Cơưv Đại hôiv sik tưr nhiêv têz nhiêv qơư tas nro têz qơưk jiês tiv 10, tas cik hnuz xiêz 10/12, đros thiêz têx lênhx đại biểu, no zos hmôngr jông, cêr shir phaz, zos đal jos cxơưz gra chiê lơưr tror sir jos uô tiêr têx luôs hâux lưv zok muôz. Zơưv Quàng Văn Phích, 70 shông, zos lênhx uô ntêx nyuôs huôv tsar uô nox uô hâuk coz nhoz jok Thanh Chính, xã Noong Luống, huyện Điện Biên, tỉnh Điện Biên heik:

“Cur lok six shir phaz. Tuôx no tâu chuôs njiz ntâu lênhx chôngz tus mak cur cux zuôr pâuz tâu ntâu zav thiêz sik thav kriê, sik cơưv shâuv têx tsưr ziv jông txơưr đuô lok huôv tsar uô nox chiê tror muk tsêr zuk uô trơưk, hu zâuv tsôngv cưr tix nênhx tsa sik đros uô iz zav li zuk”.

Đros thiêz tsênhv njiêz “Sik thôngx siêz, sik đros xar tơưv têx tsưr ziv jông, sik tưr cxiv tsa thiêz tsưx phưv têz qơưk”, ntâu lênhx đại biểu cux vav chiê siêz tiêk, Đại hội sik tưr nhiêv têz qơưk jiês tiv 10 zuôr tso tơưv tâu têx hâux lưv, tsưr ziv zov chênhr chiê hâur six hơưv zuôr txos uô tâu jông đuô luôs hâux lưv heik sâuv, paz huôv tsar kinh tế-XH thiêz tsưx phưv têz qơưk hâur ntu hlôngr yiêz./.

(VOV4-Riê Lâux cxeik, nhênhv)

Tiv trâus moz Covid-19 uô zênhr shar, Ntênhs ciêz 2 saz Việt- Trung cux tâu tsưr tsix fênhx yax taz sik zos tsưr tsix trực tuyến. Tiv moz Covid-19 huôv xênhz viv li tsuv uô jông têx cui tênhv lok phax tar moz. Lơưr co, Ntênhs ciêz zuôr tsi muôx huôx tôngv lok lênhx nênhs thiêz hax huv li cxuô jiês mak zuôr tsưr tsix ntơưv 2 qơư zos Tsênhv qơư ntênhs ciêz piêr kriê Kim Thành (Lào Cai- VN) thiêz tsênhv qơư piêr kriê ntiêx têz Hà Khẩu (Vân Nam-Trung Quốc). Đrâuv co, ntênhs ciêz tsênhv tsưr tsix têx huôx tôngv txơưr li phêv ziv sik côngv muôv muôs ntơưv TP Lào Cai đros têx lênhx nênhs cungz thiêz doanh nghiệp muôs tơưv, têx tsưr tsix cxơưz cxiz muôv muos; phêv ziv trực tuyến heik lok tsênhv chêi yưv pênhr thiêz cir hôx thôngx muôv muôs hâur doanh nghiệp VN thiêz doanh nghiệp Trung Quốc./.

(An Kiên-Txâur Vax cxeik nhênhv)

Đặng Tòn Nhỉ, xênhz shông 1988, nhoz ntơưv jok Khe Dẹt, xã phong Dụ Thượng, huyện Văn Yên, tỉnh Yên Bái nhiv kruôr trâul lưv lươngv txiv ngaz qênhz yuôx, Công an tỉnh Yên Bái ntêk tâu tiv uô cxâuv lok sâuv “Tsưr tsix trâu luôs lưv tus muk trâu saz têz qơưk đrâuv tsi trơưk chei”. Trơưk li têx ntâuz ntơưr qênhz yuôx shuôs, shông 2015, Đặng Tòn Nhỉ muk trâu saz Trung Quốc tsi trơưk chei uô jos thiêz sưv, pâuz iz cxiê lênhx nênhs Trung Quốc. Kaz shông 2015, Nhỉ tror muk hâur thax tsa qơư thiêz uô fôngx zưs, sưv đros iz cxiê lênhx nênhs thôngz đhâu sâuv mạng XH. Nhỉ đas nziêk thiêz chos lul tiêk, zuôr paz sđ zok nriêr tâu iz hâux lưv uô jông, muôx phênhv sâu tâu nhiêx siêz nhoz saz Trung Quốc, iz chas ntơư heik têx lênhx zuk sưv heik sâuv, cov iz lênhs thêv trâu Nhỉ 15 tsov đeiv nhiêx chiê muk lol thiêz nox muk lok tâus cêr, ntiêr nênhs chox cêr muk lok đhâu đriv têz.

