Tỉnh Điện Biên muôx cêr đriv têz ntêr muôx 450 ntâu cêik buôk têz qơưk Lol Tsuôk thiêz Trung Quốc đros trâu yênhx puô txox cêr mê lus muk lol đhâu. Chênhr zos li heik co, lưv lươngv tuz lênhv pênhz phax tỉnh Điện Biên tsênhv sir jos tso nzir nênhs muk uô hâux lưv qênhz yuôx, seiz jor têx ndâux cêr, taz por phax tir thêir tsi chiê moz siz cik tâu lok hâur thax tsav.... Iz chas ntơư, sir jos yax kriê lok jiês bâux xeir đại biểu Côx hôiv thiêz HĐND cxuô cấp zuôr txos li têx jông thiêz muôx liv trâu chor xã ntus đriv, taz por truôx tuk trâu hnuz bâux xeir. Đại úy Trần Văn Sỹ, Chính trị viên phưv, Zênhx Pênhz phax Mường Nhà, Bộ chỉ huy bôv đôiv pênhz phax tỉnh Điện Biên heik pâuz: “Lok sâuv hâux lưv taz por truôx tuk, taz viv cux tưz phênhz côngz đôngx chir phưv zênhx tsar uô hâux lưv buôk ti seiz car, cxiv tsa tsưr ziv cov taz por truôx tuk, hux jos đros chor lưv lươngv nhoz hâur thax tsav uô jông têx luôs hâux lưv heik sâuv uô ntêx, hâur thiêz đhâu six hơưv bâux xeir. Nhiv no đhâu hâux lưv yax kriê thiêz pâuz tâu, phênhv ntâu tsôngv px hâur thax tsav nhiv no lok six njênhs njôngr trâu jiês bâux xeir Đại biểu Côx hôiv khóa 15 thiêz HĐND cxuô cấp zuôr txos”./.

(Vũ Lợi-Riê Lâux cxeik, nhênhv)

Côngz xưv cxax yuôx vắc xin phax tar caz moz Covid-19 ntơưv Lai Châu tâu kriz uô ntơưv 28 kror qơư cxax yuôx, nhoz 8 huyện, thành phố thiêz phênhv ntâu zos cxax trâu chor nênhs li: Công an, penhz phax, y têr, đros muôx 2.000 ntâu lênhx nênhs. Đuô li, ntơưv qơư cux kriz uô cxax yuôx trâu xar muôx 1.700 lênhx nênhs zos chor nênhs zôngx ziv trâus cik caz moz Covid-19 siêz. Txos nhiv no, hâur tas nro muôx 3.700 ntâu lênhx nênhs cxax yuôx, pov muôx 880 lênhx nênhs njiz trâus iz cxiê phiv liv zâu đhâu cxax yuôx tas li: cuz zâu, gênhk. Zơưv Ngỗ Doãn Toàn, Trưởng khoa phax, tar caz moz siz cik, tsênhv qơư qênhz yuôx caz moz gênhs, Sở Y têr tỉnh Lai Châu puz pâuz: “Pêz tưz cxax yuôx vắc xin phax moz covid-19 txix hnuz 22/4. Txos nhiv no, pêz tưz cxax yuôx huv zos li Bôv Y têr cui tênhv, xưk li hêik pâuz, njuôk shuôk txos trâu cxax yuôx thiêz sêiz shuôk đhâu cxax yuôx tas. Đhâu chor hnuz kriz uô, txos nhiv no chor nênhs tâu cxax yuôx cux njiz trâus têx phiv liv zâu thiêz tsik tâu pov muôx nênhs phiv liv hnhar li chak hlo. Têx kror njiz trâus zos uô cuz, uô no, iz chêr gênhk gênhk”./.

