Txo grêk nênhs uô hâux lưv chiê gra siêz chêx cur bộ mêir chính trị tsênhv phiv liv, txo grêk thêv nhiêx hli yênhx shông trâu chor nênhs uô hâux lưv siz yôngx, tsik muôx chêx cur, txix co paz muôx nhiêx txiêx têz qơưk trâu huôv tsar kinh tế xã hội. Chôngz pêx xênhv sâuv thax tsav tỉnh Điện Biên thôngx ziv đros têx tsênhv njiêz mak jiês cơưv trung ương 6 tưz tso tơưv. Tix lâus Lò Văn Thuận, đội 7B, xã Noong Hẹt, huyện Điện Biên, tỉnh Điện Biên hêik:

“Cur lok six thôngx ziv đros tsưr ziv hlôngr yiêz, kho đuô tsưr tsix bộ mêir cxiv luôs chính trị cov jông, muôx chêx cur mak jiês cơưv Trung ương 6 tưz tso tơưv. Nhiv no lơưr cur pâuz, chor nênhs tâu thêv nhiêx hli cux muôx txos 11 triệu lênhx nênhs. Zos tiêk uô jông hâux lưv txo grêk nênhs uô hâux lưv mak zuôr muôx nzir phênhv nhiêx têz qơưk chiê yưv pênhr trâu huôv tsar têz qơưk”./.

(Vũ Lợi-Lik Thox cxêik nhênhv)

        Lơưr Ban chỉ huiz phax tar ntux nas thiêz nriêr chơưv nanv tỉnh Yên bái li pov cov, đêx nas hâur 2 hnuz đhâu tưz uô 22 lênhx nênhs tuôs, plox mông thiêz trâus saz; ruôr hiêv lok chuôz zênhx chuôz tas njuôs xav qir thơưx zos 120 tỷ đeiv. Bí thư Tỉnh ủy thiêz chủ tịch UB tỉnh Yên Bái nhiv no tsênhv nhoz njôngr ntơưv têx tiv phaz trâus zênhr shar chiê chox kriê côngz xưv khưx phưx têx trâus ruôr hiêv tiv ntux nas. Têx tiv phaz hâur tỉnh tưz huiz tôngv muôx nhos 2.200 lênhx cxaz chuôz nriêr têx lênhx nênhs trâus plox mông, chơưv kho trâu lênhx nênhs trâus saz; txar tsôngv box mul đhâu thax tsav riêz nênhs....Txơưv ntux tsênhv lol nas taz sik côngz xưv khưx phưx tsênhv tror tâu ciêr chênhr uô./. 

(TTT-Txâur Vax cxeik nhênhv)

        Xav txos 8 six tsâuk ntux hmo 11/10, ntơưv tỉnh Sơn la ntux nas, đêx ngaz cuôr tưz uô 11 lênhx nênhs tuôs, tsik pov thiêz trâus saz. Đros trâus hiêv lok lênhx nênhs thiêz cxuô zav, chor cêr muk lok sâuv thax tsav tỉnh cux trâus ruôr hiêv hnhar, ntâu ntu tâu njuôk xav zuôr muk lok tsik tâu hâur ntâu hnuz. Tas nro chor qơư trâus ngaz, ar poz, muôx đêx ntưk chênhr txos nhiv no sâuv chor cêr muôx 215 qơư uô trâu chor yêz muk lok tsik tâu đhâu. Zar hnuz kêix nas hmo, ntơưv ntâu tiv phaz nhoz tỉnh Sơn La cux tsênhv muôx ntux nas uô trâu côngz xưv khưx phưx thiêz taz por zoz thôngz njiz ntâu phiv liv. Lơưr nganhx zoz thôngz hêik pâuz, chor yêz thiêz pêx xênhv tsuv tsik muk lok đhâu têx qơư trâus đêx ngaz, muôx ar poz, tiv zix zos thâuv tsâuk ntux./.

(TTTB-Lik Thox cxêik nhênhv)

       Zơưv Đặng Chí Thanh, Chủ tịch UB xã Thượng Hà, huyện Bảo Yên, tỉnh Lào Cai puz pâuz sâuv thax tsav nhiv kruôr muôx yưv jiês nox cxâuv ndêz muôx tsơưr tưx uô 6 lênhx mê nhuôs nhoz jos Vài Siêu, xã Thượng Hà tsuv mul chơưv kho ntơưv tsêr kho moz đa khoa huyện Bảo Yên. Têx lênhx nênhs trâus tsơưr tưx puôr lênhx zos shux xênhz tsêr cơưv cấp iz thiêz cấp 2 sô 1 Thượng Hà. Thâuv tâu chơưv kho, têx mê nhuôs no li đas jos jux jus tâu hôx phưx./.

(KT- Txâur Vax cxeik, nhênhv)