Iz công ty Hàn Quốc tưz xar tơưv thiêz uô tâu iz zav chor bos kror ndâux muôx luz liv pa cxôngx zôngv trox chiê txu grês têx vênhv thix thâuv chox đeiv bos kror ndâux fênhx yax li lax uô pa lok sik uô tsov iêr tsi pov cêr.

Đeiv bos kror ndâux muôx bê zos Pu-ri-ke zos hãng điện tử LG uô, muôx 2 luz nzuôv thiêz luz liv pa muôx chêx cuk paz liv pa lok six jông. Đeiv bos kror ndâux điện tử zuôr tâu bax iz huv chiê sav trox thiêz uô vêv xênhz. LG puz pâuz, đeiv bos kror ndâux no zôngv tâu ntâu tiv zix 8 six hơưv.Lơưr kỹ sư hãng LG, hâux lưv lax uô pa thâuv chox đeiv bos kror ndâux fênhx yax thiêz chor nhiêx txiêx yưv chiê hlơưr por tsês đeiv bos kror ndâux zôngv iz jiês zos iz hâux lưv lox tsuv tsov cưv đros nênhs sir zôngv thiêz chinhr phuv têz qơưk no. Đeiv bos kror ndâux điện tử zuôr gôngr phênhv car chêx têx co. Chuôz zênhx no zuôr tâu muôs sâuv niê ciêz hâur 3 luz hlik kaz shôngk shông no./.

(VOV1-Txâur Vax cxeik nhênhv)

Đề án “Paz uô tsêr nhoz trâu tsôngv box pluôs huyện ntus đriv Mường Tè, tỉnh Lai Châu” muôx chor nhiêx uô zos 50 tiv đêiv ntâu, tsưr ziv zos paz, uô xar muôx 1.000 luz tsêr trâu pêx xênhv nhoz. Hâur co, cxiv uô yiêz 700 ntâu luz tsêr thiêz kho đuô 260 luz tsêr; chor nhiêx paz uô iz luz tsêr yiêz zos 60 triệu đêiv thiêz kho đuô zos 15 triệu đêiv iz luz. Zơưv Kiều Hải Nam, Phưv chủ tịch UBND huyện Mường Tè puz pâuz: lơưr đề án li sưr ziv, txos tas hli 9 shông 2020, tas nro xar muôx 1.000 luz tsêr cxiv uô yiêz thiêz kho đuô zuôr tâu uô tiêr, choz zok trâu pêx xênhv nhoz ntơưv 14 xar, thị trấn sâuv thax tsav:

“Huyện Mường Tè zos tiv phaz muôx ntâu kror phiv li lok huôv tsar kinh têr-xar hôiv, tiv zix zos tsêr nhoz thiêz huyện cux zos tiv phaz muôx chor chuôz zis pluôs chôngz tiv zix sâuv thax tsav tỉnh. Đề án no zuôr paz trâu huyện cxuôv por tsês têx tsêr đaz tuôs, lav nhoz trâu chor chuôz zis muôx luz nênhx txov nhêv. Đhâu thâuv chor chuôz zis muôx luz nênhx txov nhêv tâu paz uô tsêr nhoz lơưv, mak pêz zuôr tror kriz uô têx tsênhv chêi txơưr đuô chiê paz trâu pox nhuôs huôv tsar kinh têr, txo grêk cêr yêiz pluôs”./.

(TTTB-Lik Thox cxêik nhênhv)

Hâux lưv muôv muôs têx zav yuôx kho moz tsi pâuz tsênhz hâur pâus tưz pov muôx cxôngx nzor nhoz ciêz Sìn Hồ, txos nhiv no tas nro hâur ciêz muôx 2,3 châuv qơư muôs têx zav hax huv no. Hâur co, viv yênhx tưv kis, ntâu lênhx nênhs nhoz Sìn Hồ thiêz têx thax tsav iz ndis co khênhr muôx cêr cor cav thâuv muôx moz gênhs khênhr muk tov ciêz nriêr zuôr têx yuôx no lok hâuk. Txơưv lưx lươngv muôx txơưx jênhv cux qênhz yuôx, sâu tsês taz sik qênhx shênhx no tsênhv six fênhx muôx yưv. Dược sĩ Tẩn A Oái, tsar khoa dược chuôz zênhx y tế, tsênhv qơư y tế huyện SÌn Hồ, tỉnh Lai Châu puz pâuz:

“Qênhx shênhx muôs yuôx kho moz tsi pâuz tsênhz hâur pâus nhoz ciêz Sìn Hồ tưz muôx ntâu shông no. Têx chiz coaz cux tưz yênhx lix têx đoanx muk qênhz yuôx thiêz sâu tsês, taz sik thâuv têx chiz coaz qênhz yuôx tas, qênhx shênhx no tsênhv tror muôx yưv lơưr tsưr ziv txơưr. Zos zôngv têx yuôx kho moz tsi pâuz tsênhz hâur pâus lok six riêz nênhs. Tsôngv box thâuv muôx moz tsuv muk qơư y tế chiê seiz njuôs thiêz muôz yuôx, tsi cxoz muk tov ciêz zuôr yuôx tsi pâuz tsênhz hâur pâus tsiv uô lok zôngv”./.

(Chẻo Thu- Txâur Vax cxeik nhênhv)

Xar muôx 10 six têik cik 10/9, pêx xênhv nhoz tiểu khu 8, xar Chiềng Sơn, huyện Mộc Châu, tỉnh Sơn La pov iz lênhx txir nênhx trâus tuôs ntơưv jê ntus jôngr; thâuv pov mak lênhx nênhs co tsuôk hnar iz luz trik đuz, pư ntos hâur ar, sâuv tâuz hâu muôx ntâu qơư trâus saz. Lênhx nênhs co muôx 25-30 shông, tsênhv pâuz tsik tâu tsênhz zos lênhx tưs.

Txêik tâu xor mông chor lưx lươngv txơưx jênhv tưz tuôx nriêr pâuz, qênhz yuôx txuz hâux lưv no; đros co, xa mông chiê chor nênhs cxênhz jê pâuz thiêz tuôx shuôk, piêr pâuz tsênhz lok lênhx nênhs trâus tuôs no./.

(Trấn Long-Lik Thox cxêik nhênhv)