Tỉnh Sơn La nhiv kruôr muôx nzir 2 lênhx nênhs trâul moz Covid-19 hâur thax tsav kuôk cêv nhoz huyện Phù Yên, puôr lênhx zos công nhân muk uô jos ntơưv tỉnh Bình Dương tror lok. 2 lênhx nênhs trâul moz yiêz nhoz Sơn La no tsênhv tâu kuôk cêv ntơưv thax tsav cêv kuôk chor nênhs trâul moz thiêz tâu xav tiêk zôngx ziv trâul cik tâu moz ntơư hâur tsêr cơưv cxênhx iz xã Huy Thượng, huyện Phù Yên (puôr lênhx nhoz uô cê, lok sik jê têx qar, thax tsav qơư muôx 43 lênhx nênhs trâul moz hâur thax tsav kuôk cêv tưz tâu pâuz trâul moz uô ntêx ntơư). Trơưk li ntâuk grê, chor nênhs trâul moz yiêz no zuôr cik tsi tâu caz moz zôngx ziv trâu luôs lưv tus hâur côngv thôngx, viv tưz tâu kuôk cêv lơưr nhoz lơưr iz kro đhâu hlo thâuv lok txos hâur qơư nhoz. Li ntơư, xav txix hnuz 21/7/2021 txos nhiv no, tỉnh Sơn La tưz muôx 45 lênhx nênhs trâul moz SARS-CoV-2. Tas nro têx lênhx nênhs moz no puôr lênhx qênhz pov hâur thax tsav kuôk cêv ntơưv huyện Phù Yên. Nhiv no muôx 2 lênhx nênhs moz tsênhv tâu nhoz chơưv kho moz ntơưv Tsêr kho moz đa khoa tỉnh Sơn La; yuôr đuô li zos lơưr nhoz kho moz ntơưv huyện Phù Yên li qơư seiz njuôk shuôs, kho chor nênhs trâul moz Covid-19 thiêz đas jos puôr lênhx truôx tuk, tsi pov muôx li chas txơưr txar./.

(Thu Thùy-Riê Lâux cxeik, nhênhv)

Cxôngx qênhx shênhx moz Covid-19 li huôv xênhz phêv liv sâuv tas nro têz qơưk, chiê phax tar moz cik lok hâur thax tsav, tỉnh Yên Bái tưz thiêz tsênhv uô jông hâux lưv seiz car lênhx nênhs muk lok hâur thax tsav. Lơưr chiz coaz muôx txơưx jênhv, hnuz tưs cux muôx nhos 3 cxênhz jiês lênhx nênhs muk lok sâuv thax tsav tỉnh Yên Bái, hâur co muôx ntâu lênhx nênhs cxôngx thax tsav muôx moz huôv xênhz lok. Chiê phax tar moz cik, tỉnh Yên Bái heik tas nro tsôngv box lok lok sik sik tuôx hâur thax tsav tsuv muôx ntơưr njuôs siv tsi muôx caz moz SARS Cov 2. Thôngx cxix, tas nro tỉnh tsưr tsix zuôr xar 50 qơư seiz car y tế, hâur co muôx 9 qơư zos tỉnh tsưr tsix, chor tsênhv yuôr zos têx tiv phaz coar lik. Lưx lươngv muôx txơưx jênhv nhoz têx qơư seiz car tsuv heik kriê tsôngv box heik kriê y tế, njuôs siv caz moz SARS Cov 2...đros siêz xar njôngr tir tar moz Covid-19 siz cik. Thượng úy Tô Văn Ngọc, cán bộ Phongx cảnh sát zaoz thôngz, Công an tỉnh Yên Bái puz pâuz:

“Qơư seiz car y tế tưz uô têx tsưr ziv trơưk cui tênhv, qênhz yuôx tas nro têx yêz muk lok hâur thax tsav tỉnh Yên Bái, tas nro têx yêz tsuv uô jông têx tsưr ziv phax tar moz lơưr cui tênhv”./.

(Đinh Tuấn-Txâur Vax cxeik nhênhv)

Ủy ban huyện Mường Tè, tỉnh Lai Châu nhiv kruôr tso tơưv quyết tinhv xưv bluô uô cxâuv hành chính hâur ngênhx y tế trâu 3 lênhx nênhs tsi uô trơưk li cơ quan, tsưr tsix muôx vax huôv têx tsưr ziv lok phax tir thêir têx moz txơưx siz cik 30 tsov đeiv nhiêx. Chor nênhs trâul bluô heik sâuv zos pos Vũ Thị M, xênhz shông 1980; zơưv Trần Văn Nh, xênhz shông 1982, puôr lênhx nhoz ntơưv jok 9, xã Xuân Thành, huyện Xuân Trường, tỉnh Nam Định thiêz pos Tống Thị X, xênhz shông 1963, nhoz ntơưv phường Nam Bình, TP Ninh Bình, tỉnh Ninh Bình. Chor nênhs heik sâuv trâul bluô nhiêx uô cxâuv, tiv tsi uô trơưk têx tsưr ziv lok phax tar moz gênhk lơưr cơ quan, tsưr tsix muôx vax huôv fuô kriê ./.

 (Khắc Kiên-Riê lâux cxeik, nhênhv)

Xor mông cxôngx UB thị xã Sa Pa, tỉnh Lào Cai puz pâuz, thâuv 5 six zar zuôr tsâus ntux hnuz xiêz 8/8, ntơưv iz qar tsêr pư nhoz tuêv 4, phường Sa Pa, thị xã Sa Pa muôx yưv iz txuz siz tuô, uô iz lênhx pox niêv tuôs ciês ntơưv qơư.

Ntơư zos G.T.M xênhz shông 1999, nhoz jos Tả Van Mông, xã Tả Van, thị xã Sa Pa, lênhx nênhs trâus tuôs ntơưv qar tsêr pư đros luz chêr trâus saz ntâu.

Qênhz yuôx qir thơưx tso pov, njuôs xav nênhs tuô lênhx nênhs co zos Lý A Vảng xênhz shông 1994, nhoz tuêv 2, phường Cầu Mây, thị xã Sa Pa, zos G.T.M li tul txir kuz.

Vảng thiêz M nhiv kruôr siz đrâux tas tsik ntêr, tiv siz char siz chêv Vảng thiêx li ntâus, nhêv M chax đaz tuôs. Nhiv no, Công an thị xã Sa Pa tsênhv tror qênhz yuôx, yưr lir lơưr phuôx lix li cui tênhv./.

(An Kiên-Txâur Vax cxeik nhênhv)