Bộ Y tế Nga hnuz xiêz 10/12 heik pâuz, têz qơưk no tưz jông siêz, thôngx ziv côngz 10 tsov hưx yuôx vắc xin Sput-ních-V trâu Ách-hen-ti-na thôngz đhâu Nga Cuiv nhiêx buôk ti yưv pênhr paz. Chor nênhs tsiv uô yuôx vắc xin Spuk-ních-V heik pâuz, gri côngz têx yuôx vắc xin no njuôk xav muôx têx zuôr fênhx zis đuô 20 đô la trâu iz lênhx nênhs (2 côngz)./.

(VOV-Riê Lâux cxeik, nhênhv)

Đhâu zuôr xar 1 ciêz hâur đêx trâus kiês nênhs tiv hâux lưv liv cà phê, hnuz xiêz 10/12, xí nghiệp cungz đêx số 1 thành phố Sơn La tưz tror cungz đêx trâu tsôngv box sđ, phưx vưv tsôngv box, têx qơư tsiv uô kinh doanh sâuv thax tsav li zoz qơưx. Đhâu zuôr xar 1 ciêz, tsơưr lươngv đêx tưz ngaz tul thiêz taz por chiê chox lok sir zôngv. Taz sik tiv zoz qơưx sir zôngv đêx siêz viv li têx thax tsav nhoz qơư siêz đêx lok mê, viv li cxuô lênhx nênhs tsuv sir zôngv đêx cov huv đros./.

(Trấn Long-Txâur Vax cxeik nhênhv)

Bôv đôiv Pênhz phax tỉnh Điện Biên tsênhv fuô uô ntâu faz tsưr ziv paz tsôngv box ntus đriv Điện Biên pâuz tsênhz lok têx chei têz qơưk. Iz chas tsưr tsix têx jiês cơưv yax kriê chei têz qơưk chêx tsôngk, têx tsưr ziv pheiz têx ntơưr piêr kriê, tso đuôz xik mêk trâu tsôngv box seiz thiêz buôk ti chuôs njiz, sik thav lok têx hâux lưv cik txos chei têz qơưk zos tsưr ziv canr bôv, chiến sỹ bôv đôiv pênhz phax Điện Biên gra siêz txux chi jênhv pâuz têx chei têz qơưk trâu tsôngv px. Zơưv Gia Xênhv Thox, Tsar jok Huổi Khon 2, xã Nậm Kè, huyện Mường Nhé heik pâuz: Nhiv no jok cux tsênhv yuôr 18 chuôz zis, 100 ntâu lênhx nênhs tsênhv uô vax tsưr tsi trơưk chei. Tâu Bôv đôiv pênhz phax yax kriê, zơưv tus khênhx tưz pâuz nzir lok ntâu tsưr ziv chiê kriê trâu tsôngv cưr tix nênhx tsa sđ pâuz thiêz uô trơưk:

“Thâuv ntêx, hâur pêz jok muôx 23 chuôz zis uô vax tsưr tsi trơưk chei, taz sik nhiv no 6 chuôz zis cux tưz tror lok. Cur uô tsâus lok six ntâu txos Đảng, têz qơưk tưz moz siêz txos yax kriê têx chei têz qơưk chiê tsôngv box pâuz tsênhz, pâuz cxuô têx jông thiêz tsi jông”./.

(Vũ Lợi-Riê Lâux cxeik, nhênhv)

Ntơưv Nậm Có, huyện Mù Cang Chải, tỉnh Yên Bái pov muôx yưv moz tơưv ndâux hlê trâu đros zuôr xar 200 tul tsiêx cxu trâus moz. Nhiv no têx nganhx muôx txơưx jênhv huyện thiêz chính quyênx xã tsênhv krêz uô têx tsưr ziv tir tar moz siz cik. Txos nhiv no xã Nậm Có tưz muôx 170 ntâu tul nhux tưv, nhux đas thiêz buô trâus moz, hâur co tưz tsưr tsix phâus por tsês 7 tul buô. Chiê tir tar moz cik đêz đar, Tsênhv qơư jix vuv paz txưv huôv tsar kôngz nuv huyện Mù Cang Chải tưz côngv đros chính quyênx xã Nậm Có yax mông, heik kriê têx tsưr ziv phax tar moz txos yênhx ziv chuôz zis, chox têx tsiêx cxu njuôs xav trâus moz muk cêv kuôk chiê seiz shuôk. Zơưv Nguyễn Cao Thắng, giám đốc Tsênhv qơư jix vuv- paz txưv huôv tsar kôngz nuv huyện Mù Cang Chải, tỉnh Yên Bái puz pâuz:

“Jênhv tâu xor mông pêz tưz côngv đros xã cêv kuôk qơư muôx moz huôv xênhz thiêz tsuôk yuôx tuô caz moz, cxax yuôx phax moz thiêz heik kriê pox nhuôs tsưr ziv kho moz. Têx xã nhoz buôk co mak cux tưz muôx ntâuz ntơưr thôngz pov, heik kriê pox nhuôs tsi zuôr tsiêx cxu cxôngx thax tsav muôx moz huôv xênhz lok”./.

(Thừa Xuân-Txâur Vax cxeik nhênhv)