Muôx ntux no njiv hênhr, zơưv Nguyễn Hữu Thể, uỷ viên Ban Thường vụ tỉnh uỷ, phó chủ tịch uỷ ban tỉnh laox cai tưz muk qênhz yuôx luôs hâux lưv tir thêir ntux no njiv trâu tsiêx cxu ntơưv huyện Bát Xát.  Hâur thax tsav qơư qênhz yuôx, zơưv Nguyễn Hữu Thể cux hêik: Viv ntux no njiv truz ntêr hnuz, , hâu nov cxuô tsênhv qơư huyện Bát Xát tsuv uô jông cxuô luôs hâux lưv yax kriê tsôngv px sđ tir thêir ntux no njiv trâu lenhx nênhs thiêz tir thêir no njiv trâu tsiêx cxu lox zâu, tsik chiê têx tsiêx cxu trâus puôk tsuôx tiv ntux no njiv./.

                                                        (Tsu cxêik nhênhv-KT)

Qir cxôngx hnuz xiêz 9/1, tiv trâus chuô txiêk uô zênhr shar tsi so viv li ntux no njiv sâuv thax tsav tỉnh Điện Biên. Jêx tưv kis tiv zix hâur jiês no njiv no tâu njuôs pov zuôr grês cxôngx 5 txos 7 tưv, thax tsav tox siêz jêx tưv grês kis tiv zix 2 txos 4 tưv, njuôs xav zuôr muôx đâuk bu. Ciês thâuv muôx xor mông lok jiês no njiv, tsôngv box nhoz têx xã sâuv thax tsav tưz sir jos krêz uô têx tsưr ziv phax tar no trâu tsiêx cxu. Tix lâuk Lò Văn Luấn nhoz jos Phai Đin, xã Thanh Chăn, huyện Điện Biên, tỉnh Điện Biên puz pâuz:

“ 2,3 hnuz tov ntêx tsi no mak tso nhux pêv har jôngr, mul seiz nhux. Nhiv no lol nas thiêz no njiv tsuv cơư nhux hâur tsêr, muôz pav hnhar trâu nhux cov tsi no. Hleik jâuz trâu nhux nox hâur guôx tsi tso nhux thiêz”./.

( Vũ Lợi-Txâur Vax cxeik nhênhv)

Hâur têx hnuz đhâu muôx ntux no njiv, sâuv thax tsav huyện Mù Cang Chải, tỉnh Yên Bái tưz uô 12 tus tsiêx cxu trâus tuôs; ntơư zos 4 tus tưv, 8 tus nhux. Chor tsiêx cxu trâus tuôs ntơư zos nhoz trâu thax tsav  xã la pán Tẩn, lao Chải, Cao Phạ, Chế Tạo; njuôk xav uô puôk tsuôx tas 180 triệu đêiv. Nhiv no, hâu nov tỉnh Yên Bái tsênhv taz tov chox car hâu nov huyện Mù Cang Chải đros cxuô cơ quan muôx vax huôv qênhz yuôx têx trâus puôk tsuôx tiv ntux no njiv thiêz chox kriê px sđ uô guôx thêir no njiv trâu tsiêx cxu./.

                                                      (Tsu cxêik nhênhv-Đinh Tuấn)

Thâuv 10 six hnuz xiêz 10/1/2018, ntơưv thax tsav jos Na Sa Cang, huyện Sầm Nưa, tỉnh Hủa Phăn, têz qơưk Lào, lưx lươngv phax tar zax zênhz thiêz nênhs phamv cxâuv Bộ đội pênhz phax tỉnh Sơn La đros Công an tỉnh Hủa Phăn, Lào ruôr yênhx côngz chuyên án 195Lv, ntês tâu 2 lênhx nênhs Lào zos: Sông Cha Và, 32 shông nhoz huyện Viêng Khăm, tỉnh Luông Pha Băng thiêz Chăn Ma Ny, 28 shông nhoz Phu Khiếu, huyện Mường Say, tỉnh U Đôm Say muôv muôs zax zênhz. Chuôz zênhx sâu tâu muôx 36 cxênhz njiêr zax zênhz, 1 luz yêz ô tô thiêz iz cxiê chuôz zênhx muôx lênhx coaz. Nhiv no Bộ đội pênhz phax tỉnh Sơn La tsênhv tror côngv đros Công an tỉnh Hủa Phăn krêz đar qênhz yuôx chuyên án, uô tiêr ntâuz ntơưr lơưr pháp luật Lào li cui tênhv thiêz choz lênhx nênhs, chuôz zênhx sâu tâu trâu công an tỉnh Hủa Phăn, têz qơưk Lào yưr lir./.

( Tuyết Lan- Txâur Vax cxeik nhênhv)