Hnuz 9/10, Đoanx côngz xưv Ban tuyên giáo Trung ương zos zơưv Vũ Công Hội, qênhx Vụ trưởng vụ vênhx huôv, vênhx nghệ (Ban Tuyên giáo trung ương) uô tsar đoanx uô hâux lưv đros lênhx tov Ban tuyên giáo Tỉnh ủy, tỉnh Điện Biên. Ntơưv jiês uô hâux lưv, zơưv Vũ Công Hội, tsar đoàn Ban tuyên giáo Trung ương ntâuk gri: Tỉnh Điện Biên tưz khưx phưx têx phiv liv, tsưr tsix uô jông côngz xưv lý luận, tax tâu tiv phaz li zoz qơưx uô jênhv vưv chính trị. Huôx tôngv xar tơưv hêik pâuz vênhx cơưv nghệ thuật lok tsênhv njiêz “Cơưv shâuv thiêz uô lơưr Hloz Hôx li cêr uô nênhx jông” muôx chêx cur jông. Đoanx côngz xưv zuôr sâu jênhv lênhx tov cxuô nganhx tỉnh Điện Biên têx ziv chênhv chiê xa trâu chor Bộ, nganhx thiêz Ban Tuyên giáo Trung ương sêiz shuôk cêir chêx./.

(KT-Lik Thox cxêik nhênhv)

          Thâuv 7 six 55 phênhz tsâus ntux hnuz xiêz 9/10, tiv ntux lol nas lox thiêz ntêr hnuz uô tox poz lol vôngz cêr hlâu ntêr muôx nhos 100 yiv; 6 qar yêz thâux hax huv thiêz 1 qar yêz hlâu phưx vưv phax tar ntux nas ntơưv qơư tsav yêz hlâu Lâm Giang, huyện Văn Yên tỉnh Yên Bái. Tox poz txơưv tsi trâus ruôr hiêv lok lênhx nênhs, taz sik uô cêr hlâu Yên Bái- Lào Cai trâus mul lol tsi tâu. Lơưr njuôs xav, tox poz uô zaoz thôngz mul lol tsi tâu, viv li côngz xưv hôx phưx cêr hlâu zuôr njiz ntâu phêv liv, six hơưv chiê hôx phưx tsơưs tiv zix pôngz 4 hnuz./.

(Tuấn Xuân-Txâur Vax cxeik nhênhv)

         Hâur tsưr ziv hlôngr đuô tsoz chos sâuv ar tox nxaz, txos nhiv no, huyện Yên Châu, tỉnh Sơn La huôv tsar muôx 4.600 hec ta tsoz txir mo môngk, nhãn, txir khơưz đuz, txir tsơưz, tsav muôx 90% thax tsav chos ntông nox txir cxuô zav hâur tas nro huyện. No zos chor zav ntông nox txir tâu huyện xav jênhv zos tsoz chos chênhr, huv đros đêx ar, qiv hơưv nhoz tiv phaz, paz muôx chêx cur kinh tế siêz. Zơưv Nguyễn Văn Điện, trưởng phongx kôngz nuv huyện Yên Châu puz pâuz:

“Pêz tror chox kriê pox nhuôs huôv tsar uô xênhz yar lơưr cêv kuôk. Chuôz cxaz paz trâu pêx xênhv, uô chak cov paz muôx tâu hax huv tsơưr lươngv jông, uô xênhz yar lơưr kỹ thuật, ngaz tuk lơưr tsưr ziv VietGáp”./.

(Đức Anh-Lik Thox cxêik nhênhv)

        Lơưr tsênhv qơư njuôs pov qiv hơưv TW li xor mông puz pâuz, sâuv thax tsav têz qơưk Trung quốc muôx iz jiês chuô txiêk tsênhv lol txos pêz têz qơưk. Njuôs pov hâur tar su hnuz xiêz 10/10 zuôr lol txos têx tỉnh faz Bắc thiêz Bắc Trung Bộ. Ntơưv Lào Cai, thâuv khôngz qiv txiêk uô lol nas thiêz chuô lox. Tsôngv box têx tiv phaz, tiv zix zos thax tsav tox siêz tsuv tsưv ziv phax tar ntux nas uô muôx tox poz, ar lơưk, phax tar chuô lox, xoz tuô..../.

(KT- Txâur Vax cxeik, nhênhv)