Đinh Tuấn, chor nênhs sâu xor xưv Đeix TNVN nhoz faz Tây Bắc xa mông: Đhâu tso nyar seiz njuôk shuôs moz, tas nro  384 lênhx muk txix tsêr kho moz Bạch Mai lok Yên Bái txix hnuz xiêz 10/3 txos nhiv no puôr lênhx tâu seiz zos tsi trâul moz SARS-Cov-2. Iz chas têx lênhx muk txix tsêr kho moz Bạch Mai lok, tỉnh Yên Bái cux tso zuôr xar 170 lênhx nênhs txơưr đuô têx nyar chiê seiz njuôk shuôs moz, tsar ndê têx jiês seiz njuôk shuôs chor nênhs tâu xav tiêk zôngx ziv trâul moz lok sik trâul cik tâu moz txos iz jiês no zos 553 jâuk. Hâur têx li heik co muôx 547 lênhx têx nyar tâu xav zos tsi trâul moz, yuôr 6 lênhx tsênhv taz tov seiz njuôk shuôs, tsi tâuz tâu pâuz tsênhz. Trơưk li Sở Y tế Yên Bái, txos nhiv no, tỉnh Yên Bái tsi tâu qênhz pov muôx lênhx nênhs tưs trâul moz hlo. 26 lênhx tâu xav tiêk zôngx ziv trâul moz ntơư, đhâu seiz njuôk shuôs puôr lênhx tsi pov muôx moz li chas txơưr txar hlo./.

                                     (Đinh Tuấn-Riê Lâux cxeik, nhênhv)

Chor hnuz tas nro têz qơưk côngv siêz chiê phax, tar moz Covid-19 no, lok six shir phaz thâuv pov tâu chor pox niêv nhoz tox siêz gra loa muk yênhx jêx jok chiê yar kriê trâu hôiv viên thiêz pêx xênhv phax, tar caz moz. Niêv tix Tri Xênhv Zax, mênhx cxưx Hmôngz, Phưv Chủ tịch hôiv pox niêv xar Bản Công, huyện Trạm Tấu gra luz loa tuôr ntơưv têk, muk trâu têx jêx jok, yax kriê trâu pêx xênhv pâuz lok caz moz Covid-19 thiêz têx tsưr ziv chiê phax tar. Chiê pox nhuôs pâuz tâu, niêv tix hêik  txix luk mênhx cxưx. Côngz xưv no, tâu niêv tix Tri kriz uô txix thâuv piz muôx caz moz Covid-19 xuz thơưx ciês ntơưv Việt Nam thiêz tâu uô txos nhiv no.

“Nhoz tsênhv qơư xar mak pêz muôx điện thoại nriêr pâuz đhâu mạng viv li pâuz tâu zav caz moz no li chak, chor nênhs nhoz têx jêx jok mak tsik muôx mạng, tsik pâuz đaz tsi, sêiz tsik tâu đaz tsi lok caz moz, pêz lok six cxơưx viv li pêz muk yax kriê trâu chor jêx jok. Nhiv no mak pêx xênhv tưz pâuz đuô lok six ntâu lơưv”./.

(Đinh Tuấn-Lik Thox cxêik nhênhv)

Vũ Lợi, chor nênhs sâu xor xưv Đeix TNVN nhoz nhoz faz Bắc ntơưv Điện Biên heik pâuz: Tsênhv qơư qênhz njuôk shuôs moz gênhs tỉnh Điện Biên tưz fuô uô lơưr tsưr ziv seiz njuôk shuôs moz Covid-19 txix tsưr ziv yiêz real-time chiê qênhz shuôs tâu nzor têx lênhx nênhs tâu xav tiêk zôngx ziv trâul moz SARS-Cov-2 ciês ntơưv tsênhv qơư sêiz njuôk shuôk moz tỉnh Điện Biên. Uô lơưr Bộ Y tế Quyết tinhv sôr 1282 lok sâuv “Kriê seiz njuôk shuôs moz Covid-19”, txix hnuz 27/3, Tsênhv qơư qênhz shuôs moz gênhs tỉnh Điện Biên tưz fuô uô lơưr tsưr ziv yiêz no chiê seiz njuôk shuôs moz nzor trâu têx lênhx tâu xav tiêk zôngx ziv trâul cik caz moz SARS-Cov-2 ciês ntơưv Điện Biên. No zos tsưr ziv seiz njuôk shuôs tâu jông thiêz pâuz sei lênhx nênhs nênhs trâul têx moz li heik sâuv lok tsi trâul moz đhâu 4-5 luz six hơưv seiz njuôk shuôs tas./.

(Vũ Lợi-Riê Lâux cxeik, nhênhv)

Thanh Thủy, nênhs sâu xor xưv Đaix TNVN thax tsav faz  Bắc xa mông: Lơưr Ban chox kriê phax, tar moz Covid-19 tỉnh Sơn La li hêik pâuz, uô lơưr thủ tướng Chính phủ li chỉ thị 16 lok tsưr ziv sêi đrơưv chiê phax, tar moz covid-19, chor lưx lươngv txơưx jênhv ntơưv tiv phaz tưz sir jos sik côngv qênhz yuôx, tsưr tsix cir jênhv chiê tso tsês hâux lưv kinh doanh, tsik nhoz uô cê chôngz nênhs ntơưv têx qơư kinh doanh dịch vụ tsik zov chênhr. Đhâu qênhz yuôx, xav txos hnuz 5/4, chor lưx lươngv txơưx jênhv tưz xưv bluô hành chính zuôr xar 45 triệu đêiv. Hâur co, xưv bluô 31 lênhx nênhs tsik chox đêiv bos kror ndâux thâuv muk đrâuv cêr; 4 qơư uô cxâuv tsik ngaz tuk vêv xênhz zav nox; 10 qơư kinh doanh hax huv tiv tsik lo chiv gri hax huv zav nox thiêz uô cxâuv lok ntơưr lo chiv têx hax huv li hưx trâu têx cuô tsuôs tuô lov caz moz…/.

(Thanh Thủy-Lik Thox cxêik nhênhv)