Chuôz txiêk uô zênhr shar txos têx tỉnh tox siêz Tây Bắc li Lào Cai, Lai Châu, Yên Bái, Sơn La thiêz Điện Biên hnuz no ntux no njiv tiv zix uô jêx tưv grês kis ntơưv têx thax tsav.

Ntơưv trôngz Pha Đin ntux pok huôz, no njiv zov chênhr. Ntâu ziv chuôz zis tsi car muk uô têz chiê taz por đas jos. Nhux tưv nhux đas tsu trâur tơưs cxiêz thiêz puz nox cxaz krâur. Niêv lâuk Lường Thị Khoan, tsôngv box xã Tỏa Tình, huyện Tuần Giáo, tỉnh Điện Biên puz pâuz:

“Chuôz zis txov nhêv, tsi muôx meir cxiêz cov sor mak tsuv muk khơưk tơưs lok trâur chiê cxiêz. Nhux tưv nhux đas mak cơư hâur guôx tsi tso, their guôx cov jông, tsi muôx jâuz mak muk muôz car tsơưz, hnhaz blês puz nox”./.

(K.Kiên-Txâur Vax cxeik nhênhv)

  Sở zoz zux tỉnh Lai Châu hêik pâuz, hur si tỉnh muôx 130 ntâu luz yar cơưv tâu tso shuv xênz so hâur hnuz 11/1, viv muôx ntux no njiv hênhr. Đros ntơư, xav 4 six 30 phênhz hnuz xiêz 10/1, tưz muôx 132 luz yar cơưv nhoz 8 huyện, thành phố: zos Mường Tè, Nậm Nhùn, Sìn Hồ, Phong Thổ, Tam Đường, Tân Uyên, Than Uyên thiêz đrôngl Lai Châu tưz tso shuv xênhz so viv ntux no njiv hênhr; hâur ntơư muôx 59 luz yar cơưv nhuôv zâu, 40luz yar cơưv cxênhx iz, 32 luz yar cơưv cxênhx oz; iz luz yar cơưv xênhx pêz. Zơưv Đinh Trung Tuấn, Giám đốc Sở zoz zux tỉnh Lai Châu hêik pâuz: Sở tưz hêik cxuô đơn vị sêiz car zoz zux thiêz cxuô luz yar cơưv, tsuv qênhz yuôx, sêiz shuôk cxuô luz tsêr cơưv, zos zav tưs puôk tsuôx, tsuv cxiv kho đuô cov truôx chiê muôx qơư kriê cơưv ntơưr trâu shuv xênhz.

Đros co, cán bộ cưk yuôx cxuô luz yar cơưv tsuv bax cov txâuk cxuô zav yuôx thiêz tsik so sêiz njuôk shuôk đas jos trâu shuv xênhz hâur têx hnuz muôx ntux no njiv./.

                                      (Tsu cxêik nhênhv -Khắc Kiên - Hạnh BT)

Tsôngv box nhoz Tân lập thâuv ntêx tiv khênhr tso tsiêx cxu kuk, viv li khênhr muôx qênhx shênhx nhux trâus tuôs no thâuv txos cheix ntux no njiv, uô ruôr hiêv ntâu lok kinh têr. Cxôngx qênhx shênhx co, cấp ủy, chính quyênx tiv phaz tưz sir jos chêx chôngk yax mông chiê yênhx trus hlôngr yiêz tsôngv box tu zus li siêz xar, jênhv pâuz. Tix lâuk Vũ Hoàng Khánh, cán bộ cxiz kôngz xã Tân Lập, huyện Mộc Châu puz pâuz:

“Pêz yax mông vênhv tôngv pox nhuôs chaz nhux lok cơư hâur guôx, their guôx cov jông, chos tâux nxư chiê nhux muôx jâuz nox, hleik blêx tas tsuv khơưk têx hnhaz blês tsês chiê uô jâuz trâu nhux nox hâur cheix ntux no”./.

(VOVTB- Txâur Vax cxeik nhênhv)

Ntơưv thax tsav trongz Ô Quý Hồ - nhoz puôz ntus đriv thị xã Sa Pa, tỉnh Lào Cai thiêz huyện Tam Đường, tỉnh Lai Châu ntux no njiv txo grêk kik 0 độ C pov muôx yưv đâuk tê.

Iz chas ntơưv huyện Sa Pa, thax tsav tox siêz Y Tý huyện Bát Xát (Lào Cai) cux muôx yưv đâuk tê. Cxuô tsênhv qơư txơưr hâur thax tsav tỉnh Laox cai cux muôx ntux no njiv hênhr.

Trơưk li cơ quan njuôk ntux yar ntux nas tỉnh Lào Cai hêik pâuz, hâur têx hnuz zuôr txos no, hâur thax tsav tỉnh Laox Cai tsênhv zuôr muôx ntux no njiv hênhr thiêz lok đâuk tê./.

                                             (Tsu cxêik nhênhv-An Kiên- Hạnh BT)