Lơưr xor mông txix Sở vênhx huôv, Thể thao-Du lịch tỉnh Lào Cai, hâur chor hnuz so tsiêz, chor kruô tuôx ndis shuôk, uô si chôngz tiv zix, muôx 107 cxênhz lênhx nênhs.

Chor qơư ndis shuôk uô si muôx chôngz kruô tiv zix zos cáp treo Fansipan, qơư ndis shuôk Hàm Rồng, qơư du lịch Cát Cát, trôngx đriv ntiêx têz Lào Cai…tiv muôx chôngz kruô viv li muk lo tsik tâu tsik so muôx yưv ntơưv iz cxiê ntu cêr thiêz qơư ndis shuôk uô si, phênhv ntâu zos chor hnuz txix 5-9/2 (zos xiêz 2-5 tsiêz). Đros co, ntâu luz tsêr kruô so sâuv thax tsav huyện Sa Pa thiêz thành phố Lào Cai muôx tsik txâuk qơư nhoz so tiv tsôngv kruô li zoz qơưx nhoz so ntâu./.

(An Kiên-Ly dịch đọc)

Tas cik hnuz xiêz 10/2, lok zos hnuz xiêz 6 Tsiêz buô shông ntâu doanh nghiệp, công ty hâur thax tsav tỉnh Sơn La tưz tsưr tsix ntênhs qir tês uô têx luôs hâux lưv hâur shông yiêz đros thiêz cêr shir phaz, sir jos uô tiêr têx tsưr ziv, hâux lưv hâur shông 2019. Ntơưv Công ty Xi măng Mai Sơn, 400 ntâu lênhx canr bôv, công nhân lox tôngv tưz qir tês uô hâux lưv, chiê taz por uô tâu lơưr tsưr ziv shông no uô tâu 800 ntâu cxênhz tênhr. Ciês hnuz xuz thơưx hâur shông yiêz, công ty tưz uô tâu 200 ntâu tênhr xi măng muôs trâu hâur ciêz đrôngs. Zơưv Quách Hữu Toàn, Phưv Giám đốc Công ty xi măng Mai Sơn heik pâuz:

“Chiê uô tâu jông têx luôs hâux lưv, Công ty tưz muôx tsưr ziv tsênhz mênhx uô nuv hâur niêx hnuz, niêx ciêz, niêx hli chiê taz por uô tâu têx xi măng phưx vưv trâu têx côngz trênhx. Tiv 2 zos, phênhz lênhx nênhs uô hâux lưv huv đros lês uô têx hâux lưv chiê gra siêz txux chi tsưr ziv uô nuv, txo grêk tsơưs têx tsi jông tiv tso siêz tsi yuô tsưv ziv txos....”./.

          (BTS-Riê Lâux cxeik, nhênhv)        

Cux xưk li ntâu tiv phaz txơưr đuô hâur têz qơưk, tsôngv box cxuô mênhx cxưx Cao Lan, Cho, Tày nhoz xar Tân Hương, huyện Yên Bình, tỉnh Yên Bái nhiv kruôr tsưr tsix ntênhk hôiv Lồng Tồng (zos ntênhk hôiv grêk uô liêx) shông 2019. Ntênhk hôiv no tâu tsôngv box cxuô mênhx cxưx xar Tân Hương tsưr tsix thâuv hâur shôngk shông yiêz, vav txos iz chiv uô kôngz lôngk sâu tâu ntâu, pos Lý Thị Hương, pêx xênhv xar Tân Hương puz pâuz:

“Hnuz no zos ntênhk hôiv grêk uô liêx, pêz uô ntênhk thor shông yiêz uô kôngz lôngk jông, sâu tâu ntâu, ho tâu njiz chor cưr tix, nênhs tsa, fôngx zưs sơưr đơưk, lok six shir phaz”.

Hâux lưv tsưr tsix ntênhk hôiv Lồng Tồng chiê paz trâu pox nhuôs tiv phaz sir jos sik tưr uô lox tôngv xênhz yar, cux zos jiês chiê hênhr kruôk, tuôr chiê, phuôx huiz têx tsiv gri vênhx huôv mênhx cxưx jông./.

(Tuấn Xuân-Lik Thox cxêik nhênhv)