Zar hnuz keix hnuz 31/10, BCH Đảng bộ tỉnh Yên Bái tsưr tsix Phêv ziv jiês tiv 28 (krêz đar) chiê ntâus gri 2 shông uô BCH Trung ương Đảng khóa 12 li Nghị quyết 18 thiêz Nghị quyết 19 reik đros uô Bộ chính trị li nghị quyết 39 lok txu gris biên chế thiêz hlôngr yiêz cán bộ, công chức, viên chức. Cxôngx shông 2015 txos nhiv no, tỉnh tưz txu gris tâu 400 ntâu chiz coaz hành chính, taz viv sự nghiệp cấp tỉnh, cấp huyện; txu gris tâu 1 cxênhz 200 ntâu lênhx cán bộ lênhs tov têx chiz coaz, taz viv; txu gris 4 cxênhz 400 ntâu biên chế. Hâux lưv txu gris biên chế cxênhx txuôk tâu muôx nhos 1 cxênhz 355 tỷ đeiv. Bí thư tỉnh ủy Yên Bái Phạm Thị Thanh Trà khav tênhv: No zos têx nghị quyết mak tỉnh Yên Bái uô yênhx côngz. Hâux lưv seiz shuôk, hlôngr yiêz bộ meir, têx cán bộ, công chức, viên chức thiêz txu gris biên chế tưz gôngr phênhv cxiv tsa hành chính thôngx ziv, hur si, hlôngr yiêz, muôx chêx cuk đuô./.

(VOVTB- Txâur Vax cxeik nhênhv)

Tỉnh Sơn La tsênhv sir jos chiê muôx nzir 14 xar uô tiêr cxiv tsa jêx jok yiêz hâur 3 luz hli kaz shông no, cov tas nro chor xar uô tiêr cxiv tsa jêx jok yiêz nhoz tỉnh ndê muôx 41 xar. Zơưv Nguyễn Thành Công, Giám đốc Sở Kôngz nuv thiêz Huôv tsar jêx jok, tox siêz tỉnh Sơn La puz pâuz, hâux lưv kriz uô tsaz yênhx tsưr ziv têz qơưk lok jêx jok yiêz ntơưv tiv phaz tax tâu ntâu chêx cur jông. Taz sik, đhâu 10 shông kriz uô tsaz yênhx puz pov, ntâu tsênhv chêi tsik tâu huv đros trâu têx tỉnh tox siêz tsuv tâu hlôngr đuô:

“Tox siêz mak zênhx sir jos uô lơưv, taz sik tsar tov phiv liv đuô, viv li hêik Trung ương tsuv kho đuô chuôz ndê têx phênhv paz chiê cxiv tsa jêx jok yiêz, iz zav li paz nhiêx chiê cxiv uô têx qơư uô xênhz yar lox đar muôx 0z pêz puô ha, lok sik oz pêz châuv ha chiê pêz uô jux juk, tsik yuôr uô xênhz yar zâu. Iz kror thiêz zos Trung ương tsuv qênhz yuôx txos thax tsav tox siêz thiêz têx qơư uô zôngx ziv chiê sêiz sêz tas nro chor luôs hâux lưv jêx jok yiêz mak kror tưs thax tsav tox siêz kriz uô tsênhv njiz ntâu phiv liv chiê muôx têx tsênhv chêi thiêz tsưr ziv paz uô hâur têx luôs âux lưv co cov tsênhz mênhx đuô”./.

(Thu Thùy-Lik Thox cxêik nhênhv)

UB tỉnh Lào Cai nhiv kruôr tsưr tsix ntâus gri 2 shông uô Đề án “chuôz tsar heik kriê cêr chei trâu nênhs tsênhv trâus cơư tux, nênhs tâu coar lik tư pháp lok sik trâus yưr lir hành chính, lênhx nênhs nhiv kruôr tơưv tux tror lol đros côngv thôngx nhoz uô nênhx, hluôk nênhs uô cxâuv cêr chei, tsi muôx qơư khov vav ntu 2018-2021”. Lơưr co, 100% têx lênhx nênhs heik sâuv hâur thax tsav tỉnh Lào Cai coar lik puôr lênhx tâu heik kriê cxix cxuô cêr chei. Đhâu côngz xưv yax mông, heik kriê zaoz zux cêr chei, têx lênhx nênhs tưz jênhv pâuz tsênhz cêr chei li cui tênhv, cxôngx co uô jông hâur luz nênhx xênhz huôx, gôngr phênhv lok côngz xưv tơưv txênhz, phax tar têx zav nênhs phamv cxâuv, taz por txiv ngaz ntơưv tiv phaz./.

(An Kiên-Txâur Vax cxeik nhênhv)

Txix hnuz 29-31/10, UBND huyện Sìn Hồ, tỉnh Lai Châu tsưr tsix hnuz hôiv Vênhx huôv-Thể thao cxuô mênhx cxưx têx xar tox siêz ntus đriv, trơưk đêx Nậm Na shông 2019.

Cxaz chuôz hnuz hôiv muôx 400 ntâu lênhx nênhs tuôx txix 11 xar, thị trấn nhoz tox siêz ntus đriv thiêz trơưk đêx Nậm Na huyện Sìn Hồ. Chor đôiv cxaz chuôz têx tsênhv njiêz: Vênhx huôv cxôngx nzor, vênhx nghệ thiêz thể thao. Hâur sik tưr vênhx huôv zos têx kror li: Hnar tsôngk yo, ntênhk hôiv cxôngx nzor. Sik tưr thể thao zos: sik lâuz pak, truz hluô, tuô hnênhr, ntâuk tux luz…Hnuz hôiv zos chiê paz tsar tov trâu têx tiv phaz sik njiz. Đhâu co hênhr kruôk txos cxuô mênhx cxưx têx vênhx huôv jông cxôngx nzor, paz cxiv tsa luz nênhx vênhx huôv ntơưv qơư pêx xênhv nhoz./.

                                   (Báo LC-Lik Thox cxêik nhênhv)