhz zus shông 1966, nhoz ntơưv jok Pa Khôm, xã Chiềng Tương, huyện Yên Châu (tỉnh Sơn La). Têx chuôz zênhx sâu tâu muôx 05 poz zax zênhz, hov zax zênhz Methamphetamine (muôx nhos 30 cxênhz njiêr yuôx shơư zênhz), đros trâu iz cxiê zav chuôz zênhx txơưr đuô cik txos. Nhiv no txuz nhiês muôs zax zênhz co tsênhv tror tâu cơ quan muôx vax huôv qênhz yuôx, uô tsênhz mênhx./.

(CTV-Riê Lâux cxeik, nhênhv)