Hnuz xiêz 7 tsiêz Buô shông, ntênhk hôiv tsêr mnov Đông Cuông, huyện Văn yên, tỉnh Yên Bái tâu kriz uô, zaz zâuv yênhx cxênhz lênhx nênhs ntơưv tiv phaz thiêz tsôngv kruô cxaz chuôz. Lơưr cxôngx nzor, ntênhk hôiv tsêr mnov Đông Cuông tâu piz uô txix tuô tưv đơưz chiê txi côngv thor cov muôx ntux yar , ntux nas huv đros, kôngz lôngk jông, sơưr đơưk muôx jos, jêx jok shir phaz, têz qơưk tiêx tuk…Lơưr co zos ntênhk cxuô mênhx cxưx tỉnh Yên Bái hêik cxuô thiêz huyện Văn yên hêik taz li nhênhv ntơưr txi côngv chiê thor muôx tâu đas jos, luz nênhx shir phaz. Ntênhk hôiv tsêr mnov Đông Cuông shông 2019 tâu tsưr tsix nhoz cấp huyện, muôx phênhv ntênhk thiêz phênhv hôiv. Zơưv Nguyễn Thanh Bình, iz lênhx kruô tuôx txix Hà Nội hêik:

“Ndaz ndơưv hâur shôngk shông yiêz cux zos ntênhk hôiv, pêz tuôx ntơưv no tiv iz zos thor trâu chuôz zis, tiv oz zos têz qơưk tiêx tuk, sơưr đơưk tsâu sor, shir phaz, tsik muôx moz gênhs”./.

(Tuấn, Xuân-Lik Thox cxêik nhênhv)

Hnuz 11/2 ( xiêz 7 zênhz lix) ntâu tiv phaz, taz viv sâuv tas nro tỉnh Lào Cai qir mul chos ntông hâur shôngk shông yiêz. Chiê tax chêx cuk, tỉnh tưz chox kriê nganhx jôngr nuv heik kriê têx tiv phaz xeir têx tsoz chos muôx tsơưr lươngv chiê chos. Zơưv Nguyễn Anh Tuấn, Giám đốc Sở kôngz nuv thiêz huôv tsar nôngx cxênhz tỉnh Lào Cai puz pâuz:

“ No zos hâux lưv xuz thơưx qir uô hâur shôngk shông yiêz chiê muôz siêz tsôngv box li jênhv pâuz, cxơưz cxiz côngv thôngx tsôngv box, têx chiz coaz, doanh nghiệp, taz viv cxaz chuôz chos thiêz por vêv jôngr. Qơư tsov txos hâur shông 2019 zos pêz chos muôx nhos 3 cxênhz ntâu hecta jôngr chêx chôngk, phênhv ntâu zos jôngr tsiv uô”./.

( An Kiên- Txâur Vax cxeik nhênhv)

Jiês tsiêz shông no tưz muôx 1.300 ntâu lênhx kruô hâur thiêz đrâuv têz qơưk tuôx ndis shuôk qơư di tích lịch sử têz qơưk tsêr tux Sơn La. Tsôngv kruô zos txix têx tỉnh txơưr đuô lok Sơn La nox tsêz lok sik muk trơưk ntu cêr ndis uô si đhâu lok sêiz txos. Tsiêz shông tưs cux li, no zos qơư trâu sơưr đơưk ndis sêiz chiê ndo txos cxênhx nênhs uô ntêx li têx côngz lox hâur ntâuk tros châuz, por vêv têz qơưk. Tix lâus Đinh Hữu Đức Thọ, lênhx kruô tuôx txix thành phố Đà Nẵng hêik:

“Cur zos jiês xuz thơưx tuôx trâu thax tsav Tây Bắc txix Đà Nẵng, cur tuôx trâu Sơn La. Hâur đoanx mak muôx nhuôs zâu, zuk cux xar chiê chor nhuôs pâuz tâu tiêkchor nênhs thâuv ntêx tưz txov nhêv li chak chiê paz trâu têz qơưk tâu tiêx tuk, zuk muôx tâu luz nênhx li nhiv no. Zuk cux tưz tâu cơưv pâuz txos txix têx ntâuz ntơưr, taz sik no zos jiês xuz thơưx ciês tuôs sêiz txos chiê pâuz tâu cxênhx nênhs uô ntêx li têx sir jos, cêr txov nhêv”./.

(Thanh, Long-Lik Thox cxêik nhênhv)

Tar su hnuz 11/2, chiz coaz cảnh sát qênhz yuôx, công an tỉnh Điện Biên tưz tsưr tsix mul qênhz yuôx iz luz tsêr nhoz thax tsav jos Phủ, xã Noong Hẹt, huyện Điện Biên zos iz lênhx cưk kriê cxênhx iz li tsêr nhoz. Tâu pâuz no zos Vương Văn Hùng- lênhx nênhs tâu njuôs xav zos iz hâur têx lênhx nênhs zuôv uô đaz uô tuôs thiêz uô lênhx nxeik Cao Mỹ Duyên trâus tuôs li đaz lâuk. Thâuv tâu tso tux, Vương Văn Hùng tsi mul tsêr mak khênhr nhoz ntơưv luz tsêr no. Lơưr Hùng li luk heik ntơưv chiz coaz Công an: muôx 5 lênhx nênhs sik đros hâuk chơưr, đhâu co sik zâuv zuôv Cao Mỹ Duyên uô đaz uô tuôs. Muôx iz lênhx gra Duyên luz điện thoại mul phôngv tsiêz, đhâu co muôz jeik ntơưv iz tul fôngx zưs li luz tsêr nhoz xã Noong Hẹt, huyện Điện Biên. Nhiv no Ban chuyên án Công an tỉnh Điện Biên tsênhv tror ciêr chênhr qênhz yuôx uô cov tsênhz mênhx txuz anr no./.

(Vũ Lợi- Txâur Vax cxeik nhênhv)