Chôngz lênhx ntâu tus cử tri, cán bộ, đảng viên tỉnh Điện Biên xav tiêk: Đại biểu Quốc hội tsuv hlôngr njêx muôs trâu px; tsuv muôx txâuk tsưr ziv, txux chi, tsuv zos lênhx nênhs siêz jông, truôx siêz paz px cov muk đhâu têx phiv liv. Chênhr zos li hêik ntơư, tsôngv px sđ jông siêz trâu Quốc hội luôs hâux lưv uô chiê tso tsês tsik puz zơưv Đinh La Thăng uô hâux lưv. Zơưv Lưu Trọng Lư, chủ tịch hội cựu chiến binh tỉnh Điện Biên hêik pâuz:

  “Hâur ntu đhâu, Đảng pêz têz qơưs tưz uô truôx luôs hâux lưv tir thêir têx nênhs fêv nox nhiêx têz qơưs. Lar hêik zos lênhx hâu nov tưs, lênhx cán bộ Đảng viên tưs uô tuôr xuôv txos têz qơưs têx nhiêx txiêx, tsuv muôz tik cêr cxâuv. Phênhv ntâu tsôngv px sđ jông siêz trâu têx luôs hâux lưv uô tir thêir têx nênhs fêv hêik sâu, tsik chiê uô tuôr xuôv txos têz qơưs têx nhiêx txiêx”./.

  (Tsu cxêik nhênhv-Vũ Lợi)

  No zos cử tri Lào Cai li ziv chênhv lok hâux lưv phax tar nox nhiêx têz qơưk hâur six hơưv đhâu. Cử tri Nguyễn Thị Huệ, nhoz phường Cốc Lếu, TP Lào Cai heik pâuz:

“Pêz luôs hâux lưv phax tar nox nhiêx têz qơưk hâur six hơưv đhâu cux tưz qir sir jos uô thiêz cux tưz uô tâu jông. Taz sik trơưk li cur, hâux lưv fuô uô cux uô tsi yuô tâu jông, tsi txâuk tas nro Đảng thiêz tsôngv px sđ njênhs. Lar heik, ntâu txuz nox nhiêx têz qơưk tâu tsôngv box sđ lok six moz siêz txos taz sik tsưr ziv đơưk tu ho uô tsi yuô tâu trơưk li sđ tsưr ziv, siêz xar, ntơư zos iz kro lar heik txos”./.

(An Kiên-Riê Lâux cxeik, nhênhv)

Nhiv no, biên chế công chức hâur cxuô cơ quan tsưr tsix têz qơưs thiêz chor nênhs uô hâux lưv trâu cxuô cơ quan têz qơưs ntơưv tỉnh Lai Châu muôx 18.800 lênhx. Xav txos trâu nhiv no, hâu nov tỉnh Lai Châu tưz chuôz piz uô luôs hâux lưv chiê txo grêk tsơưs chor nênhs uô hâux lưv ntu 2015-2021 zos 10% hâur 32 cơ quan đơn vị thiêz txo grêk tsơưs tâu 181 lênhx. Trơưk li Bộ Nội vụ hêik pâuz: iz chas txo grêk tsơưs têx lênhx nênhs uô hâux lưv txix shông 2018, tỉnh Lai Châu cux zuôr muôz têx cơ quan uô hâux lưv mêx njik xưk iz zav chox lok trâu iz cơ quan, cov txo grêk tsơưs 500 lênhx nênhs uô hâux lưv trâu têx cơ quan ntơư. Zơưv Bùi Từ Thiện, phó chủ tịch hội đôngx tỉnh Lai Châu hêik pâuz:

 “Hội đôngx tỉnh tsênhv taz tov qênhz shuôk, uô trơưk têx njiêz luk ntơưv Nghị quyết Hội nghị Trung ương 6; hâur ntơư, zos txo grêk tsơưs lênhx nênhs uô hâux lưv. Ciês hâur shông 2018 zuôr txos no,  txơưv tsik tâu tso tơưv nghị quyết, zuôr pês tsơưs lênhx nênhs uô hâux lưv trâu têx cơ quan têz qơưs. Taz sik, hội đôngx cux tsênhv zuôr saz lax têx nhiêx txiêx sir zôngv hâur shông 2018 uô cov huv đros”./.

                                                                                            (Tsu cxêik nhênhv-Khắc Kiên)