Ntux no njiv tsênhv uô phiv liv txos luôs hâux lưv kriê cơưv ntơưr ntơưv ntâu tiv phaz tox siêz sâuv thax tsav huyện Sìn Hồ, tỉnh Lai Châu. Jêx tưv đrâuv jôngr thâuv têis cik nhoz Sà Dề Phìn, Làng Mô, Tà Ngảo…txix 4 txos 6 tưv, tưz uô phiv liv ntâu trâu chor cưk kriê ntơưr thiêz shux hâur têx tsêr cơưv. Chiê paz trâu chor shux xênhz muôx đas jos, huyện Sìn Hồ nhiv kruôr muôx ntơưr xa trâu nganhx zoz zux thiêz têx tsêr cơưv ntơưr sir jos uô jông đuô luôs hâux lưv phax tar ntux no. Lơưr co, chor tsêr cơưv ntơưr tâu chêi tso shux xênhz so ntơưr zos ntux no hênhr thiêz njuôk xav six hơưv cơưv ntơưr nzir cov txưv chor tsaz yênhx cơưv./.

(Khắc Kiên-Lik Thox cxêik nhênhv)

Ntơưv ntâu tiv phaz nhoz tỉnh SƠn La 2,3 hnuz no ntux lok six no njiv, muôx yưv đâus tê, jêx tưv grês kis tiv zix cxôngx 1-6 tưv. Cxôngx qênhx shênhx co, Chi cục tu zus thiêz thú y tỉnh Sơn La tưz heik cán bộ mul txos yênhx xã heik kriê tsôngv box tsưr ziv uô guôx; tsưr ziv đo cuô njêr sor trâu tsiêx cxu hâuk; tiv zix zos cxênhx tsês tơưk lok sik uô cxix luôk tênhv tênhz tơưk cov sor trâu tsiêx tu zus thâuv ntux no njiv...Zơưv Lừ Văn Trường, Phưv chi cục tsar Chi cục tu zus thiêz thú y tỉnh Sơn La puz pâuz:

“Lok tu zus mak têx hnuz ntux no njiv tsi cxoz tso tsiêx cxu. Đros côngz xưv phax tar moz mak tsuv cxax cxix cxuô yuôx phax moz lơưr cui tênhv li moz tơưv ndâux hlê trâu. Yax six seiz njôngr tsiêx cxu, thâuv pov muôx têx tsiêx cxu trâus moz lok sik tuôs mak tsuv pov ciês trâu chinhr quyênx ntơưv qơư thiêz chiz coaz thú y chiê muôx tsưr ziv yưr lir txos qơư”

Tsôngv box tsuv chuv tôngv muôx têx tsưr ziv phax tar chiê txu grês têx trâus ruôr hiêv lok kôngz nuv thiêz tsiêx tu zus hâur cheix ntux no shông no./.

(Trấn Long- Txâur Vax cxeik nhênhv)

Qiv hơưv no txiêk tror chuôz cxaz, jêx tưv ntơưv têx thax tsav tox trôngz siêz nhoz Sa Pa tưz grêk zênhz tưv, iz ndis trôngz Fansipan siêz muôx 2.500 thiêr tror sâur tưz muôx đâuk bu pôngz đơưz vos. Lơưr zơưv Lưu Minh Hải, Giám đốc njuôk ntux no njiv tỉnh Laox cai  hêik pâuz, qiv hơưv no njiv uô trâu tê ziv hnuz ziv lok ntâu. Jêx tưv grêk zênhz tưv tsênhv uô trâu têx pa đêx tâur yênhx đâuk sâuv têx ntông, ciês đêx hâur têx car đêx cux khor uô đâuk lok tâu đêx nhoz jêx tưv no. zar hnuz kêix 5/12, sâuv hâur trôngz Fansipan cux pov muôx đâuk bu./.                

(An Kiên-Lik Thox cxêik nhênhv)

Ntơưv huyện Lục Yên, tỉnh Yên Bái nhiv kruôr muôx yưv txuz txiêz nanv lox tôngv, uô iz lênhx pox niêv trâus tuôs. Txuz hâux lưv no muôx yưv ntơưv thax tsav qơư nriêr zok poz jêz Kim Sơn nhoz xã Vĩnh Lạc, huyện Lục Yên. Thâuv co, công nhân tsênhv nriêr zok poz jêz pov 1 lênhx pox niêv zos phiên dịch viên trâus poz jêz ntok lok teik. Lênhx pox niêv co xênhz shông 1996 nhoz phường Phố Mới, đrôngs Lào Cai, tỉnh Lào Cai. Txuz hâux lưv no tsênhv tror tâu chiz coaz muôx txơưx jênhv qênhz yuôx uô tsênhz mênhx./.

(Tuấn Xuân-Txâur Vax cxeik nhênhv)