Jiês qênhz yuôx mênhx cxưx tsơưs nênhs shông 2019 tỉnh Sơn La muôx 850 ntâu thax tsav; lưx lươngv cxaz chuôz muôx 55 seiz car viên cấp tỉnh thiêz huyện, 200 ntâu têuv tsar thiêz 450 ntâu lênhx qênhz yuôx viên. Jiês qênhz yuôx suôv câuv kênhz tiv zix zos hnuz 31/10/2019. Lơưr chêx cuk jiês qênhz yuôx seiz car tsôngv box li luz nênhx shông 2018, phênhv sâu fênhx pheiz ntơưv tỉnh Sơn La tax 17 tsov đeiv ntâuz iz lênhx nênhs iz shông, kis đuô lok six ntâu pir đros fênhx pheiz lênhx nênhs sâuv tas nro têz qơưk. Viv li, chêx cuk jiês qênhz yuôx 53 mênhx cxưx tsơưs nênhs jiês no zuôr zos hâux lưv coaz tsôngv chiê chinhr quyênx tiv phaz cxiv tsa têx chính sách muôz siêz luz nênhx chinhz yênhx trâu tsôngv box, tiv zix zos tsôngv box mênhx cxưx tsơưs nênhs. Pos Ngô Thị Thu, Cục tsar cục thôngz sâu tỉnh Sơn La puz pâuz:

“Qênhz yuôx 53 mênhx cxưx shông no li kror yiêz pir đros têx jiês qênhz yuôx tov ntêx zos sir zôngv công nghệ thôngz sâu sâuv tas nro têx ntu, tiv zix zos thôngz sâu xor mông tưz sir zôngv ntơưr điện tử. Hâux lưv no cux tuôv zênhv công nghệ 4.0, li ntơư zuôr paz trâu côngz xưv thôngz sâu xor mông sei đuô, tsênhz mênhx đuô, taz por tâu six hơưv uô jiês qênhz yuôx”./.

(Trấn Long- Txâur Vax cxeik nhênhv)

  Đại hội đại biểu Hội Liên hiệp hluôk nênhs tỉnh Lào Cai nhiv kruôr uô suôx câuv tâu jông. Đại hội muôx 201 lênhx đại biểu hlôngr njêx muôs trâu 25 heir nênhs hâur thax tsav tỉnh Lào Cai li 140 cxênhz ntâu lênhx hluôk nênhs cxaz chuôz dưv.

Trơưk li tix lâus Zax Quốc Hưng, Bí thư Tỉnh đoanx Lào Cai, chor hội viên thiêz canr bôv hội zos heir nênhs tsơưs ziv hnuz tsar ndê chôngz lênhx. Đhâu fuô uô têx phôngz yaox, tsaz yênhx hội tưz muôx ntâu lênhx hluôk nênhs heir nênhs tsơưs uô tâu ntâu luôs hâux lưv jông hâur cxuô cêr nuv. Têx cấp hội cux uô jông hâux lưv yax kriê lok sâuv phax tar tsi siz zuôr cxênhz jê, siz zuôr nzor, zuôr muôs pox niêv, nhuôs zâu đhâu ntus đriv; cxơưz tiês uô têx hâux lưv txoz cxơưx trâu huôv tsar uô nox uô hnar, muôz hâux lưv uô truôx trâu hluôk nênhs heir nênhs tsơưs chiê txo grêk tsơưs chor hluôk nênhs mul zok nriêr hâux lưv uô trâu luôs 2 chas thax tsav txơưr đuô thiêz đhâu đriv têz muk uô jos saz đrâuv luôs 2 chas têz qơưk tsi trơưk chei...../.

(DTMN-Riê Lâux cxeik, nhênhv)

  Hnuz đhâu, xiêz 1/10 tỉnh Yên Bái tưz tsưr tsix côngz fur Cuiz tênhv hlôngr yiêz lênhx nênhs đros iz cxiê ban, nganhx thiêz tiv phaz. Lơưr co, tso zơưv Trần huy Tuấn- Ủy viên Ban chấp hành Đảng bộ tỉnh, Bí thư Huyện ủy, Chủ tịch HĐ huyện Văn Yên llol uô Vụ tsar ban tsưr tsix tỉnh ủy Yên Bái cxôngx hnuz xiêz 1/10 hlôngr trâu zơưv Hà Đức Hoan so lâuk lơưr chế độ.

Ban thường vụ tỉnh ủy Yên Bái cux tso zơưv Luyện Hữu Chung- Phưv giám đốc Sở zaoz zux thiêz thox cxov tỉnh Yên bái cxaz chuôz Ban chấp hành, Ban thường vụ huyện ủy Văn Yên thiêz tso uô Bí thư huyện ủy Văn Yên, six cxiv 2015-2020.

Cux đros hnuz, zơưv Lê Trí Hà- Tsar phongx thư ký- tổng hợp-văn phongx Đoanx teiv plor côx hôiv-HĐPX thiêz UB tỉnh tâu tso uô vụ phó Chánh văn phongx Đoanx teiv plor côx hôiv-HĐPX thiêz UB cxôngx hnuz xiêz 1/10/2019./.

(Trịnh Xuân-Txâur Vax cxeik nhênhv)