Thôngz sâu txix nganhx kôngz nuv tỉnh Lào Cai puz pâuz, txos six hơưv no, cxuô thax tsav qơư hâur tỉnh tưz uô ar tâu xar muôx 90% lơưr tsưr ziv tso tơưv. Thôngx cxix, chos tâu muôx 2.500 ntâu ha, bâuv li 70% ntâu pir li tsêiz no. Đros co, chor poz cưk chiv ntux yiêz cux tâu muôx 2.600 ntâu ha, bâuv 113% pir li tsêiz no. lơưr ntâuk gri, chiv ntux yiêz shông no ntux huv đros, đros trâu têx ntênhk hôiv tsik tâu tsưr tsix ntâu viv li pêx xênhv muôx six hơưv đuô chiê uô kôngz lôngk. Lơưr tsưr ziv, shông 2021, tas nro tỉnh Lào Cai zuôr tsêz chos muôx 10.000 ntâu ha blêx chiv ntux yiêz thiêz 12.000 ha poz cưk chiv ntux yiêz. Lào Cai cux nzor tso tơưv đề án huôv tsar kôngz, jôngr nuv, kho đuô qơư nhoz trâu pêx xênhv, cxiv tsa jêx  jok yiêz tỉnh Lào Cai shông 2021. Lơưr co, Lào cai zuôr sir jos uô chor thax tsav qơư chos blêx ntơưv têx huyện Bát Xát, Mường Khương, Bắc Hà, Bảo Thắng, Bảo Yên, Văn Bàn thiêz thị xar Sa Pa./.

(An Kiên-Lik Thox cxêik nhênhv)

Hội Liên hiệp pox niêv tỉnh Yên Bái nhiv kruôr cơưv côngz fur Ban Thường vụ Tỉnh ủy Quyết tinhv lok côngz xưv canr bôv. Ntơưv jiês cơưv, hâu nov Ban tsưr tsix Tỉnh ủy Yên Bái tưz côngz fur Ban Thường vụ Quyết tinhv lok hlôngr pos Nguyễn Thị Bích Nhiệm, Phưv Chủ tịch Ủy ban MTTQ VN tỉnh Yên Bái uô Bí thư Đảng đoanx, heik kriê ứng cử chiê bâux xeir nhoz hâur Ban Thường vụ thiêz bâux xeir uô Chủ tịch Hội Liên hiệp pox niêv tỉnh Yên Bái six cxiv 2016-2021./.

(Đinh Tuấn-Riê Lâux cxeik, nhênhv)

Tsưr tsix Y têr ntiêx têz (WHO) puz pâuz, zuôr xar 1/3 chor pox niêv sâuv ntiêx têz tsuv trâus ntâuk tsiv uô hiêv txos đas jos hâur tas nro luz nênhx, zos iz kror uô cxâuv tưz chuôz ndê hâur ntu muôx caz moz. Nhênhz chơưv puz pov chuôz ndê chor txuz ntâuk tsiv tưz muôx txix ciês thâuv hnuz nhôngs tsênhv lok six hluôk. Tsưr tsix Y têr ntiêx têz hêik chor chính phủ sir jos tir tar ntâuk tsiv, hlôngr yiêz đuô dịch vụ trâu chor nênhs trâus hiêv thiêz paz đơưk kho qênhx shênhx tsik siz bâus lok kinh têr, zênhx zos kror tsik so uô trâu pox niêv thiêz nhuôs zâu njiz trâus phiv liv ntâu hâur luz nênhx. Chor nhuôs tuz tsuv tâu kruôz kriê ciês txix thâuv tsênhv zâu tsuv uô nênhx jông lok cxuô kror hâur luz nênhx thiêz cêr sik thôngx ziv hâur cêr gâux đrâus, siz đênhr./.

(VOV-Ly dịch đọc)

Tsi jông siêz, thôngx ziv chiê muôz têx kuz liêx kuz têz njuôk hov tsês uô 3 zav jôngr ntông, nhiv kruôr đhâu tsôngv px nhoz iz cxiê xã hâur huyện ntus đriv Nậm Pồ (tỉnh Điện Biên) tưz ntor luôx tas ntâu jôngr ntông, đrox tsuôs nưk tuôx nưk muôx txix 7-8 shôngk ntông ntơư chiê uô liêx têz. Ngênhx muôx vax huôv, hâu nov ntơưv qơư heik pâuz, chor jôngr ntông trâul ntor luôx co tsi nhoz hâur njuôk hov 3 zav jôngr viv li tsi pov kaz xưv bluô li chas. Huyện Nậm Pồ muôx nhos 150 cxênhz ha chiv xênhz đrox tsuôs, hâur co têx ar muôx jôngr ntông zos 63 cxênhz ntâu ha, shông 2020 têx shôngz ntông njuôz vor tox trôngz câuv har tax 42% ntâu. Chor shông đhâu, tiv cơ quan muôx vax huôv, hâu nov ntơưv qơư tsi moz siêz seiz shuôs, tsưx phưv jông têx jôngr ntông; tsôngv px khênhr hlôngr liêx têz uô, shông no uô đeiv têz co tsi jông kôngz, hlôngr luôx uô lưv đeiv têz...., viv li niêx shông cux six muôx têx jôngr ntông lox hâur thax tsav trâul ntor luôx chiê uô liêx têz li heik sâuv./.

                                (Vũ Lợi-Riê Lâux cxeik, nhênhv)