Txix hmo 7/7 txos têis cik 8/7, iz cxiê qơư sâuv thax tsav tỉnh Lai Châu muôx ntux nas zâu. Thâuv côngz xưv khưx phưx têx trâus hiêv jiês đêx ngaz cuôr uô ntêx tsênhv njiz ntâu phiv liv mak ntơưv no tror muôx yưv zuôr muôx ar poz nhoz cxuô ntu cêr, qơư pêx xênhv nhoz. Zơưv Đồng Văn Liệt, Chủ tịch UBND huyện Sìn Hồ, tỉnh Lai Châu puz pâuz: Nhiv no đros thiêz côngz xưv zok nriêr chor nênhs tsik pov, huyện cux tưz tso ntâu đoanx côngz xưv lok têx xar chiê sik côngv đros cấp ủy, chính quyền tiv phaz bax phax tar jiês ntux nas đêx ngaz cuôr yiêz zuôr muôx yưv:

“Lok tsênhv chêi, đrâuv chor tsưr tsix, tiz nênhs paz, huyện tưz paz trâu iz chuôz zis vax tsêr trâus puôk tsuôx 20 triệu đêiv chiê uô qơư lav nhoz uô ntêx. Chiê taz por luz nênhx trâu pêx xênhv, têx qơư nhoz yiêz mak pêz xêir tsov têx qơư taz por tâu trâu pêx xênhv uô nênhx nhoz truôx muk ntêr”./.

(Khắc Kiên-Lik Thox cxêik nhênhv)

Trơưk li Đeix yuô pov ntux yar ntux nas Yên bái, txix hmo xiêz 7/7 cxuô thax tsav qơư hâur tỉnh muôx  ntux lok nas thiêz nxông trâu cxiê qơư. Txuôk lơưr co, hâur 3 hnuz zuôr txos, ntux lok nas trâu cxuô qơư, lar heik zos ntơưv têx huyện faz Tây li: Trạm Tấu, Mù Cang Chải, thị xã Nghĩa Lộ thiêz chor huyện Yên Bình, Lục Yên ntux lok nas lox. Tsuv chênhr phax tox poz ar lơưk, đêx nas ngaz, cuôr yôngz, muôx chuô thiêz xoz lox. Chiê txo grêk tsơưs yax têx trâus uô hiêv tiv đêx nas muôx têx muôx yưv, Ban seiz car phax tar ntux uô ruôr hiêv thiêz zok nriêr chơưv paz lênhx nênhs tỉnh Yên Bái tưz heik cxuô thax tsav qơư sox seiz njôngr ntux têx txơưr txar, bax tsưr ziv heik trâu tsôngv box pâuz, fuô uô têx faz tsưr ziv phax tir thêir. Pos Lê Thị Thu Hà, Phưv Chủ tịch Ủy ban huyện Trạm Tấu heik:

“Đros thiêz huyện Trạm Tấu, luôs hâuv lưv yax kriê lok sâuv ntux nas uô hiêv zos tsênhv njiêz xuz thơưx hlo thiêz tâu fuô uô txix têx jiês cơưv cấp huyện, cấp xã, jêx jok thiêz cơưv têx chuôz zis chiê tsôngv box sđ pâuz tsênhz pâuz cxuô, chiv chir phax txar jav. Iz kro cux lok six zov chênhr trâu huyện Ban seiz car phax tar ntux uô hiêv zos thâuv tưs muôx ntux lok nas lox, đêx ngaz, cuôr yôngz mak chox kriê uô jông 4 tsưr ziv ntơưv qơư”./.

(Đinh Tuấn-Riê Lâux cxeik, nhênhv)

Lơưr tsênhv qơư y tế dự phongx tỉnh Điện Biên li hêik pâuz yiêz tiv zix, sâuv thax tsav huyện Điện Biên Đông moz kruô piêk tsênhv txơưr txar phiv liv thiêz tưz cik đêz đar trâu 11/14 xar, thị trấn nhoz thax tsav no. Xav txos six hơưv no, tas nro huyện Điện Biên Đông tưz muôx 136 lênhx nênhs trâus moz kruô piêk, hâur co, tsêx trung ntơưv 2 luz xar: Keo Lôm thiêz Phình Giàng. Chor nênhs trâus moz phênhv ntâu txix 1-4 shông, thiêz zos chor nênhs tsik tâu cxax yuôx phax moz kruô piêk lok sik tsik tâu cxax phax moz nzir. Tas nro chor nênhs trâus moz tsênhv tâu chơưv kho ntơưv tsêr kho moz đa khoa huyện Điện Biên Đông thiêz Trạm y tế chor xar hêik co. Chiê tir tar moz kruô piêk tsênhv txơưr txar phiv liv, tsênhv qơư y tế huyện Điện Biên Đông tưz bax cxix cxuô yuôx, chuôz zênhx, hóa chất, đas jos tax tâu côngz xưv phax tar caz moz, thôngx cxix, uô bê ntơưr nhuôs zâu txix 9-24 hli hnuz nhôngs tsik tâu cxax yuôx phax moz lok six cxax yuôx tsik tâu cxix cxuô chiê kriz uô cxax yuôx phax moz kruô piêk ciês./.

(Vũ Lợi-Lik Thox cxêik nhênhv)

Hâur 2 hnuz xiêz 7 thiêz xiêz 8/7 siz lơưr liês, ntơưv thax tsav đriv têz nhoz xã Bản Phiệt, huyện Bảo Thắng, tỉnh Lào Cai, Đội seiz car tênhx qơư sôr 5 đros Phongx Cảnh sát tênhx qơư-Công an tỉnh Lào Cai qênhz pov, sâu tsês tâu ntâu têx co tơư keiz txiêk tsênhv tâu sâu zuôr lok chiê thâux muk muôs hâur thax tsav. Hur si têx xiv huv co puôr lênhx tsi pâuz tsênhz tuk tsưr zos lênhx tưs, muôx zuôr xar 140 hnaz sênhr lok zos hnaz tsax sâu ntơưr Trung Quốc lo trâu saz đrâuv, saz hâur chor hnaz ntơư ntiv têx co tơư keiz txiêk, xav mak xar muôx 3 tênhr. Chor co tơư keiz heik co thâuv trâus lưv lươngv muôx vax huôv qênhz pov mak tưz tsư nxiêz, tsư pok tas. Ciês hâur hnuz xiêz 8/7, hâu nov huyện Bảo Thắng tưz yênhx lix hôiv đôngx tsưr tsix muôz chor co tơưk keiz co hlơưr por tsês trơưk li chei têz qơưk cui tinhv./.

(An Kiên-Riê Lâux cxeik, nhênhv)