Lơưr cơ quan njuôk ntux yar ntux nas tỉnh Lào Cai, hmo txos têis cik sơưr nzor hnuz 8/10, qiv hơưv txiêk phiv liv txos Lào Cai txơưr txar, hmo ntux jêx tưv grêk kik, hêik tơưv chêix ntux no tưz lok txos. Nhiv no, qiv hơưv txiêk phiv liv txos Lào Cai tưz tsơưs jux juk. Têx tiv phaz đruôz hnuz yar ntux, hmo tsik lok nas. Qơư kik mak ntux no trâu thâuv hmo ntux thiêz têis cik sơưr nzor, thax tav tox siêz mak ntux no, têx qơư no chênhr. Njuôk xav, jêx tưv txơưr txar tsik ntâu, têx tiv phaz qơư kik hâur tỉnh Lào Cai jêx tưv xar muôx 23-24 tưv, thax tsav tox siêz mak txix 19-20 tưv. Ciês ntơưv qơư du lịch Sa Pa cux tsênhv no chênhr, txix 9-10 tưv./.

(An Kiên-Lik Thox cxêik nhênhv)

Iz hâur têx njiêz luv tâu cán bộ, đảng viên thiêz tsôngv box têx mênhx cxưx tỉnh Sơn La tsov cưv tiv zix ntơưv Phêv ziv Trung ương 13 tsênhv tsưr tsix ntơưv Hà Nội zos seiz shuôk côngz xưv nhân sự Ban chấp hành TW Đảng khóa 13, tiv zix zos jiês krêz uô phêv ziv, Tổng bí thư- Chủ tịch têz qơưk Nguyễn Phú Trọng tưz heik mênhx: Hâur côngz xưv nhân sự, tsuv phax tar hâux lưv lênhx nênhs txu grês lok siêz xar chinhr trị, cêr uô nênhx; tir tar têx siêz xar tsi jông, thaz huôz, vênhv tôngv lênhx nênhs chiê tso ntơưr bo xeir, pheiz uô yênhx paz chiê sâu liv txơưr...Pos Bùi Thị Kim Oanh, đảng viên nhoz Tuêv 3, phường Tô Hiệu, TP Sơn La heik:

“Tổng bí thư, Chủ tịch têz qơưk Nguyễn Phú Trọng tưz heik mênhx tsi viv cơ cấu mak txu gris ploz tsênhr, co zos pêz Đảng thâuv tưs cux seiz jông côngz xưv cán bộ. Cur xar njôngr Đại hội Đảng tas nro têz qơưk jiês no têx teiv plor zuôr xeir tâu têx cán bộ lênhs tov tsênhz tsênhz muôx shưz xar, cêr uô nênhx jông, moz siêz viv têz qơưk, viv tsôngv box, chiê chox têz qơưk ziv hnuz ziv huôv tsar”./.

(Trấn Long-Txâur Vax cxeik nhênhv)

8/ Ban sêiz car dự án, Bôv thôngz mông thiêz yax mông tưz piz tso siv thiêz choz zok trâu tỉnh Điện Biên cxiv luôs qơư thôngz mông tiv phaz ntơưv tiêx Tượng đài ntâuk zênhx Điện Biên Phủ. Cxiv luôs qơư thôngz mông ntơưv tiêx Tượng Đài Ntâuk zênhx Điện Viên Phủ nhoz hâur dự án kriz uô qơư thôngz mông tiv phaz ntơưv têx qơư trôngx đriv, ntus đriv, tsênhv qơư zuôr muôs nhoz dự án 4 “Yax mông thiêz txo grêk tsik pâuz lok thôngz mông”. Cxiv luôs zos têx fiêx, ndêx hlâu, bảng điện tử đar muôx 32 thiêr ndis, têx loa nta suôz…đros tas nro têx pênhr yưv uô zos 2,4 tiv đêiv ntâu. Đhâu tso siv, cxiv luôs thôngz mông tiv phaz no cux tso tâu jông, taz por tâu zoz qơưx lok kỹ thuật, tsưr ziv uô dự án./.

(ĐBP-Lik Tox cxêik nhênhv)

Zuôr xar 40 txuz uô cxâuv hâur vênhv thix coar lik, por vêv jôngr tưz tâu lưx lươngv muôx txơưx jênhv Huyện Văn Yên, tỉnh Yên Bái qênhz pov, yưr lir hâur ntu đhâu. Tsênhz mênhx, hâur 9 luz hlik shông no, đhâu côngz xưv qênhz yuôx, coar lik por vêv jôngr, têx lưx lươngv muôx txơưx jênhv huyện Văn Yên tưz pov 37 txuz uô cxâuv, hâur co muôx 26 txuz ntor luôx jôngr; yuôr têx txuz txơưr zos ntor ntông tsi trơưk chei. ZƠưv Vũ Minh Phúc, Hạt tsar hạt qênhz jôngr huyện Văn Yên, tỉnh Yên Bái puz pâuz:

“Tsuv sik côngv jông hâur têx nganhx muôx txơưx jênhv, tiv zix zos uô jông cui chế sik côngv hâur qênhz jôngr, công an, quân đội sâuv thax tsav hâur côngz xưv coar lik, por vêv jôngr thiêz phax tar cuz tox cuz jôngr. Uô jông côngz xưv yax mông chei jôngr nuv, têx ntâuz ntơưr heik kriê uô chei jôngr nuv thiêz têx chính sách por vêv jôngr. Chuv tôngv seiz car jông chiê pâuz têx hâux lưv muôx yưv txos côngz xưv por vêv jôngr thiêz phax tar cuz tox cuz jôngr”./.

(Tuấn Xuân- Txâur Vax cxeik nhênhv)

Ntơưv jok Cái Khẻ, xar Hua Nhàn, huyện Bắc Yên,tỉnh Sơn La, Ban Công binh Bôv Chỉ huy quân sự tỉnh Sơn La sik côngv đros Ban Chỉ huy quân sự huyện Bắc Yên nhiv kruôr tsưr tsux ruôr tâu iz luz tsuôv tav lok zos bông hnhar xar muôx 600 cir.

Uô ntêx co hnuz 5/10, thâuv pêx xênhv khơưz plas uô tsêr tưz pov muôx iz luz tsuôv ntơưv jok Cáy Khẻ, xar Hua Nhàn, huyện Bắc Yên thiêz hêik trâu cơ quan muôx vax huôv pâuz. Đhâu qênhz yuôx, xav jênhv, Ban Công binh, Bộ Chỉ huy quân sự tỉnh Sơn La xav jênhv no zos luz tsuôv tav muôx thâuv ntâuk tros châuz Mỹ./.

(TTTB-Lik Thox cxêik nhênhv)