Ntơưv tsênhv qơư jok Pá Khôm, xar Mường Lựm, huyện Yên Châu, Công ty tênhv jos Sơn La nhiv kruôr tsưr tsix tso tênhv tênhz têz qơưk nhoz Dự án cungz tênhv trâu chor chuôz zis tsik tâu muôx tênhv tênhz  hâur thax tsav tỉnh.

Jiês no ntơưv huyện Yên Châu cungz tênhv tơưl pov cêr trâu 13 jêx jok, đros muôx 641 ziv chuôz zis. Lơưr tsưr ziv, đhâu thâuv tso tênhv ntơưv jok Pá Khôm, jux juk 12 luz jok tsênhv yuôr nhoz hâur dự án ntơưv Yên Châu zuôr tror tâu uô tiêr tso tênhv trâu luz hli no. Hâux lưv uô tiêr tso tênhv trâu 40 ziv chuôz zis, 200 ntâu lênhx nênhs tsôngv box Hmôngz nhoz jok txov nhêv tiv zix Pá Khôm tưz paz gra chor chuôz zis tâu sir zôngv tênhv tênhz têz qơưk sâuv thax tsav huyện Yên Châu ndê 97% ntâu. Zơưv Jôngr Xênhv Thox, Tsưr jok Pá Khôm hêik:

“Pox nhuôs muôx tênhv mak luz nênhx jông đuô, tiv zix zos paz pox nhuôs pov cêr, têx tuz nhuôs tâu cơưv ntơưr jông đuô. Paz trâu pox nhuôs tâu sêiz pov têx xor mông thiêz uô jâuz mor nox, zôngv mêir luôv blêx txix tênhv txo grêk tsơưs tuôr xuôv…”./.

(Việt Anh-Lik Thox cxêik nhênhv)

Tsêr cơưv phưv thôngz mênhx cxưx lok zos tsêr cơưv Phổ thông dân tộc niêv txir zus mor cxênhx iz Lang Thíp, xã Lang Thíp, huyện Văn Yên, tỉnh Yên Bái phênhv ntâu shux xênhz zos heir nênhs tsơưs li: Hmôngz, Cho, Phù Lá.... Tas nro tsêr cơưv muôx 712 lênhx shux xênhz, hâur co 258 lênhx shux xênhz nox nhoz hâur tsêr cơưv, cơưv ntơưr. Tsêr cơưv thâuv tưs tưz moz siêz txos luôs hâux lưv choz kriê, tu thiêz por hưv đas jos trâu têx shux xênhz. Chor cưk kriê ntơưr hâur tsêr cơưv tưz nzaz nzơưv têx ar sênhv hâur tsêr cơưv lok sik zuôr tsôngv box têx liêx têz iz kro mê njik chiê chos jâuz, tu zus tsiêx cxu, muôx zav nox hur, hlôngr pluôk nox trâu shux xênhz, iz chas gra siêz txux chi tsưr ziv uô nênhx trâu shux xênhz txix ciês thâuv tsênhv cơưv cxênhx iz. Tỉnh Yên Bái nhiv no tưz tso tơưv Đêx anr gra siêz tsêr cơưv phưv thôngz mênhx cxưx niêv txir zus mor, tsêr cơưv cxênhx nhuôs zâu nhoz thax tsav txov nhêv ntu 2016-2020 li tsơưr lươngv uô jông hâux lưv kriê thiêz cơưv ntơưr, nox nhoz trâu shux xênhz./.

(VOV4-Riê Lâux cxeik nhênhv)

Lơưr Ban ngaz tuk zoz thôngz Lào Cai, hâur chor jiês uô cxâuv chêi zoz thôngz cêr ar trâus chor lưx lươngv txơưx jênhv tỉnh xưv lik txix hâur shôngk shông txos nhiv no, chor nênhs tsar yêz thâuv hâuk chơưr bia tsav muôx 10% ntâu. 10 luz hli hâur shôngk shông 2018, tas nro tỉnh Lào Cai muôx 1.100 uô cxâuv lok hâuk chơưr, bia trâus xưv bluô.

Hnuz 17/10, muôx iz jiês nênhs tsar yêz đrâu oz niêv tuz trâus tuôs ntơưv thành phố Lào Cai. Lơưr Đội cảnh sát zoz thônz-Công an thành phố Lào Cai, đhâu qênhz yuôx, nênhs tsar yêz co puôr lênhx muôx têx chơưr nhoz hâur nyar ntâu đuô kror tsuv muôx. Nhiv no, lênhx nênhs tsar yêz no tsênhv tâu cxov cơưv tsês 4 luz hli chiê qênhz yuôx, xưv lik lơưr cêr chêi têz qơưk./.

(An Kiên-Lik Thox cxêik nhênhv)

Txix hâur shôngk shông txos nhiv no, tỉnh Điện Biên tưz sâu jênhv muôx 9 jiês ntux kênhs, uô kênhs lox txos hâur thax tsav, hâur co muôx 6 jiês ntux kênhs xav tinhv zos kênhs ntơưv têx huyện hâur tỉnh, yuôr đuô li zos kênhs trâu têx thax tsav ntus đriv buôk têz qơưk Lào thiêz Trung Quốc.

Zơưv Nguyễn Thái Sơn, Trạm tsar trạm qênhz shuôs ntux kênhs TP Điện Biên Phủ, nhoz Viện Vật lý heik pâuz: Jiês ntux kênhs tiv 9 jê no yax zos kênhs thâuv 5 six 19 phênhz tsâuk ntux hnuz xiêz 6/11. Jiês ntux kênhs no kênhs muôx 4 tưv rích te, tâu xav tinhv zos kênhs ntơưv xã Mường Nhà, huyện Điện Biên, kênhs toz 8 cêik hâur ar. Co zos jiês ntux kênhs ntêr đhâu têx jiês ntux kênhs hâur shôngk shông no./.

(Vũ Lợi-Riê Lâux cxeik, nhênhv)