Phêv ziv Thường trực HĐPX 14 tỉnh nhoz qơư kis thiêz tox siêz faz Bắc jiês tiv 5, six cxiv 2016-2021 nhiv kruôr tâu tsưr tsix ntơưv TP Sơn La. Phêv ziv zos Ban côngz xưv teiv plor nhoz UB thường vụ côx hôiv đros Thường trực HĐPX tỉnh Sơn La tsưr tsix. Ntơưv phêv ziv, têx teiv plor tưz sik seiz lax têx tsưr ziv pênhr xưv, chênhz zênhv hâur krêz uô jiês khiêz phêv HĐPX zos: Chênhz zênhv côngz xưv bax trâu jiês khiêz phêv; hâux lưv phuôx huiz teiv plor HĐPX li txơưx jênhv, siêz njê ntơưv jiês khiêz phêv HĐPX; chênhz zênhv muôz siêz tsơưr lươngv tso tơưv têx nghị quyết ntơưv jiês khiêz phêv; hâux lưv tsưr tsix huôx tôngv têz nus; cux xưk li chênhz zênhv hâur hâux lưv sik côngv, zaz zâuv têx chiz coaz, tsưr tsix, tsôngv box li tsov cưv đros huôx tôngv jiês khiêz phêv HĐPX. Phuôx plov ntơưv phêv ziv, đ/c Phùng Quốc Hiển, Ủy viên TW Đảng, Phưv chủ tịch Côx hôiv heik mênhx:

“ HĐPX li Chêx cuk, tsơưr lươngv jiês khiêz phêv khov ntâu txos teiv plor li tsơưr lươngv thiêz chêx cuk huôx tôngv. Viv li, têx teiv plor HĐPX tsuv muôz siêz siêz xar, txơưx jênhv, heik tơưv tsênhz mênhx zuk li siêz xar, ziv chênhv, heik tơưv têx tsưr ziv chiê taz por têx dự thảo tâu thôngz đhâu muôx tsơưr lươngv, huv đros tsênhv tsênhz. Cur thix ziv Thường trực HĐ tsưr tsix têx Phêv thảo khoa học lok têx njiêz luv muôx lênhx coaz txos jiês khiêz phêv li njiêz luv chiê teiv plor cê sâu jênhv tâu têx xor mông chuyên nganhx, cê pâuz tâu têx vênhv thix zuôr trâus sik seiz lax, muôx ziv chênhv ntơưv jiês khiêz phêv cov muôx chêx cuk”./.

(Thu Thùy- Txâur Vax cxeik nhênhv)

Xor mông txix Sở Tài nguyên thiêz Tênhv qơư Lào Cai puz pâuz, đhâu iz hnuz xav txix thâuv tsêr mêir qir zuôv DAP số 2 (Công ty cổ phần DAP số 2-vinachem), ntơưv thị trấn Tằng Lỏng, huyện Bảo Thắng, tỉnh Lào Cai trâus tơưs njưr thêir qơư trâu têx vuôz tsuôz GYP, lưx lươngv txơưx jênhv tưz khưx phưx tâu, tsik chiê phiv liv txos thax tsav iz ndis co.

Ntơưv qơư njưr thêir trâus tơưs uô trâu têx cuô vuôz tsuôz cxênhv lok saz đrâuv, đhâu thâuv huiz tôngv tas nro lênhx nênhs, mêir cxuô zav, txos nhiv no tưz tror lo tâu khor li kuz. Muk ntêr, cơ quan txơưx jênhv hêik Công ty tsuv tror kriz uô têx tsur ziv cov taz por tâu ngaz tuk.

Txix hnuz 8/9 txos nhiv no, yênhx puô tấn hmôngr suôz jêz tưz tâu sir zôngv chiê uô cov tsik muôx têx tsik hur co hâur têx đêx. Đhâu qênhz yuôx chor đêx iz ndis, txos nhiv no PH tưz siêz đuô 6, taz por nhoz phênhv ngaz tuk./.

(An Kiên-Lik Thox cxêik nhênhv)

Zênhx pênhz phax Hua Bum coar lik thax tsav 3 xã ntus đriv Hua Bum, Nậm Ban thiêz Trung Chải nhoz huyện Nậm Nhùn, tỉnh Lai Châu. No zos 3 xã txov nhêv tiv zix, muôx chor ziv chuôz zis siêz. Vênhv thix tôn giáo phưx txuôx, qênhx shênhx muôx zênhs zax zênhz, muôv muôs zax zênhz, moz HIV, nhiês tsir mul saz đrâuv têz qơưk....thâuv tưs cux cuz nxor thiêz lax car chêx tâu.

Chiê muôz siêz jênhv pâuz lok cêr chei trâu tsôngv box, canr bộ, chiến sĩ Zênhx pênhz phax Hua Bum tưz chuôz tsar côngz xưv pâuz tsênhz qênhx shênhx, yax six mul jêx jos heik kriê pox nhuôs tsưr ziv tsêz chos, tu zus, huôv tsar kinh têr, seiz njuôs moz thiêz muôz yuôx trâu tsôngv box pluôs, nênhs lâus tsi muôx qơư khov vav. Đhâu co, canr bộ pênhz phax tưz mul yênhx ziv chuôz zis chiê yax mông, heik kriê, zaoz zux cêr chei thiêz phax tar tâu têx tiv nanv xã hội muôx yưv./.

(KT- Txâur Vax cxeik nhênhv)

Hâur 10 shông đhâu, chor lưx lươngv txơưx jênhv nhoz tỉnh Điện Biên tưz pov, cxov tsês muôx 5.500 txuz, zuôr xar 7.000 lênhx nênhs phamv cxâuv lok zax zênhz. Têx sâu tâu xar muôx 230 cir zax zênhz; zuôr xar 600 cir zênhz đơưz; 100 cir ntâu zax zênhz tổng hợp; 61 traz fov đros 1.000 ntâu luz muôk txưr; zuôr xar 800 luz yêz mêir, ô tô, đros ntâu zav txơưr đuô. Lưx lươgv txơưx jênhv cux ro luôx por tsês 52 ha thax tsav chos tsoz zax zênhz./.

(KT-Lik Thox cxêik nhênhv)