Hnuz xiêz 10/12, Ủy ban tỉnh Yên Bái tsưr tsix Hội nghị hênhr kruôk nênhs muôx suôz bê, txir ndâux txir luk hâur tsôngv box mênhx cxưx tsơưs nênhs shông 2018. Dự hôiv nghị muôx Bôv trưởng,  sêiz car Ủy ban mênhx cxưx Đỗ Văn Chiến; lênhx tov tỉnh thiêz 120 lênhx têiv plor nênhs muôx suôz bê, txir ndâux txir luk uô tâu hâux lưv jông hlôngr njêx muôs trâu 1.150 ntâu lênhx nênhs muôx suôz bê, txir ndâux txir luk hâur tsôngv box mênhx cxưx tsơưs nênhs tỉnh Yên Bái.

Ndaz ndơưv jiês no, Bôv trưởng, sêiz car Ủy ban mênhx cxưx tưz khơưk muôz huv trâu 120 lênhx têiv plor nênhs muôx suôz bê txir ndâux txir luk uô tâu hâux lưv jông. Ủy ban tỉnh khơưk muôz ntơưr kruôk trâu 29 lênhx nênhs uô tâu hâux lưv jông hâur têx phongz yaox sik tưr nhiêv têz qơưk thax tsav tsôngv box mênhx cxưx tsơưs nênhs ntu 2012-2018./.

(Đinh Tuấn-Lik Thox cxêik nhênhv)

Ntơưv tỉnh Lai Châu muôx ntux lok nas thiêz muôx ntux no njiv trâu ntơưv iz cxiê thax tsav qơư, uô trâu tsôngv box hâux lưv uô kôngz thiêz luz nênhx xênhz huôx njiz ntâu phiv liv. Hâu nov cxuô thax tsav qơư tsênhv sir jos chox kriê hâux lưv phax tar no njiv trâu lênhx nênhs thiêz têx kôngz lôngk, tsiêx tu zus. Iz chas heik hâu nov ntơưv qơư thiêz cxuô ngênhx muôx vax huôv yax mông, kriê tsôngv box bax tsưr ziv phax tar no trâu lênhx nênhs, lar heik zos shux xênhz nox nhoz  hâur têx tsêr cơưv têz qơưk zus mor thiêz niêv txir zus mor, tỉnh tưz chox kriê ngênhx kôngz nuv ntơưv qơư sir jos phax tar no njiv trâu têx tsiêx cxu li: Chaz têx nhux tưv lok gâuv no, xor thêir  ntov têx qơư tu zus tsiêx cxu, cxaz nzir jâuz krâur trâu nox.... Zơưv Pờ Pó Chừ, Chủ tịch ủy ban xã Ka Lăng, huyện Mường Tè, heik pâuz: Nhiv no tas nro xã muôx zuôr xar iz cxênhz tuk tsiêx. Tsôngv box khênhr cor cav tso lak yar têx nhux tưv pêv têx har jâuz viv li thâuv ntux no xã tưz tso nênhs muk têx jêx jok chiê vênhv tôngv tsôngv box cov chaz têx tsiêx lok tsêr:

“Hâur pêz thax tsav txix hli 11 zax lix txos hli 1 shông tov kaz khênhr muôx ntux no njiv. Nhiv no pêz tsênhv chêx tsôngk phax tar no trâu têx tsoz chos, tsiêx tu zus, lar heik zos moz siêz txos têx tsiêx lox, keiz ok, tiv zix zos nhux tưv. Têx tuz lênhv pênhz pahxx hâux lưv chuôz tsar tiês yax kriê , cux li hâu nov ntơưv qơư, tsôngv box cux thôngx ziv, jông siêz đros chiê uô li chas  cov txar jav tâu têx tsi jông trâu tsiêx cxu”./.

(Khắc Kiên-Riê Lâux cxeik nhênhv)

Chos 50 tsoz txir lưk jôngr Diễn sâuv thax tsav đar muôx 400 yiv ndis, zơưv Đào Văn Hân, jok Chiềng Thi, xar Chiềng Pằn, huyện Yên Châu, tỉnh Sơn La sâu tâu 50 triệu đêiv iz shông. Lơưr zơưv Hân, pir li têx txir lưk jôngr txơưr đuô, txir lưk jôngr Diễn tsik tas ntâu đas jos tsoz phưz mak txir ho kaz, ngaz tuk, tsik thav tsuôs yuôx tuô lov caz hmoz ntâu thiêz six hơưv tsês tâu ntêr. Lok tsưr ziv phax tar caz hmoz trâu txir lưk jôngr, zơưv Hân puz pâuz, zơưv tsuôk zôngv têik cxov zôngr đax, gri zos 50 cxênhz đêiv iz luz têik. 50 tsoz txir lưk jôngr mak tsuv zôngv muôx 6 têik. Muôx nhos 20 hnuz mak hlôngr yuôx hâur têik iz jiês. Zôngr đax zuôr chiv chir za tuôx tsơưk trâu luz têik co thiêz trâus tuôs. Zôngv uô li no mak tsik thav tsuôs yuôx thiêz tsik tas ntâu nhiêx txiêx./.

(KT-Lik Thox cxêik nhênhv)

Ntơưv xã Bản Phiệt, huyện Bảo Thắng, tỉnh Lào Cai, côngz trênhx côngz đêx cxiv uô tas nhiêx tỷ tsi tâu muôz lok sir zôngv tưz puôk tsuôx tsi jông tas. Tâu pâuz, dưv anr côngz trênhx côngz đêx xênhz huôx ntơưv 2 jok, xav hur si tas nhos 2 tỷ đeiv ntâu. Côngz trênhx njuôk xav zuôr côngz đêx trâu 60 ntâu chuôz zis zôngv. Trơưk li lênhx tsưr yưv pênhr uô heik trâu HĐND huyện, txos hli 5/2018, côngz trênhx tưz uô tiêr. Lênhx nênhs yưv pênhr uô tưz đros têx cơ quan muôx vax huôv hâur huyện thiêz Ủy ban xã Bản Phiệt qênhz yuôx, tso zôngv siv. Trơưk li nênhs yưv pênhr uô, đêx tưz côngz txos trâu 43 chuôz zis hâur 2 jok thiêz têx uz no hâur côngz trênhx puôr lênhx taz por uô tâu jông trơưk cui tinhv, ntâuz ntơưr. Taz sik, tsênhz tiês xar 20 chuôz zis tsi pov đêx lok txos kror tưs xưl li lênhx tsưr yưv pênhr uô tưz heik trâu huyện. Côngz trênhx cux tsi tâu uô hâux lưv viv uô tsi tâu jông thiêz car đêx trâul tơưs, puôk tsuôx tsi jông ntâu ntu. Tsi jông siêz lok têx li heik sâuv, tsôngv box 2 jok tưz ntâu jiês heik trâu têx hloz muôx vax huôv taz sik cxuô luôs hâux lưv cux tsi tâu đơưk uô. Lar heik, tiv tsi muôx lênhx tưs car seiz, por hưv viv li ntâu kror hâur côngz trênhx nhiv no tưz puôk tsuôx tsi jông tas./.

(KT-Riê Lâux cxeik, nhênhv)