Thừa Xuân, nênhs sâu xor xưv Đaix TNVN thax tsav faz Bắc xa mông: đhâu 3 hnuz uô hâux lưv, hnuz 10/6, Đại hôiv têiv plor Đảng bôv huyện Văn Yên, tỉnh Yên Bái jiês tiv 16, six cxiv 2020-2025 tưz tâu uô tiêr. Đại hôiv tưz bâux Ban chấp hành Đảng bôv huyện khóa 16, six cxiv 2020-2025 zos 38 lênhx nênhs; tso ntơưr bâux ciês Bí thư Huyện ủy Văn Yến khóa 16, six cxiv 2020-2025. Zơưv Luyện Hữu Chung, Bí thư Huyện ủy khóa 15 tưz tror tâu bâux uô Bí thư Huyện ủy Văn Yên khóa yiêz đros chor ntơưr bâux zos 100%. Bâux 29 têiv plor chênhr dự Đại hôiv Đảng bôv tỉnh Yên Bái. Lơưr ntâuk gri cxuô, Đại hôiv Đảng bộ huyện Văn Yên six cxiv 2020-2025 tâu bax jông, huv li cêr chêi, cxix cxuô têx tsênhv njiêz… lơưr cui tênhv thiêz tâu uô yênhx côngz jông./.

(Thừa Xuân-Lik Thox cxêik nhênhv)

Tas nro tỉnh Sơn La nhiv no muôx 2 cxênhz 300 hecta ntông nox txir tâu cungz ntơưr côngz jênhv VietGap, chor hax huv tâu cungz VietGap thiêz ploz tsênhr tax 33 cxênhz 600 tênhr iz shông; 18 xiv huv kôngz nuv hâur tỉnh tâu cungz ntơưr por hưv bê, hâur co muôx 1 xiv huv tâu por huv ntơưv niêv ciêz Thái Lan. Thôngz đhâu têx jiês qênhz yuôx liên nganhx thiêz seiz car ntơưv qơư, tỉnh li têx nganhx muôx txơưx jênhv tror yax mông, heik kriê chính sách pháp luật lok taz por tsơưr lươngv zav nox hâur tsiv uô, muôv muôs kôngz-jôngr shuôz njês; hóa chất trâus txưr, yuôx por vêv đrox tsuôk, yuôx thú y li txux hiêv hâur tsiv uô zav nox đros lênhx nênhs li đas jos thiêz tênhx qơư..../.

(Báo Sơn La- Txâur Vax cxeik nhênhv)

Hli 5/2019, niêv tix Lò Thị Hơn, nhoz jok Chang (xar Lê Lợi, huyện Nậm nhùn, tỉnh Lai Châu) tưz muk trâu xar ntus đriv Ka Lăng (huyện Mường Tè, tỉnh Lai Châu) chiê nriêr pâuz thiêz zuôr zuz tâux đuz lok chos sâuv chuôz zis li 2 thax ar têz tso khôngz nhoz jê tsêr, đar xar muôx 1000  yiv ndis. Lơưr niêv tix Hơn, chor tâux đuz mak niêv  tix zuôr lok chos zos tâux đuz nôngz Java. Chor tâux đuz no chưx tâuk ntux kruôr jông, huv đros trâu đêx ar nhoz ntơưv no. Đhâu thâuv txiêr blôngx tâux đuz, niêv tix Hơn muôz trâu hâur lâux câuz, hâu muôx iz hnuz chiê zuôr cuô tâux đuz. Đros xar muôx 1000 yiv ndis chos tâux đuz, 1 hli ntâu, niêv tix Hơn ho tror uô tâu 6 lir cuô car zâux tâuz đuz. Iz shông, niêv tix Hơn txiêr txix 5-6 jiês blôngx tâux đuz chiê uô têx cuô car zâux tâux đuz, iz shông paz niêv tix sâu tâu muôx 10 ntâu triệu đêiv./.

(Dân việt-Lik Thox cxêik nhênhv)

Vũ Lợi- nênhs sâu xor xưv nhoz Đeix nta suôz VN iz suôv faz Baz tso mông: Lơưr xor mong cxôngx Tòa án thênhv siêz ntơưv Hà Nội, jiês krêz tik cêr cxâuv txuz án tuô lênhx nxeik Cao Mỹ Duyên tuôs zuôr tâu krêz lok hnuz 16 thiêz 17/6 zuôr txos ntơưv Tòa án tỉnh Điện Biên li qơư uô xưv, đros Hội đồng tik cêr cxâuv muôx 3 thẩm phán, hâur co thẩm phán Bùi Xuân Trọng lov lik. 2 công tố viên nhoz Viện kiểm sát thênhv siêz ntơưv Hà Nội tuôr qênhx công tố. 2 luật sư zos Phùng Việt Hoa thiêz Lại Huy Phát paz heik tòa án tu cov zos chei trâu Phạm Văn Nhiệm. Luật sư Phát tsênhv đăng cir paz Phạm Văn Dũng thiêz. Têx nênhs fêv Vì Văn Toán, Bùi Văn Công, Vương Văn Hùng, Lường Văn Hùng thiêz Lường Văn Lả tsi heik luật sư paz, viv li tòa án zuôr heik lênhx nênhs paz. Têx luật sư Vũ Thị Nga thiêz Nguyễn Thị Vi zuôr por vêv qênhx thiêz liv zix trâu chuôz zis Cao Mỹ Duyên./.

(Vũ Lợi-Txâur Vax cxeik nhênhv)