Phưv Chủ tịch Thường trực Côx hôiv Tòng Thị Phóng đros đoanx côngz xưv tổ đại biểu Côx hôiv sôr 5, Côx hôiv khóa 14 nhiv kruôr lok shuôs thiêz uô hâux lưv ntơưv tỉnh Sơn La. Phưv Chủ tịch Thường trực Côx hôiv Tòng Thị Phóng chiê siêz tiêk, Đảng bộ, hâu nov ntơưv qơư thiêz tsôngv px cxuô heir nênhs tỉnh Sơn La zuôr tror tuôr truôx tỉnh têx cêr sik thôngx siêz, têx muôx jông, lar heik zos hâur ngênhx kôngz nuv. Pos Tòng Thị Phóng cux sâu jênhv tỉnh têx ziv chênhv, thix ziv chiê xa txos trâu têx cơ quan muôx vax huôv đơưk tu:

“Cur lok six chiê siêz, đros thiêz têx sir jos, cêr sik thôngx siêz, chor hloz, chor lâuk uô ntêx têx txux chi tsưr ziv jông, lar heik zos sđ hâur Thường vụ tỉnh ủy, BCH Đảng bộ tỉnh cêr thôngx siêz, cur njênhs tiêk, Sơn La zuôr uô tiêr tâu jông têx luôs hâux lưv hâur ntu no; ntâu luôs hâux lưv, tsưr ziv nêx têx đôngx chir tưz uô tâu, mak cur heik li no, tsuv sir jos uô trơưk têx uô tâu co chiê ntâuk grê tâu jông, chiê bax jông trâu Đại hội”./.

                             (TTTB-Riê Lâux cxeik, nhênhv)

Tas cik hnuz xiêz 10/11, pos Trương Thị Mai, Ủy viên Bộ chinhr trị, Bí thư TW Đảng, Tsar Ban dân vận trung ương đros đoanx côngz xưv Trung ương; lênhs tov tỉnh Yên Bái tưz dưv ntênhs côngz fur tax nôngx cxênhz yiêz thiêz Hnuz ntênhs sik côngv siêz ntơưv xã Kiên Thành, huyện Trấn Yên, tỉnh Yên Bái. Kiên Thành zos xã txov nhêv tiv zix nhoz huyện Trấn Yên. Đhâu 9 shông uô hâux lưv cxiv tsa nôngx cxênhz yiêz, xã tưz huiz tôngv tâu 140 tỷ đeiv ntâu pênhr chiê uô tsaz yênhx cxiv tsa nôngx cxênhz yiêz. Txos nhiv no, xã Kiên Thành tưz uô tiêr 19 ploz tsênhr, yênhx xã tiv 62 hâur tas nro 157 xã nhoz tỉnh Yên Bái tax nôngx cxênhz yiêz. Shông 2019, tsôngv box hâur xã li phênhv sâu tax 34 tsov đeiv ntâu iz lênhx nênhs, chuôz ndê zuôr xar 25 tsov đeiv iz lênhx nênhs iz shôngk pir đros shông 2011; xã li chor ziv chuôz zis pluôs tsuôk yuôr 5% ntâu....Zơưv Xâur Xênhv Zax nhoz jos Đồng Ruộng shir phaz heik:

“Nhiv no xã Kiên Thành tâu tỉnh côngz jênhv tax nôngx cxênhz yiêz, pox nhuôs lok six jông siêz. Pox nhuôs xã Kiên Thành zuôr tsi so sir jos đuô chiê cxiv kho jêx jos hlôngr yiêz huôv tsar đuô”./.

(Trịnh Xuân- Txâur Vax cxeik nhênhv)

Đeix nta suôz VN nhoz iz suôv faz Bắc đros tsêr nhiêx thương mại cổ phần yưv pênhr thiêz huôv tsar VN, nhoz Sơn La nhiv kruôr muôz 77 poz huv puz trâu 77 lênhx shux xênhz muôx luz nênhx txov nhêv sir jos cơưv ntơưr hênhr nhoz xã Mường Men, huyện Vân Hồ, tỉnh Sơn La. Iz chas ntơư, iz poz huv zos hnaz êr, chuôz zênhx phưx vưv cơưv ntơưr thiêz têx ntơưr cơưv, ntơưr sâu, chưx mêv, khâu trax puz trâu têx nhuôs muk tsêr cơưv cơưv ntơưr hâur cheix ntux nas. No zos VOV Tây Bắc iz hâur têx tsênhv njiêz chiê sik côngv têk đros ntơưv qơư uô têx nuv paz chor xã tox siêz, xã ntus đriv tsênhv yuôr ntâu txov nhêv hâur tỉnh. Ngần Thị Khánh Ly, shux xênhz lớp 3A, tsêr cơưv cxênhx iz thiêz cxênhx 2 xã Mường Men shir phaz thâuv tâu huv muôz puz heik:

“Hnuz no cur tâu huv muôz puz, cur lok six shir phaz. Thiêz cur zuôr sir jos cơưv ntơưv cov tâu jông đuô, cur chiê siêz tiêk, tov kaz no chor fâux thiêz txir nzơưv zuôr tror gra têx huv tuôx puz trâu pêz têx lênhx nhoz tox siêz, ntus đriv txov nhêv thiêz”./.

(Chẻo Thu-Riê Lâux cxeik, nhênhv)

Phongx cảnh sát qênhz yuôx nênhs phamv cxâuv lok zax zênhz công an tỉnh Điện Biên đros têx taz viv nghiệp vụ Công an tỉnh thiêz Zênhx pênhz phax Mường Nhà nhiv kruôr ruôr yênhx côngz txuz án 919B ntês tâu 2 lênhx nênhs zos Bình Xênhv Thox xênhz shông 1991 nhoz jos Gia Phú B, xã Na Tông, huyện Điện Biên (zos lênhx nênhs sơưr thơưx) thiêz Tsưz Xênhv Thox xênhz shông 1988 nhoz jos Mí Hán Tủa Chử, xã Púng Luông, huyện Mù Cang Chải, tỉnh Yên Bái viv muôv muôs zax zênhz tsi trơưk chei. Chuôz zênhx sâu tâu muôx 220 đeiv zênhz đơưz, 2 luz yêz ô tô, 1 luz yê zmeir, 4 luz điện thoại thiêz ntâu chuôz zênhx txơưr muôx lênhx coaz. Têx lênhx nênhs no jênhv zuôr chor zax zênhz no cxôngx têz qơưk Lào thâux lol Việt Nam chiê muôs. Lênhs tov Cục côngz xưv đảng thiêz côngz xưv chinhr trị, Bộ công an, Ban giám đốc Công an tỉnh Điện Biên tưz tsưr tsix kruô lênhs tov, cán bộ chiến sĩ têx phòng nghiệp vụ Công an tỉnh viv muôx yênhx tix jông cxaz chuôz ruôr yênhx côngz txuz ar zax zênhz lox no./.

(TTTB-Txâur Vax cxeik nhênhv)