Hnuz xiêz 10/3, tỉnh đoàn Yên Bái tsưr tsix hnuz ciêz njuôz-ndar txos phongz yaox “phax tar por têx vuôz tsuôz kiês nênhs tâu uô cxôngx choz” ntơưv xã Kiên Thành, huyện Trấn Yên. No zos huôx tôngv tsênhv tsênhz chiê yax mông đêz đar hâur đoàn viên, hluôk nênhs thiêz tsôngv box lok hâux lưv cxaz chuôz car chêx têx vênhv thix lok tênhx qơư, taz por tênhx qơư hur đu, jông gâux, gôngr phênhv cxiv tsa nôngx cxênhz yiêz. Six hơưv no, tỉnh đoàn Yên Bái cux mul khơưk muôz huv, tôngv vênhx thiêz heik kriê hâux lưv uô trâu têx đoàn viên hluôk nênhs muôx luz nênhx txov nhêv ntơưv xã Kiên Thành./.

(KT-Txâur Vax cxeik nhênhv)

Hâur têx shông đhâu, tỉnh Lào Cai tưz tsov cưv txos pênhr jos yưv paz trâu uô cxuô zav hâur têx tsêr cơưv ntơưr. Shông 2017-2018, tỉnh tưz yưv pênhr uô txâuk tsêr nhoz niêv txir zus mor trâu shux xênhz thiêz qơư nhoz uô hâux lưv trâu cưk kriê ntơưr; shông 2018 uô tiêr tsưr ziv muox txâuk tsêr vêv xênhz trâu 100% qơư zoz zux sâuv thax tsav. Tas nro tỉnh nhiv no muôx 8.468 qar cơưv ntơưr, hâur co 5.386 qar tâu uô truôx jông, 2.640 qar zos hov jông cơưv, 422 qar lav cơưv, phênhv ntâu zos qar cơưv tâu tâu uô txix shôngz, ntông, tưz tsik jông tas, taz por tsik tâu trâu hâux lưv kriê thiêz cơưv ntơưr./.

(KT-Lik Thox cxêik nhênhv)

Nhiv kruôr đhâu, Tsênhv qơư seiz car moz tỉnh Sơn La đros tsêr kho moz đa khoa huyện Mai Sơn thiêz Tsênhv qơư y tế huyện Mai Sơn tsưr tsix hâux lưv “Têx nênhs moz HIV/AIDS xuz thơưx tâu zôngv yuôx ARV cxôngx Cuiv bảo hiểm y tế kho moz”. Huôx tôngv no tâu krêz uô chiê thôngz xor mông, heik kriê hâux lưv bảo hiểm y tế tưz thêv yuôx ARV trâu nênhs moz kho moz HIV; muôz siêz jênhv pâuz trâu côngv thôngx, nênhs moz HIV thiêz lơưr li chuôz zis pâuz lok bảo hiểm y tế li kror coaz tsôngv hâur hâux lưv kho moz trâu nênhs moz HIV/AIDS. Thạc sĩ Nguyễn Minh Loan, Phưv giám đốc Tsênhv qơư y tế huyện Mai Sơn puz pâuz:

“Nhiv no huyện Mai Sơn muôx 90% nênhs moz HIV zôngv yuôx ARV chiê kho moz tưz muôx bảo hiểm y tế, thiêz têx nênhs moz zôngv ARV đros Mêthadon chiê kho moz mak cux jông đuô”./.

(Trấn Long- Txâur Vax cxeik nhênhv)

Ủy ban huyện Tuần Giáo, tỉnh Điện Biên nhiv kruôr tso tơưv công văn số 132 hêik pâuz lok moz ơưk buô Châu Phi sâuv thax tsav chor xar Rạng Đông, ta Ma, Mùn Chung. Chiê tir tar caz moz, huyện Tuần Giáo tưz sêi đrơưv yênhx lix Ban chox kriê phax tar nhoz tas nro cấp huyện thiêz xar. Yênhx lix 5 qơư qênhz shuôk uô ntêx thiêz iz đội qêhz shuôk muk txos ciês ntơưv têx xar muôx yưv caz moz, 4 qơư qênhz yuôx caz moz liê nganhx ntơưv txox cêr 6 thiêz txox cêr 279. Chor qơư no muôx jênhv vưv zos qênhz shuôk, tsuôs yuôx tuô lov caz moz sâuv têx yêz thâux xa thâuv lok trâu hâur thax tsav huyện./.     

(Vũ Lợi-Lik Thox cxêik nhênhv)