1 luz hlik ntâu lok no, ntâu ziv chuôz zis tu zus njiês hâur tơưz nhoz buôk niêv đêx Đas ntu đhâu thax tsav huyện Phù Yên, tỉnh Sơn La tsênhv njiz ntâu phêv liv viv đêx gris kis. Shông no, đêx gris sei uô ntâu ntu tsuôk yuôr môngr ar, đêx đru, yênhx puôk ziv chuôz zis tu zus njês njiz ntâu phêv liv. Tsi taz njês tu zus mak njês hâur tul đêx cux trâus tuôs, uô ntâu lênhx nênhs tu zus njês trâus ruôr hiêv lok kinh têr. Nhiv no, sâuv thax tsav huyện Phù Yên muôx yênhx puôk tơưz zus njês nhoz sâuv tul niêv đêx Đas nhoz niêv pas đêx tênhv Hòa Bình ./.

(VOV4- Txâur Vax cxeik nhênhv)

1.000 ntâu ha poz cưk chiv yiêz sor tỉnh Lai Châu trâus chor caz keo chêix ntux lax ruôr hiêv. Chor tiv phaz trâus hiêv ntâu zos Tam Đường, Sìn Hồ thiêz Tân Uyên. Đros têx caz no li txơưr txar phiv liv, nganhx kôngz nuv tỉnh Lai Châu tưz thiêz tsênhv sir jos cêv kuôk thax tsav; chox kriê pox nhuôs tsuôs yuôx tuôx caz txix têx zav yuôx muôx sâuv ciêz đrôngs. Thôngx cxix, tsik so sêiz shuôk caz li txơưr txar chiê phax tar tâu ciês zos pov tror huôv xênhz. Pos Trương Thị Nhàn, Chi cục trưởng chi cục chos kôngz lôngk thiêz por vêv đrox tsuôs, Sở Kôngz nuv thiêz Huôv tsar jêx jok tox siê ztỉnh Lai Châu puz pâuz:

“Caz keo chêix ntux lax ruôr hiêv, zos zav caz yiêz nhiv kruôr muôx yưv ntơưv Việt Nam, cux zos jiês xuz thơưx muôx yưv ntơưv tỉnh Lai Châu hâur chiv yiêz sor shông 2019. Pêz tưz hêik nganhx sik côngv đros têx huyện, kruôz kriê pox nhuôs uô têx tsưr ziv phax tar. Uô ntêx mak tsêx trung trâu chor poz cưk tsênhv mok, no zos ntu trâus caz tho nox ntâu. Kriê pox nhuôs zôngv iz cxiê zav yuôx hênhr đuô, tsik zôngv têx yuôx chêx cur tsik siêz chiê tsuôs tuô têx caz”./.

(Khắc Kiên-Lik Thox cxêik nhênhv)

Nhiv kruôr đhâu, ntơưv tsêr số 136, cêr Ngọc Uyển, tuêv dân phố Nậm Sắt 2, thị trấn Bắc Hà, huyện Bắc Hà, tỉnh Lào Cai muôx yưv iz txuz hluôr tơưs cuz lox. Tas nro chuôz zênhx thiêz kror trôngx sâuv yôngx 2 luz tsêr no trâus cuz nhiêz tas. Viv zos hnuz kaz ciêz, tsi muôx shux xênhz tuôx cơưv ntơưr, têx lênhx nênhs hâur tsêr tưz khiêr zênhx thâuv muôx hluôr tơưk cuz viv li môngr jông tsi muôx lênhx tưs trâus saz. Qir tiv qir thơưx tâu xav tênhv zos tiv cuz tênhv tênhz./.

(An Kiên- Txâur Vax cxeik nhênhv)

Nhiv kruôr đhâu, sâuv txox cêr 4H, ntu đhâu xar Nậm Khao, huyện mường Tè, Tổ côngz xưv Công an huyện Mường Tè thiêz tỉnh Lai Châu tưz cxov tâu Vax Xênhv Zax, 33 shông, nhoz ntơưv jok Tà Tổng, xar Tà Tổng, huyện Mường Tè, tỉnh Lai Châu thâuv tsênhv gra zax zênhz muk muôs. Têx sâu tâu zos: 5 cir zax zênhz, 1 luz yêz mêir, 1 luz điện thoại thiêz iz cxiê ntâuz ntơưr cik txos. Nhiv no txuz haux lưv tsênhv tror tâu cơ quan txơưx jênhv qênhz yuôx uô cov tsênhz mênhx./.

(Khắc Kiên-Lik Thox cxêik nhênhv)