Hnuz xiêz 7/4, ntơưv Lào Cai, iz luz tsêr meir  tsiv uô têx jâuz tâuv, txir ntông muôs trâu luôs 2 chas thax tsav, têz qơưk đrâuv tưz tâu cxiv uô tiêr. Luz tsêr meir no nhoz hâur thax tsav xã Lùng Vai, huyện Mường Khương (Lào Cai), zos Công ty zav nox Á Châu uô tsưr yưv pênhr.

Trơưk li nhênhz chơưv uô, luz tsêr meir no muôx têx tsiv uô 9 cxênhz tênhr pur lux, bâuv li 4.600 tênhr txir pur lux; 5.600 tênhr  txir tsơưz, bâuv 800 tênhr txir tsơưz kra jiêz; poz cưk iz cxênhz tênhr iz shông. Têx xiv huv co zos uô chiê muôs trâu têx ciêz đrôngs saz têz qơưk đrâuv thiêz sir zôngv hâur têz qơưk.

Uô ntêx thâuv luz tsêr meir co zuôr uô hâux lưv, tsêr meir chos luk zuôr sâu zuôr tsôngv px ntơưv qơư têx kôngz đros trâu tuk gri truôx tuk hâur cxuô luz six hơưv, paz kriê tsưr ziv uô, qir zuôv trâu têx chuôz zis px cir hux thôngx muôs kôngz trâu tsêr meir. Tsêr meir zuôr muôz hâux lưv uô truôx trâu nhos 200 lênhx lox tôngv./.

(An Kiên-Riê Lâux cxeik, nhênhv)

Hnuz xiêz 6/4, ntơưv thax tsav ndêx đriv têz số 112 txos ndêx đriv têz 113 cêr ntus đriv Việt-Lào nhoz jos Ca Hâu, xã Na Ư, huyện Điện Biên Bộ chỉ huy bộ đội pênhz phax tỉnh Điện Biên sik côngv đros phongx txiv ngaz qênhz yuôx, Công an tỉnh Điện Biên tưz pov, ntês 19 lênhx nênhs (muôx 10 lênhx nênhs Việt Nam, 9 lênhx nênhs Trung Quốc) tsênhv nhiês muk đhâu ntus đriv trâu têz qơưk Lào. Đhâu tơưv txênhz, ntês cxov, txos 3 six zar hnuz keix đros hnuz lưx lươngv tror ntês tâu cxaz 2 lênhx nênhs Trung Quốc tsênhv nhiês muk đhâu ntus đriv.

Têx lênhx nênhs no jênhv hâux lưv chox lênhx nênhs muk đhâu ntus đriv tsi trơưk chei zos Hangv Seo Sùng sơưr thơưx. Têx lênhx nênhs Trung Quốc tưz muk đhâu ntus đriv têx tỉnh ntus đriv faz Đông Bắc, ntiêr lênhx nênhs Việt Nam thâux yêz meir muk txos tỉnh Điện Biên chiê nhiês muk đhâu ntus đriv trâu têz qơưk Lào đros tas nro nhiêx côngz tâu thêv zos 2 cxênhz 500 tệ (muôx nhos 8 tsov đeiv nhiêx Việt Nam).

Nhiv no lưx lươngv muôx txơưx jênhv tsênhv uô tiêr ntâuz ntơưr hâux lưv no, ntês cxov têx lênhx nênhs muôx lênhx coaz, krêz tik cêr cxâuv lơưr pháp luật li cui tênhv./.

(Vũ Lợi- Txâur Vax cxeik nhênhv

Nhiv kruôr đhâu, Công an huyện Mộc Châu seiz car hux jos đros Công an huyện Vân Hồ, Phongx PC04 Công an tỉnh Sơn La, Chi cục Hải quan Điện Biên ntêk tâu Hơưx Xênhv Zax, xênhz shông 1986, nhoz ntơưv jok Co Sung, xã Đông Sang, huyện Mộc Châu lok sâuv zuôr muôs zax zênhz tsi trơưk chei. Têx chuôz zênhx sâu tâu xar muôx 4 cxênhz njiêr yuôx shơư zênhz.

Hơưx Xênhv Zax krêz lênhk tiêk, zuôr chor yuôx shơư zênhz co ntơưv iz lênhx nênhs Lol Tsuôk nhoz thax tsav đriv têz lok VN chiê muôs. Thâuv tsênhv taz tov thâux gra lok txơưv trâul lưv lươngv muôx vax huôv qênhz pov, ntêk tâu./.

(TTTB-Riê Lâux cxeik, nhênhv)