Uô lơưr hnuz hội tso nyar jông siêz jiês tiv iz shông 2019, huyện tân Uyên, tỉnh Lai Châu, Hội Chữ thập đỏ tỉnh thiêz 300 ntâu lênhx hluôk nênhs, canr bôv; công chức, viên chức, lưv lươngv vũ trang hâur thax tsav huyện cxaz chuôz. Tsaz yênhx ‘tênhr nyar jông siêz Sông Đax jiês tiv 2-Têx tênhr nyar Việt siz paz”. Phôngz yaox tso nyar jông siêz tưz thiêz tsênhv hu zâuv ntâu tuk chôngz lênhx tsôngv box hâur huyện cxaz chuôz. Ntơưv Hnuz hội muôx 150 lênhx nênhs đas cir tso nyar. Ngênhx y tế tỉnh njuôk xav, zuôr lênhl txeik tâu 130 taz viv nyar, paz muôx txâuk têx nyar chơưv kho chor nênhs moz hnhar hâur têx tsêr kho moz hâur thax tsav./.

(KT-Riê Lâux cxeik, nhênhv)

3 luz hli hâur shôngk shông no, tưz muôx 1,4 triệu ntâu lênhx kruô tuôx ndis shuôk, uô si ntơưv tỉnh Lào Cai, ndê xar muôx 17% pir li shông uô ntêx, paz muôx tâu phênhv sâu zuôr xar 6 cxênhz tiv đêiv.

Hâur chor kruô tuôx trâu Lào Cai, kruô hâur têz qơưk muôx 1,15 triệu lênhx, hok kruô ntiêx têz 225 cxênhz lênhx nênhs. Têx tiv phaz muôx chôngz kruô ndis shuôk uô si zos huyện Sa Pa, thành phố Lào Cai thiêz chor huyện Bắc Hà, Bắc Xát, Bảo Yên./.

                                       (An Kiên-Lik Thox cxêik nhênhv)

2 coz nas chuô lox, lok đros lơưs nhiv kruôr đhâu tưz uô ruôr hiêv tas ntâu tsôngv box huyện Mộc Châu, tỉnh Sơn La têx liêx têz kôngz lôngk thiêz tsêr nhoz.

Trơưk li Ủy ban huyện thôngz sâu, nas chuô lox thiêz lok lơưs tưz uô 7 luz tsêr trâus zơưk trur; 44 ha ntông nox txir li: Txir khơưz, txir bơ trâus jênhs thiêz tsi jông tas; 16 ha têz poz cưk trâus nas chuô blơưv vâu lor đros trâu ntâu liêx têz jâuz tâuv, yuôx zêx .....trâus puôk tsuôx, njuôk xav têx trâus uô hiêv ntơư tas muôx nhos 3,5 tỷ đeiv.

Đhâu ciês nas chuô thiêz lơưs  lok đhâu, huyện Mộc Châu tưz muk qênhz shuôs hâur thax tsav, chox kriê têx xã, phường, thị trấn hu  zâuv sđ ntơưv qơư tuôx đros khưx phưx, kho têx tsi jông co, chiê nzor truôx tuk trâu tsôngv box huôv tsar uô nox uô hnar./.

(Trấn Long-Riê Lâux cxeik, nhênhv)

Đhâu 1 hli ntâu muôx yưv, moz ơưk buô Châu Phi tưz siz cik ntơưv 7/10 tiv phaz nhoz tỉnh Điện Biên. Zơưv Đỗ Thái Mỹ, Chi cục trưởng, chi cụ thú y tỉnh Điện Biên puz pâuz: txos hnuz 5/4, moz ơưk buô Châu Phi tưz muôx yưv ntơưv zuôr xar 90 jêx jok nhoz 31 xar, phường ntơưv 6 huyện, thành phố Điện Biên Phủ. Tas nro tỉnh Điện Biên tưz hlơưr phâuk por tsês 400 ziv chuôz zis nhoz 31 xar, phường hêik co li xar muôx 1.000 tuk buô.

Txos six hơưv no, muôx 4 huyện tưz hêik pâuz muôx moz ơưk buô Châu Phi sâuv thax tsav zos: Tuần Giáo, Mường Ảng, Điện Biên thiêz Tủa Chùa. Têx tiv phaz txơưr đuô hâur tỉnh Điện Biên cux tưz kriz uô ntâu tsưr ziv chiê tir tar moz ơưk buô Châu Phi sâuv thax tsav./.

                                    (Vũ Lợi-Lik Thox cxêik nhênhv)