Huyện Mộc Châu, tỉnh Sơn La tsênhv sir jos kriz uô quuw di tịch nhoz so thiêz uô si thênhv siêz ntơưv Rừng Thông jok Áng, xã Đông Sang. Dự án muôx pênhr yưv uô zos 1.100 tiv đêiv, cxiv tsa uô sâuv thax tsav đar 46 ha, zos Công ty TNHH huôv tsar du lịch ntiêx têz Phượng Hoàng Mộc Châu uô tsưr yưv pênhr. Txos nhiv no, huyện Mộc châu tưz uô tiêr cêv kuôk thiêz tsênhv sir jos cêir chêx thax tsav, sir jos txos tas hli 10 no zuôr choz zok thax tsav kriz uô trâu tsưr yưv pênhr uo dự án. Chor ziv chuôz zis nhoz hâur thax tsav dự án, đrâuv pâux nzir lok đêx ar thiêz cxuô zav, huyện Mộc Châu cux muôx tsưr ziv paz, kruôz kriê, hlôngr yiêz đuô tsưr ziv uô nox thiêz zok nriêr hâux lưv uô, taz por trâu chor ziv chuôz zis truôx tuk luz nênhx./.

(Thùy Long-Ly dịch đọc)

        Tsôngv box.....! Đros thiêz siêz xar njôngr gra iz luz tsiêz Trung thu muôx liv, sor si trâu têx nhuôs zâu muôx luz nênhx txov nhêv, nhuôv njuôs tsi muôx qơư khov vav hâur tỉnh Điện Biên, qơư xênhz huôx tsês chiê trâu nhuôs zâu uô si lov jêv tỉnh Điện Biên hux jos đros Cuiv por hưv têx nhuôs zâu, Jok nhuôs zâu SOS Điện Biên thiêz iz cxiê taz viv hâur thax tsav tsưr tsix iz “hmo hội hli đra” đros ntâu cêr lov jêv, shir phaz thiêz muôx liv trâu têx nhuôs. 700 ntâu lênhx nhuôv zâu hâur jok nhuôs zâu SOS Điện Biên, Cuiv por hưv nhuôs zâu thiêz Tsênhv qơư pov tsơưv XH tỉnh tưz hu chôngz lênhx ntâu tuk lok no chiê đros côngv cêr lov jêv tok tsiêz hâur hmo hli đra. Lênhx nhuôs Chông Xênhv Shôngx nhoz hâur jok nhuôs zâu SOS tỉnh Điện Biên heik:

“Hnuz no cur lok six shir phaz viv tưr tâu hov iz. Đhâu trôngx têx nduôr thax, txir ntông co pêz xar heik txos trâu hur tiz si cxuô lênhx sơưr đơưk tiêk, tsuv pâuz siz hluz siz paz hâur luz nênhx. Têx cêr siz hluz siz paz co zuôr uô trâu sơưr đơưk muôx cêr shir phaz, jông siêz đuô”./. 

(Vũ Lợi-Riê Lâux cxeik, nhênhv)

         Hnuz 4/10, Đoàn côngz xưv zos zơưv Đặng Xuân Thanh, phưv chủ tịch UBND tỉnh Lào Cai uô trưởng đoàn tưz qênhz yuôx côngz xưv taz por ngaz tuk vêv xênhz zav nox ntơưv tsêr cơưv phôv thôngz mênhx cxưx niêv txir zus mor cxênhx iz thiêz cxênhx oz xã Hầu Thào, huyện Sa Pa. Hêik ntơưv jiês uô hâux lưv, zơưv Đựng Xuân Thanh, phưv chủ tịch UBND tỉnh tưz sâu jênhv chor tsêr cơưv ntơưr thiêz xã Hầu Thào li têx ziv chênhv. Phưv chủ tịch UBND tỉnh cux hêik tsêr cơưv phôv thôngz mênhx cxưx niêv txir zus mor cxênhx iz thiêz cxênhx oz Hầu Thào tsuv uô truôx jông côngz xưv taz por ngaz tuk vêv xênhz zav nox hâur ntu uô jâuz mor nox trâu shux xênhz. Huyện Sa Pa tsuv bax nhiêx txiêx paz trâu chor xã hâur xưv lik têx hax huv chuôr; chox kriê cơ quan txơưx jênhv chuôz cxaz sêiz car chor qơư uô zav nox sâuv thax tsav tsik chiê muôx yưv trâus tsơưr tưx zav nox./.

(KT-Ly dịch đọc)

         Ntux nas lox hâur tas cik hnuz xiêz 4/10 tưz uô đêx ngaz txox cêr lox số 37, ntu muk đhâu xã Âu Lâu, TP Yên Bái, tỉnh Yên Bái hâur ntâu six  hơưv, uô têx yêz mul lok tsi tâu đhâu thiêz uô hiêv txos ntâu ziv chuôz zis tsôngv box. Coz nas heik sâuv txơưv tiêk lol tsi ntêr taz sik lok six hloz. Ntâu ziv chuôz zis tsôngv box tưz zênhx max njêik yêv têx đra, chuôz zênhx uz no....chiê tsi trâus đêx ngaz. Iz chas ntơư, ntux nas lox uô đêx ngaz cêr, têx yêz tưz mul lok tsi tâu đhâu sâuv txox cêr lox số 37 thiêz tsuv lus cêr trâu thax tsav jok Nước Mát, xã Âu Lâu muk. Đhâu ciês thâuv muôx têx li heik sâuv, lưv lươngv muôx vax huôv tưz zênhx max muôx njêx muôs ntơưv qơư chiê phênhz cêr mul lok trâu têx yêz, heik kriê têx qơư riêz nênhs trâu lênhx nênhs mul lok đhâu cêr pâuz./.

(KT-Riê Lâux cxeik, nhênhv)