(Khắc Kiên-Lik Thox cxêik nhênhv)

Chủ tịch Ủy ban tỉnh Lào Cai nhiv kruôr tso tơưv Chỉ thị fuô uô zênhx max têx tsưr ziv hâur luz six zov chênhr phax tir thêir moz Covid-19. Iz chas ntơư, hâur nhos 10 hnuz zuôr txos, xav txix iz tas hmo hnuz 11/5 txos tas 21/5, têx jiês cơưv thiêz hâux lưv uz no saz đrâuv qơư uô hâux lưv, tsêr cơưv ntơưr, tsêr kho moz nhoz Lào Cai tsuv kuôk cêv iz tus nhoz kuôk đêz iz tus, tsi siz zâuv muk nhoz chôngz nênhs uô cê đhâu 20 lênhx nênhs. Chor nênhs 60 ntâu shông, nênhs trâul moz iz cxiê zav moz li: tso jik kaz jiz, nyar ndê siêz, moz lênhs plơưr.... mak tsuv nhoz hâur tsêr tsi tâu muk trâu uz trâu no. Têx cêr nox yôngz cok, siz chuôs njiz, qơư uô si lov jêv, uô jông jav, tsâus plâuz hâu..... puôr lênhx tsuv tax cơư trôngx. Têx qơư zuôr muôs zav nox tsi tâu muôs ntơưv qơư, tsuôk muôs trâu gra muk tsêr nox. Têx ciêz đrôngs tâu chei muôs huv, muôs jâuz nox uz no taz sik tsuv taz por truôx tuk lol phax tar moz. Hâux lưv uô căn cướp công dân cux tax nduô tsês tsi uô. Hok têx yêz thâux xa kruô muk lol, iz luz yêz tsi tâu thâux đhâu iz đraz têx lênhx kruô jâuv chor trôngx hâur yêz. Heik tas nro ngênhx y tế ntơưv qơư tsuv uô jông cxuô faz tsưr ziv phax tir thêir, seiz njuôk shuôs kho moz. Hâu nov cxuô thax tsav qơư hâur tỉnh Lào Cai bax uô qơư kuôk cêv lênhx nênhs zos muôx nênhs trâul moz..... Cxơưz tiês uô lơưr têx tsưr ziv Bộ y tế heik kriê lok chox ntâuz bos kror ndâux, tsi siz zâuv chôngz nênhs nhoz uô cê, tsi so muôz đêx cuô yuôx nzuôr têk, heik pâuz lol zuk đas jos, tsi muk trâu uz trâu no zos tsi zov chênhr....; xưv bluô ntov jông chor nênhs uô cxâuv, thax tsav qơư tưs tsi uô trơưk, lênhx hâu nov sơưr thơưx hâur thax tsav co tsuv taz txơưx jênhv./.

(An Kiên-Riê Lâux cxeik, nhênhv)

Ntơưv ndêx chiv ntus đriv 113 Trôngx đriv ntiêx têz Tây Trang thiêz ndêx chiv ntus đriv 144 Trôngx đriv Huổi Puốc, huyện Điện Biên, Bôv Chỉ huy Bôv đôiv Pênhz phax tỉnh Điện Biên nhiv kruôr khơưk muôz chuôz zênhx y têr phax tar caz moz Covid-19 thiêz hax huv trâu Bôv Chỉ huy Quân sự thiêz Công an oz tỉnh Phong Sa Ly, Luông Pha Băng (têz qơưk Lào). No zos hâux lưv tsiv gri, paz uô truôx jông đuô cêr sik côngv siêz thôngx ziv Việt Nam-Lào, sik côngv nhoz Bôv Chỉ huy Bôv đôiv Pênhz phax tỉnh Điện Biên đros lưx lươngv sêiz car, por vêv ntus đriv tỉnh Phong Sa Ly thiêz Luông Pha Băng hâur kriz uô hâux lưv sêiz car, por vêv ntus đriv; tuôr truôx ngaz tuk chính trị, ngaz tuk xar hôiv hâur thax tsav ntus đriv oz tos, cux xưk li sik paz hâur côngz xưv phax, tar moz Covid-19./.

(Vũ Lợi-Lik Thox cxêik nhênhv