Tsuôk yuôr oz hnuz lơưv xưz tưz zuôr txos trâu jiês thik tưr cơưv tiêr ntơưr cxênhx pêz têz qơưk shông 2021. Ntơưv tỉnh Sơn La, txos six hơưv no, côngz xưv bax cxuô zav, tsưr ziv phax tar caz moz Covid-19, cux xưk li hâux lưv kriê thiêz cơưv nzir tưz tâu uô tiêr, chiê chor shux xênhz piz thik tưr hâur shông cơưv no. Cưk kriê ntơưr Lê Việt Dũng, Phưv Hiệu trưởng Tsêr cơưv Phôv thôngz mênhx cxưx Nội trú tỉnh Sơn La puz pâuz, chiê taz por jiês thik tưr tâu uô jông thiêz chor shux xênhz thik tâu điểm siêz, đhâu thâuv suôv câuv tsaz yênhx cơưv, tsêr cơưv tưz hêik tas nro chor shux xênhz lớp 12 tror nhoz ntơưv tsêr cơưv chiê cơưv nzir têx ntâuz ntơưr, tsik lok muk tsêr thiêz tsik njiz chôngz nênhs chiê phax tar jông caz moz Covid-19:

“Txos six hơưv no, tsêr cơưv tưz sik côngv đros ntâu taz viv sâuv thax tsav thành phố bax cxix cxuô zav chiê bax trâu jiês thik tưr cơưv tiêr ntơưr cxênhx pêz shông 2021 cov tâu truôx jông tiv zix”./.

(Trấn Long-Lik Thox cxêik nhênhv)

Nganhx Y têr tỉnh Lào Cai tsưr tsix tso nyar njuôk shuôk caz moz trâu 65 lênhx nênhs sâu xor xưv cxaz chuôz sâu xor xưv lok jiês thik cơưv tiêr ntơưr cxênhx pêz têz qơưk zuôr txos.

Chor nênhs sâu xor xưv no zos chor nênhs nhoz hâur bê ntơưr tưz  tâu đăngk cir uô ntêx đros Sở Zoz zux tỉnh Lào Cai, zos nênhs sâu xor xưv nhoz têx pov chir, đaix ntơưv thax tsav qơư; nênhs sâu xor xưv nhoz Tsênhv qơư vênhx huôv, thể thao thiêz yax mông têx huyện, thành, thị; thiêz nênhs sâu xor xưv nhoz têx pov chir thường trú sâuv thax tsav tỉnh Lào Cai. Đhâu thâuv tso nyar, saz y têr zuôr njuôk shuôk caz moz Covid-19 trâu chor nênhs sâu xor xưv no txix tsưr ziv RT-PCR; zos tsik pov trâus moz mak zuôr tâu chiê muk sâu xor xưv lok jiês thik tưr no./.

(An Kiên-Lik Thox cxêik nhênhv)