Cik txos txuz hâux lưv 137 lênhx nhân viên y tế ntơưv Lai Châu tsik muôx hâux lưv uô đhâu ntâu shông uô côngz xưv, đhâu muôx chor nênhs lox tôngv hêik pâuz thiêz cơ quan yax mông têx xor mông, chor nhân viên tâu sơưv têx tsênhv chêi lơưr Bộ luật lox tôngv li: moz gênhs, xênhz zus mê nhuôs, tu zus mê nhuôs zâu tâu nganhx Y tế tiv phaz tror cir hux thôngx chiê uô hâux lưv. Lơưr co, muôx 23 lênhx, hâur co, muôx iz lênhx tsênhv kho moz, 22 lênhx tsênhv xênhz mê nhuôs hâur chêr thiêz tu zus mê nhuôs tsik tâu muôx 12 hli hnuz nhôngs. Zơưv Nguyễn Văn Đối, Giám đốc Sở y tế tỉnh Lai Châu puz pâuz: đhâu muôx chox krie, tas nro chor taz viv sir zôngv lox tôngv Sở y tế tưz thor thiêz hêik chor nênhs lox tôngv tror cir hux thôngx uô hâux lưv.

“Kror uô lơưr Luật lox tôngv lok chor nênhs tsik tâu sêiz shuôk jông suôv câuv hux thôngx, xuz thơưx mak pêz tsik tâu uô jông qênhz shuôk. Nhiv no qênhz shuôk đuô mak pêz cux muôx ntơưr chox kriê chor taz viv uô đuô hux thôngx trâu chor nênhs tsênhv xênhz zus mê nhuôs, muôx moz gênhs chiê uô cov zos li luật lox tôngv cuiz tênhv”./.

(Khắc Kiên-Lik Thox cxêik nhênhv)

Tas cik hnuz xiêz 10/4, UB tỉnh Lào Cai đros Tổng Công ty bưu điện VN đros tsưr tsix Phêv thaov chiê tso tơưv têx tsưr ziv sik côngv, heik kriê Lào Cai li xiv huv txos têx qơư muôv muôs điện tử. Têx ziv chênhv sik seiz lax ntơưv Phêv thảo tso pov, Lào cai nhiv no muôx têx xiv huv nto bê, tiv zix zos hâur vênhv thix kôngz nuv. Taz sik hâux lưv huôv tsar muôv muôs điện tử chiê uô muôx qơư cungz qơư sâu zuôr truôx vênhs mak tsi tâu cxơưz tiês uô. Phêv thảo tso tơưv têx tsưr ziv chiê cxơưz tiês heik kriê xiv huv sâuv têx Website, qơư muôv muôs....chiê cxơưz tiês sâu zuôr, car chêx têx phêv liv hâur cơ chế chính sách chiê cxơưz tiês muôv muôs điện tử huôv tsar..../.

(An Kiên- Txâur Vax cxeik nhênhv)

Đros tsưr ziv kriz đar cxiv vênhv tôngv, tuôr truôx thax tsav phiv liv lok nênhs phamv cxâuv, txiêz nanv zax zênhz sâuv thax tsav huyện Điện Biên Đông, teik cik 10/4, Công an tỉnh Điện Biên tsưr tsix kriz uô tsưr ziv sổ 750 Ủy ban tỉnh Điện Biên lok chuôz cxaz côngz xưv tsav txênhz, phax tar nênhs phamv cxâuv thiêz txiêz nanv zax zênhz, uô ntêx zos tsêx trung trâu 3 thax tsav zov chênhr zos: Sa Dung, Pú Nhi, Pú Hồng. Uô tsưr ziv no, Công an tỉnh Điện Biên tâu choz zos cơ quan thường trực zuôr tso 50 lênhx nênhs, sik côngv đros xar muôx 50 lênhx txơưr đuô zos thành viên iz cxiê ban, nganhx nhoz tỉnh thiêz huyện Điện Biên Đông muk trâu chor thax tsav chiê huiz tôngv tas nro cxiv luôs chính trị thiêz pêx xênhv cxaz chuôz côngz xưv phax, tar nênhs phamv cxâuv zax zênhz./.

(Vũ Lợi-Lik Thox cxêik nhênhv)

Lò Văn Quang, xênhz shông 1984, nhoz tuêv 2, thị trấn Mù Cang Chải, tỉnh Yên Bái trâus Công an tỉnh Yên Bái ntês cxov viv muôv muôs zax zênhz, chuôz zênhx sâu tâu muôx 4 đeiv zênhz đơưz, 400 njiêr zax zênhz. Ntơưv chiz coaz Công an, Quang jênhv, thâuv tsênhv tâu z lênhx txir nênhx tsi pâuz bê nhoz xã Chế Cu Nha, huyện Mù Cang Chải tỉnh Yên Bái ntiêr thâux zax zênhz mul muôs, lol txos Tuêv 2, thị trấn Mù Cang Chải txơưv trâus tuêv côngz xưv phongx Cảnh sát qênhz yuôx nênhs phamv cxâuv lok zax zênhz, Công an tỉnh Yên Bái ntês cxov. Nhiv no, chiz coaz cảnh sát qênhz yuôx Công an tỉnh Yên Bái tưz krêz tik cêr cxâuv Lò Văn Quang viv thâux gra tsi trơưk chei zax zênhz chiê yưr lir lơưr trơưk Pháp luật li cui tênhv./.

(Tuấn Xuân-Txâur Vax cxeik nhênhv)