Thâuv kaz hli 10/2020, Nhỉ ntiêr yêz lox thâux 6 lênhx nênhs txix thị trấn Mậu A, huyện Văn Yên, tỉnh Yên Bái muk trâu trôngx đriv Chi Ma, tỉnh Lạng Sơn chiê zok nriêr cêr muk saz Trung Quốc tsi trơưk chei, txơưv trâul lưv lươngv muôx vax huôv qênhz pov thiêz ntêk tâu. Ntơưv cơ quan txiv ngaz qênhz yuôx, Nhỉ krêz lênhk tiêk, nhiês chox tâu iz lênhx nênhs muk đhâu đriv têz trâu saz têz qơưk đrâuv zuôr tâu chor nênhs Trung Quốc zuk sưv pâuz co thêv nhiêx côngk 150 cxênhz đeiv iz lênhx nênhs. Nhiv no txuz nuv no tsênhv tror tâu qênhz yuôx chiê uô tsênhz mênhx./.

(Đinh Tuấn-Riê Lâux cxeik, nhênhv)

Têz thiêz nus ntơưv jiês cơưv tiv 15, Hội đôngx tỉnh Sơn La khóa 14 tas cik hnuz xiêz 9/12, chêx chôngk lok ntâu vênhv thix cuz nxor tsênhv tâu xã hội tsov cưv txos. Tiv zix zos qênhx shênhx liv zôngv têx phênhv sâu hâur têx tsêr cơưv thiêz qênhx shênhx kiês nênhs tênhx qơư tiv liv uô cà phê.

Lok qênhx shênhx liv zôngv têx phênhv sâu hâur têx tsêr cơưv ntơưv tỉnh Sơn La, tsênhv tror muôx yưv thiêz hlôngr ntâu tsưr ziv uô, uô trâu shux xênhz li ntâu niêv txir tsi jông siêz. Tsưr ziv khưx phưx hâur ntu zuôr txos zơưv Nguyễn Huy HOàng puz pâuz: Sở zaoz zux tỉnh tror uô côngz xưv qênhz yuôx thiêz cxơưz tiês côngz xưv sik côngv đros têx cấp, nganhx, têx tsưr tsix, đoanx thêv chiê phax tar, yưr lir txos qơư têx uô cxâuv.

Lok nganhx Công an li txơưx jênhv đros pưs txux tsênhv, uô ntêx nyuôk hâur côngz xưv qênhz yuôx, yưr lir uô cxâuv đros têx tsưr tsix, lênhx nênhs uô tênhx qơư kiês nênhs sâuv thax tsav, lưx lươngv Cảnh sát tênhx qơư Công an tỉnh Sơn la tưz chuv tôngv pov, qênhz yuôx xav tênhv, yưr lir 400 ntâu txuz; Công an tỉnh Sơn la xưv phuôv, thix ziv xưv phuôv yênhx châuv txuz, thôngx cxix côngv đros têx nganhx muôx txơưx jênhv qênhz yuôx, pov têx txuz hâux lưv uô kiês nênhs tênhx qơư. Cxôngx hâur shôngk shông txos nhiv no, tưz pov uô ntâuz ntơưr yưr lir uô cxâuv đros 3 tsưr tsix, 2 lênhx nênhs tso đêx kiês nênhs trâu tênhx qơư, tas nro nhiêx txiêx xưv phuôv zos zuôr xar 700 tsov đeiv./.

(Trấn Long-Txâur Vax cxeik nhênhv)