Chủ tịch Ủy ban TWMT têz qơưk Việt Nam Trần Thanh Mẫn, trưởng ban chơưv paz Trung ươg nhiv kruôr chuôr yuô, khơưk muôz huv paz trâu pêx xênhv cxuô mênhx cxưx xã Mường Phăng, huyện Điện Biên, tỉnh Điện Biên trâus hiêv lok lênhx nênhs thiêz cxuô zav hâur jiês ntux nas đêx ngaz cuôr, ar poz nhiv kruôr đhâu. Phêiz kênh têx phiv liv đros pêx xênhv, zơưv Trần Thanh Mẫn tưz khơưk muôz huv trâu 10 ziv chuôz zis pluôs trâus hiêv tiv ntux têz uô hiêv nhiv kruôr đhâu, vav chor ziv chuôz zis hla đhâu têx phiv liv, sir jos chiê muôx tâu luz nênhx truôx tuk. Zơưv Trần Thanh Mẫn hêik tiêk: Chính quyền xã tsuv tsov cưv txos cêv kuôk, tiv zix zos chor thax tsav muôx yưv ntux nas đêx ngaz cuôr, ar poz, thax tsav tsik ngaz tuk chiê taz por trâu pêx xênhv. Hâux lưv cxiv tsa quuw nhoz yiêz tsuv uô jông sêiz shuôk, huv đros tỉnh li cêv kuôk cxuô, taz sik cux tsuv taz por lok ar uô nox, cêr muk luk, tênhv, tsêr cơưv ntơưr…/.

(Hữu Lợi-Lik Thox cxêik nhênhv)

Phòng cảnh sát coar lik hành chinhr lok taz por xã hội đros Phòng PV 28 ( công an tỉnh), Công an huyện Bát Xát nhiv kruôr tsưr tsix cungz ntơưr chứng minh thư tso zuôr nhiêx txiêx ntơưv xã Bản Xèo ( Bát Xát). No zos huôx tôngv chiê uô tsaz yênhx paz txưv xã Bản Xèo lok cxiv tsa nôngx cxênhz yiêz ( xã tâu Công an tỉnh jênhv paz max hâur cxiv tsa nôngx cxênhz yiêz). Đros thiêz lênhx nênhs tâu cungz ntơưr chứng minh thư zos nênhs pluôs, chuôz zis tâu sơưv cêr chei. Ntơưv no, têx taz viv tưz uô ntơưr chưngz thư tsi zuôr nhiêx txiêx trâu 157 lênhx nênhs; tsưr tsix yax mông phax t6ar muôv muôs, thâux gra thiêz sir zôngv zax zênhz; yax mông tuôr truôx txiv ngaz xã hội. Hâux lưv cungz thiêz pâur ntơưr chưngz minh thư tsi zuôr nhiêx txiêx tâu phòng cảnh sát coar lik hành chính lok taz por xã hội yax six sik côngv uô jông ntơưv têx xã txov nhêv hâur tỉnh./.

(Thừa Xuân- Txâur Vax cxeik nhênhv)

Đhâu iz hli muôx yưv ntux nas đêx ngaz cuôr ntơưv huyện Mường La, tỉnh Sơn La tsênhv sir jos kriz uô ntâu tsưr ziv chiê sêiz đrơưv truôx tuk luz nênhx trâu pêx xênhv. Txos nhiv no, huyện Mường La tưz uô tiêr 30 luz tsêr, hâur co 20 ziv chuôz zis tưz txar lok nhoz. Iz ziv chuôz zis puôr lênhx tâu paz txax, pav, vix tsav, trik yo thiêz thungz trâu đêx sir zôngv. Huyện tsênhv sir jos uô sêiz plas tsêr, lôngx đhok 149 luz tsêr tsênhv yuôr ntơưv 5 kror qơư nhoz yiêz trâu chor ziv chuôz zis trâus đêx cuôr yôngz tas vax tsêr. Sir jos cov tas hli 9 tas nro chor ziv chuôz zis zuôr txar lok nhoz tâu, truôx tuk luz nênhx. Đros co, hêik quân đội cxaz chuôz zis jor chos cov tâu zuôr xar 150 ha ntông nox txir ntơưv xã Nặm Păm thiêz thị trấn Ít Ong chiê taz por uô nox muk ntêr trâu pêx xênhv. Zơưv Nguyễn Thành Công, Bí thư huyện ủy Mường La puz pâuz:

“5 kror qơư nhoz yiêz no lơưr Viện địa chất khoảng yax li nhênhz chơưv ntâuk gti mak zos qơư tax tâu zoz qơưx, tsik zos qơư zuôr nhoz hâur têx qơưk hêik pâuz phiv liv thiêz chor qơư no zuôr taz por ngaz tuk tsik muôx yưv đêx ngaz cuôr. Iz kror thiêz zos muôx txâuk ar uô nox chiê truôx tuk tâu, xav tas nro chos ntông sâuv ar tox nxaz, xav tas nro uô têx zav li cêr, tênhv tsêr cơưv ntơưr…”./.

(Hồng Việt-Lik Thox cxêik nhênhv)

Tiv trâus zênhr shar tiv coz nas chuô nhiv kruôr đhâu, sâuv thax tsav tỉnh Yên Bái muôx ntux lol nas lox thiêz chuô lox. Uô đêx ngaz ntâu qơư nhoz huyện Yên Bình, Lục Yên thiêz thành phố Yên Bái. Lol nas lox tưz uô tul đêx Khe Dài pur siêz uô ngaz 86 ziv chuôz zis nhoz 2 phường Minh Tân thiêz Yên Ninh, TP Yên Bái. Hâur co muôx 1 chuôz zis njuôs xav tsêr zuôr trâus puôk tsuôx. Lok zaoz thôngz, têx cêr Khe Sến, Điện Biên, Kim Đồng....cux trâus ngaz toz. Ciês thâuv muôx đêx ngaz, Ban chỉ huiz phax tar ntux nas thiêz nriêr chơưv nanv têx tiv phaz tưz ciêr chênhr khưx phưx têx trâus ruôr hiêv. Zơưv Phùng Tiến Thanh, Tsar phongx kinh tế TP Yên Bái puz pâuz:

“ Thành phố heik têx xã, phường chuv tôngv txar tsôngv box mul qơư taz por. Chox kriê qênhz yuôx têx ntu cêr trâus đêx ngaz, têx xã, phường huiz tôngv phaz pênhv thâux lênhx nênhs thiêz car chêx zaoz thôngz mul lol tsi tâu; tsưr tsix lưx lươngv chox kriê zaoz thôngz. Thành phố cux txưr tsôngv box mul bo tơưk sâuv têx tul đêx”./.

(Thừa Xuân- Txâur Vax cxeik nhênhv)