Têx lênhx hlôngr njêx muôs ngênhx y tế tỉnh Lào Cai tưz qir qênhz yuôx, uô tsênhz mênhx mông cik txos txuz nuv lênhx nhuôv Phạm Bích Trâm trâul tuôs đhâu thâuv cxax yuôx vắc xin moz hlưz hâu Nhật Bản ntơưv xã Phú Nhuận, huyện Bảo Thắng lok hnuz xiêz 4/4 nhiv kruôr đhâu. Đhâu qênhz yuôx shuôs, đoanx côngz xưv suô luk: Lênhx nhuôv Phạm Bích Trâm trâul tuôs, iz chas qir tiv zos viv yuôx vắc xin, yuôx vắc xin tưz tâu xav jênhv tsênhz mênhx qơư, tâu por hưv tsês trơưk li cui tinhv thiêz zôngv cxax zos lênhx nênhs tâu cxax; cxax đros iz qơư, iz six hơưv. Thiêz cxax đros hưx yuôx vắc xin trâu lênhx nhuôv co, tsênhv muôx 5 lênhx nhuôs txơưr đuô thiêz, taz sik hur si chor nhuôv ntơư ho tsi uô li chas./.

(Khắc Kiên-Riê Lâux cxeik, nhênhv)

Nas hmo, ntơưv tỉnh Yên Bái tưz muôx ntux nas chuô uô hiêv txos pêx xênhv sâuv thax tsav chor huyện Lục Yên, Văn Yên têx vax tsêr.

Xav txos 4 six zuôr tsâuk ntux nas hmo, lơưr têx tiv phaz thôngz sâu tưz muôx 120 luz tsêr sâuv thax tsav trâus puôk tsuôx, hâur co muôx 4 luz tsêr trâus poz vâu tas hur si, 116 luz tsêr trâus za trur txix 30 txos 70%. Lok Kôngz nuv, tưz muôx 200 ha poz cưk thiêz 200 ha tsoz ntông nhoz huyện Lục Yên trâus lor vâu…Njuôk xav têx trâus hiêv tơưv oz huyện Lục Yên thiêz Văn Yên zos muôx nhos 7 tiv đêiv ntâu./.

(Đinh Tuấn-Lik Thox cxêik nhênhv)

Hâur thax tsav tỉnh ntus đriv Lai Châu cux muôx ntux nas lox, khâur jênhs chuô trâu cxiê qơư, uô zơưk trur tas ntâu tsôngv box têx tsêr nhoz, tsêr cơưv ntơưr, qơư y tế.

Thôngz sâu xuz thơưx ntơưv têx huyện li: Tân Uyên, Nậm Nhùn, Mường Tè, Sìn Hồ, ntux nas hloz, chuô lox tưz uô 50 chuôz zis tsôngv box, 9 qar tsêr lớp cơưv ntơưr, tsêr vênhx huôv, qơư y tế.....trâus zơưk trur, puôk tsuôx, hmôngr jông tsi uô hiêv li chas lok lênhx nênhs. Xav hur si têx trâus uô ruôr hiêv tas muôx nhos iz tỷ đeiv ntâu./.

(Khắc Kiên-Riê Lâux cxeik, nhênhv)

Thâuv 3 six 40 phênhz zar hnuz kêix 8/4, sâuv thax tsav thành phố Điện Biên Phủ thiêz huyện Điện Biên (tỉnh Điện Biên) tưz muôx yưv ntux nas chuô, đros lok lơưs.

Coz nas chuô đros lơưs co lok ntêr muôx 30 phênhz. Chor lơưs pôngz lox luôx hâu ntir têk. Lơưr chính quyền thành phố Điện Biên Phủ thiêz huyện Điện Biên, nhiv no tsik tâu muôx hêik pâuz lok têx trâus hiêv txix jiês ntux nas chuô đros lơưs co, taz sik lơưr njiê pov xuz thơưx mak pox nhuôs iz cxiê thax tsav kôngz lôngk cux trâus ruôr hiêv mê njil./.

(Vũ Lợi-Lik Thox cxêik nhênhv)

Ntơưv thax tsav xã Nà Ớt, huyện Mai Sơn, tỉnh Sơn la, Công an huyện mai Sơn nhiv kruôr qênhz pov, ntêk tâu 2 lênhx nênhs zuôr muôs, thâux gra zax zênhz tsik trơưk chei.

2 lênhx nênhs trâul ntêk tâu co zos Trương Văn Hải, xênhz shông 1983, nhoz ntơưv tỉnh Đắc Lắc thiêz Nguyễn Thái Bình, xênhz shông 1989, nhoz ntơưv tỉnh Đắc Nông. Têx chuôz zênhx sâu tâu muôx zuôr xar 6 cir zênhz poz jêz, 200 njiêr yuôx shơư zênhz, xar muôx 48 gam zênhz đuz đros trâu iz cxiê zav chuôz zênhx txơưr đuô cik txos.

Krêz đar qênhz yuôx nzir, Cơ quan công an tưz ntêk tâu 2 lênhx nênhs zos Ngô Vi Lương, xênhz shông 1979 thiêz Lò Văn Huân, xênhz shông 1985, puôr lênhx nhoz uô cê ntơưv huyện Sốp Cộp, tỉnh Sơn La, sâu tâu nzir 170 njiêr yuôx shơư zênhz.

No zos txuz zuôr muôs ntâu zax zênhz poz jêz yax txix thâuv ntêx txos nhiv no hâur thax tsav tỉnh Sơn La./.

(Trấn Long-Riê Lâux cxeik, nhênhv)