Jiês cơưv tiv 7 Ban chấp hành trung ương Đảng khóa 12 tâu chôngz lênhx nênhs hâur thôngz têz qơưk tsov cưv txos, hâur co muôx pêx xênhv Lai Châu. Zơưv Trần Văn Nguyện, cán bộ uô hâux lưv ntơưv huyện ntus đriv Phong Thổ, tỉnh Lai Châu hêik tiêk: Can bộ muôz nhiêx nriêr hâux lưv uô zos kror muôx yưv ntâu shông lok no, tsik zos nhiv no thiêx muôx. No zos vênhv thix cán bộ shưz xar tsik jông, nox nhiêx têz qơưk thiêz uô phiv liv txos Đảng thiêz chêz độ zos qênhz yuôx tsik jông. Zơưv lok six shir phaz viv jiês cơưv Trung ương 7 no tưz thav ntâu txos vênhv thix no.

“Txơưv Trung ương tưz muôx ntâu tsênhv chêi, ntâuz ntơưr chox kriê lok côngz xưv cám bộ, taz sik liv zôngv nhiêx txiêx nriêr hâux lưv uô cux tsênhv muôx. Qênhz yuôx nhoz Trung ương thiêz têx thành phố jê Trung ương tưz lax uô, đros têx thax tsav nhoz đêz, tox siêz li Lai Châu hax zav lax uô đuô. Viv li, pêz lok six shir phaz viv jiês no Trung ương tưz hêik ndax ndênhk, nriêr têx tsưr ziv sêiz car truôx đuô”./.

(Khắc Kiên-Lik Thox cxêik nhênhv)

Tas cik hnuz xiêz 9/5, tỉnh Điện Biên tsưr tsix ntênhs phuôx tôngv uô têx luôk hâux lưv lok taz por vêv xênhz lox tôngv shông 2018. Lơưr Ban chox kriê taz por vêv xênhz lox tôngv tỉnh li ntâus grê, shông 2017 txơưv côngz xưv yax mông taz por vêv xênhz lox tôngv tâu cxơưz tiês uô đros krêz 50 ntâu lớp kriê cxaz trâu 5 cxênhz ntâu jiês lênhx nênhs, taz sik nênhs sir zôngv lox tôngv thiêz nênhs lox tôngv, tiv zix zos đros têx doanh nghiệp mê, doanh nghiệp nhiv kruôr tâu yênhx lix li siêz xar chiv chir uô trơưk pháp luật li têx cui tênhv lok taz por vêv xênhz lox tôngv tsênhv kis. Shông 2017, tas nro tỉnh muôx yưv 34 txuz txiêz nanv lox tôngv uô 4 lênhx nênhs tuôs; 19 txuz cuz tơưs ( hâur co 15 txuz cur tsêr nhoz, 3 txuz cuz jôngr, tiêx đrox...) ruôr hiêv njuôs xav 1,2 tỷ đeiv ntâu./.

( Vũ Lợi- Txâur Vax cxeik nhênhv)

Shông 2017, tỉnh Yên Bái muôx 2 lênhx nênhs tuôs tiv moz vưv nhoz huyện Văn Chấn thiêz Văn Yên. Qir tiv zos tiv nênhs moz tsik tâu tsov cưv txos, tsik muk cxax yuôx phax moz thâuv trâus đêr tov, txos thâuv pov trâus cik moz, tuôx trâu qơư y tế chêk tưz lis.

Viv li, ciês hâur chêix ntux sor no, tỉnh Yên Bái tưz sir jos uô jông cxiv luôs sêiz kaz moz vưv ntơưv côngv thôngx. Chi cục tu zus thiêz thú y tỉnh cux kriz uô cxax yuox phax moz vưv jiês 1 trâu 35 cxênhz ntâu tuk đêr, mir ntơưv 9 huyện, thị xar, thành phố hâur tỉnh. Cơ quan uô hâux lưv no tưz hêik pêx xênhv muôx đêr, mir tsuv cxax yuôx phax moz cxix cxuô, thâuv pov chor đêr, mir muôx yưv têx phiv liv mak hêik ciês trâu chính quyền tiv phaz pâuz chiê muôx tsưr ziv xưv lik./.

(Thừa Xuân-Lik Thox cxêik nhênhv)

Tas cik hnuz xiêz 9/5, sâuv thax tsav xã Hòa Mạc, Văn Bàn, tỉnh Lào Cai muôx jiês lol nas lox thiêz chuô lox uô ruôr hiêv lox txos tsôngv box li chuôz zênhx chuôz tas. Jiês lol nas ntêr đros chuô lox uô zênhr shar zov chênhr, ruôr hiêv chuôz zênhx chuôz tas nhoz 3 jos: jos 5 Trung Đoàn, jos 7 Nà Lộc thiêz jos 10 Sành Phin xã Hòa Mạc. Lơưr co, 3 jos muôx 9 luz tsêr trâus zơưk trur thiêz 2 luz tsêr trâus poz vâu tas hur si, lênhx nênhs hâur chuôz zis trâus saz mê njik. Lol nas lox uô 25 hecta poz cưk, tsoz chos trâus puôk tsuôx. Njuôs xav ruôr hiêv 450 tsov đeiv./.

( KT- Txâur Vax cxeik nhênhv)